చిటికెలో వెజిటేబుల్ ఎగ్ టోస్ట్...!

Published: Saturday, July 21, 2012, 13:28 [IST]

ఎగ్ టోస్ట్ తయారు చేయడం చాలా సులభమే. ఈ ఎగ్ టోస్ట్ ను వివిధ రకాలు తయారు చేసుకొంటారు. కొంచెం వెరైటీగా వెజిటేబుల్ ఎగ్ టోస్ట్ చాలా రుచిగా ఉంటుంది. చాలా త్వరగా చేయగల స్నాక్ ఇది స్కూల్ నుండి రాగానే పిల్లలకి ఇస్తే చాలా ఇష్టంగా తింటారు. ఎందుకోగానీ బ్రెడ్ ఆమ్లెట్ కంటే ఇది ఎక్కువగా ఇష్టపడతారు. పెద్దలకి కూడా ఇష్టమే ఆఫీసుల నుండి రాగానే ఈవెనింగ్ స్నాక్ గా చిటికెలో తయారు చేసి ఇస్తే సరి...

కావలసిన పదార్ధాలు :
బ్రెడ్ : 4slices
ఎగ్స్: 2
ఉల్లిపాయ: 1/2(చిన్న ముక్కలుగా కట్ చేసినవి)
పచ్చిమిర్చి: 2(చిన్న ముక్కలుగా కట్ చేసినవి)
టమోటో: 1/2(చిన్న ముక్కలుగా కట్ చేసినవి)
కొత్తిమీర: 2tbsp
ఉప్పు, కారం: రుచికితగినంత
నెయ్యి: 2tbsp
కారట్ తురుము కానీ, తురిమిన చీజ్ కానీ, పనీర్ కానీ ఇష్టాన్ని బట్టి ఏదో ఒకటి కలుపుకోవచ్చు

తయారు చేసే విధానం:
1. ముందుగా సన్నగా తరిగిన ఉల్లిపాయ, పచ్చిమిర్చి, టమోటో, కొత్తిమీర, తగినంత ఉప్పు, కారం అన్నీఒక మిక్సింగ్ బౌల్ లో వేసి కలపాలి.
2. తర్వాత గుడ్లను బ్రేక్ చేసి అందులో వేసి కొంచెం బాగా బీట్(గిలకొట్టాలి).
3. చివరిగా కారట్, పనీర్, చీజ్ ఏదో ఒకటి తురుము వేసి కలపాలి.
4. ఇప్పుడు ఒకో బ్రెడ్ స్లైస్ నీ ఈ మిశ్రమంలో ముంచి రెండువైపులా పట్టించి జాగ్రత్తగా పెనంపై పెట్టాలి కొంచెం నెయ్యివేసి రెండు వైపులా మంచి కలర్ వచ్చేవరకూ వేయించి టమాట కెచప్ తో సర్వ్ చేస్తే చాలా బాగుంటాయి.