కోవా పూరి

Snacks

oi-Saraswathi N

By Sindhu

Published: Friday, February 4, 2011, 16:20 [IST]

కావాలసిన పదార్థాలు:
మైదా: 1/2kg
పంచదార: 1kg
పచ్చి కోవా: 250grms
జాపత్రి:2 grm
యాలకులు: 6
సెనగ పిండి: 50grm
వంట సోడా: 1/2tsp
బేకింగ్ పౌడర్: 1/2tsp
నెయ్యి: 125 grm
నూనె: వేయించడానికి సరిపడా

తయారు చేయు విధానం:
1. పచ్చి కోవాకు సెనగపిండిని కలిపి ఒక గిన్నెలో కొంచెం వేయించి దించి దానిలో జాపత్రిపొడి, యాలకుల పొడి, కొంచెం చక్కెరకలిపి ముద్ద చేసి పెట్టుకోవాలి.
2. ఒక బాణలి లో మిగిలిన చక్కెరను పోసాక రెండు గ్లాసుల నీళ్ళు పోసి జిలేభి పాకంలా లేతగా వచ్చే వరకు ఉంచి దించి పక్కన పెట్టుకోవాలి.
3. మైదా పిండిలో వంట సోడా, బేకింగ్ పౌడర్ కలిపి జల్లించాలి పక్కన పెట్టుకోవాలి. దానిలో కరగబెట్టిన నెయ్యి కలిపి, రెండు చేతులతోనూ పిండిని బాగా కలిపి తగినన్ని నీళ్ళు చేర్చి గట్టి ముద్దలా తయారు చేసుకోవాలి.
4. తరువాత నిమ్మకాయంత పిండి ముద్దలను తీసుకుని చిన్న పూరీలా కొంచెం మందంగా చేసుకొని, మద్యలో కోవా మిశ్రమాన్ని పెట్టి అర్ధచంద్రాకారంలో మూసి, అంచులను తడి చేసి, కోవాకు దగ్గరగా అంచులను చుట్టి కజ్జి కాయలా మడత పెట్టుకోవాలి.
5. ఇప్పుడు వీటిని నూనెలో వేయించి కొంచెం రంగు రాగానే తీసి, చక్కెర పాకంలో వేసి ముంచి తీస్తే కోవా పూరి రెడీ.