తమిళనాడులో బండ్ల మీద చేసే ఉల్లిపాయ చట్నీ..టిఫిన్స్ లోకి పర్ఫెక్ట్ సెట్

ఈసారి మీరు ఇంట్లో ఇడ్లీ లేదా దోశ వేసుకున్నప్పుడు రొటీన్ గా చేసుకునే పల్లీ చట్నీ లేదా కొబ్బరి చట్నీ కాకుండా తమిళనాడులో బండ్ల మీద దొరికే స్పెషల్ ఉల్లిపాయ చట్నీని తప్పకుండా ప్రయత్నించండి. ఇది కాస్త కారంగా, పుల్లగా, తీపిగా ఉంటూ నోరూరించే రుచిని కలిగి ఉంటుంది.

తమిళనాడు స్టైల్ ఉల్లిపాయ చట్నీ అనేది కేవలం నాలుకకు రుచినిచ్చే పదార్థం మాత్రమే కాదు, ఇది ఒక సంపూర్ణ ఆరోగ్యకరమైన సైడ్ డిష్. ఇందులో వాడే ప్రతి దినుసులోనూ ఔషధ గుణాలు ఉన్నాయి. వేడి వేడి ఇడ్లీపై నెయ్యి వేసుకుని ఈ చట్నీతో తింటే అద్భుతంగా ఉంటుంది. దీని తయారీలో వాడే ప్రతి దినుసులోనూ ఔషధ గుణాలు ఉన్నాయి. తమిళనాడు స్టైల్ ఉల్లిపాయ చట్నీ తయారీకి కావాల్సిన పదార్థాలు, తయారీ విధానం ఇక్కడ చూడండి.

తయారీకి కావాల్సిన పదార్థాలు

-ఉల్లిపాయలు
-ఎండు మిరపకాయలు
-బెల్లం
-చింతపండు
-రాళ్ల ఉప్పు
-నూనె
-ఆవాలు
-మినపప్పు
-కరివేపాకు
-ఇంగువ

తయారీ విధానం

-ముందుగా 10 ఎండు మిరపకాయలను అరగంట సేపు నీటిలో నానబెట్టాలి. తమిళనాడులో ఈ చట్నీ కోసం దేగి మిర్చి(degi mirch)అనే వెరైటీనే వాడతారు. ఇది కారం తక్కువ, రంగు,ఘాటుతో ఉంటుంది.

-తర్వాత మిక్సీ గిన్నెలో నానబెట్టిన ఎండు మిరపకాయలు, 1 పెద్ద ఉల్లిపాయ ముక్కలు, గోలీ సైజు చింతపండు, నిమ్మకాయ సైజు అంత బెల్లం, రుచికి సరిపడా రాళ్ల ఉప్పు వేసి కొద్దిగా నీళ్లు పోసుకొని మెత్తని పేస్ట్ లా గ్రైండ్ చేసి పక్కన పెట్టుకోండి.

-ఇప్పుడు స్టవ్ మీద బాండీ పెట్టి అందులో 3 టీస్పూన్ల నూనె వేసి వేడి చెయ్యాలి. వేడెక్కిన నూనెలో అర టీస్పూన్ ఆవాలు వేసి చిటపటలాడించిన తర్వాత 1 టీస్పూన్ మినపప్పు వేసి ఎర్రగా వేపుకోండి. ఇందులోనే 2 ఎండుమిర్చి, చిటికెడు ఇంగువ, 1 రెబ్బ కరివేపాకు వేసి కరివేపాకు చిటపటలాడేవరకు ఫ్రై చేసుకోండి.

-ఇప్పుడు బాండీలో మెుత్తగా గ్రైండ్ చేసుకున్న ఉల్లిపాయ పేస్ట్ ను వేసి మీడియం మంట మీద 3 నిమిషాలు కలుపుతూ ఉంటే నూనె పైకి తేలుతుంది. అప్పుడు స్టవ్ ఆపేయండి.

-అంతే తమిళనాడు స్టైల్ ఉల్లిపాయ చట్నీ రెడీ. ఈ పచ్చి 3 రోజుల వరకు నిల్వ ఉంటుంది. ఇదే పచ్చడిని ప్రకాశం, నెల్లూరు జిల్లాల్లో మరో తీరులో చేస్తుంటారు.