న్యూట్రియంట్ యాపిల్ బాదం హల్వా

Published: Saturday, May 19, 2012, 11:51 [IST]

రోజుకో ఆపిల్‌ తింటే.. మహాభాగ్యం లాంటి ఆరోగ్యం మీ సొంతం అవుతుంది. యాపిల్‌ ఉపయోగాలు తెలుసుకుంటే ఇది నిజం అని మీరే అంగీకరిస్తారు. యాంటి ఆక్సిడెంట్స్‌ అధికంగా కలిగి ఉన్న యాపిల్‌ మనకు పలురకాల క్యాన్సర్‌ల నుంచి రక్షణ ఇస్తుంది.యాపిల్‌ ఏజింగ్‌ ప్రాసెస్‌ నుంచి రక్షిస్తుంది. ఏజింగ్‌ కారణంగా సంభవించే బ్రెయిన్‌ డామేజ్‌ని నివారిస్తుంది. బ్రెయిన్‌ఫుడ్‌గా పనిచేసి..బ్రెయిన్‌ను సమర్ధవంతంగా పనిచేసేలా చేస్తుంది. హృద్రోగాలను నివారించడం, నిరోధించడం చేయగలదు. రోజూ ఒక యాపిల్‌ తీసుకుంటే లంగ్‌ క్యాన్సర్‌ రానే రాదు. అలాగే బాదం..బాదం గురించి తెలియనివారుండరు. ప్రపంచవ్యాప్తంగా బాదం వాడకం ఎక్కువే. అందం, ఆరోగ్యం ఇలా అనేక రకాలుగా బాదం మనిషికి మేలు చేస్తుంది. అత్యధిక పోషకాలున్న బాదం పప్పు వల్ల అనేక లాభాలున్నాయి. బాదం మోనోశాచ్యురేటెడ్‌ ఫ్యాటియా సిడ్లు, విటమిన్‌ ఇ ఉంటాయి. ఈ రెండూ గుండెజబ్బుల బారి నుంచి కాపాడుతాయి. రోజూ కనీసం ఐదారు బాదం పప్పులు తప్పనిసరిగా తీసుకోవాలి. మరి ఇన్ని ఉత్తమ విలువలున్న ఈ రెండు కాంబినేషన్లతో ఓ వంటకం చేస్తే, మీ శరీరానికి కావలసినన్నప్రోటీన్లు లభిస్తయి.

కావలసిన పదార్ధాలు:
యాపిల్ పండ్లు: 3-4
పంచదార: 1/2cup
పాలపొడి: 1cup
యాలకుల పొడి: 1tsp
నెయ్యి: 1/2cup
బాదం: 1cup
కేసరి రంగు: 1/4cup

తయారు చేయు విధానం:
1. ముందుగా వేడినీళ్ళలో బాదం పప్పును నానబెట్టి పెట్టుకోవాలి. రెండు గంటల తర్వాత మిక్సీలో మెత్తగా పేస్ట్ లా తయారు చేసుకోవాలి.
2. తర్వాత యాపిల్ పండ్లకు చెక్కు తీసి సన్నగా తురిమి పెట్టుకోవాలి.
3. ఇప్పుడు పాన్ లో నెయ్యి వేసి స్టౌ మీద పెట్టాలి. అది కరిగాక యాపిల్ తురుము అందులో వేసి వేయించుకోవాలి.
4. తురుము వేగి కమ్మని వాసన రావడం మొదలయ్యాక బాదం పేస్ట్ వేసి కలియతిప్పాలి. ఈ బాదం పేస్ట్, యాపిల్ తురుము బాగా ఉడికాక పాలపొడి, కేసరిపొడి చేర్చి బాగా కలపి సన్నని మంట మీద బాగా మగ్గనివ్వాలి. పదినిమిషాలయ్యాక యాలకుల పొడి వేసి దించేస్తే సరిపోతుంది.