రెడ్ క్యాబేజ్ ఫ్రైడ్ రైస్ రిసిపి: టేస్టీ అండ్ హెల్తీ

Veg

oi-Saraswathi

By Sindhu

Updated: Thursday, January 29, 2015, 14:30 [IST]

నిజానికి, కాలీఫ్లవర్ కన్నా విలువైన పోషకాలను కలిగి ఉన్నది క్యాబేజ్. విటమిన్‌ బి6, విటమిన్‌ సి, ఫోలేట్‌ ఆరోగ్యదాయకమైన ఎన్నో పైటో కెమికల్స్‌ పుష్కలంగా ఉంటాయి. ఇది క్యాన్సర్‌ నిరోధక కాయగూరలలో రారాజు. క్యాన్సర్‌ను నిరోధించే బయో ఫ్లావనాయిడ్స్‌ క్యాబేజ్లో పుష్కలంగా ఉంటాయి. పీచుపదార్థం ఎక్కువ. అందువలన మల విసర్జన సాఫీగా జరగటానికి, వ్యర్థ పదార్థాల బహిష్క రణకు దోహద పడుతుంది. వంధ్యత్వాన్ని పోగొడుతుంది. రేచీకటిని, చిన్న వయసులో జుట్టు తెల్లబడటాన్ని, ఊడిపోవడాన్ని నివారిస్తుంది.

క్యాబేజ్ లో విటమిన్స్ పుష్కలంగా ఉన్నాయి. విటమిన్ బి1, బి2, బి3, బి5, బి6, బి9లు ఉన్నాయి. అంతేగాకుండా ప్రోటీన్లు, ఫాస్పరస్, పొటాషియంలు కూడా కలిగివుంది. అందుచేత వారానికి రెండు లేదా మూడు సార్లు క్యాబేజ్ ను వంటకాల్లో చేర్చుకోవడం ఆరోగ్యానికి ఎంతో మంచిదని న్యూట్రీషన్లు అంటున్నారు. ఇలాంటి వంటల్లో క్యాబేజ్ ఫ్రైడ్ రైస్ ను ఎలా తయారు చేయాలో చూద్దాం...

కావల్సిన పదార్థాలు:

రెడ్ క్యాబేజ్: 250grms
ఉప్పు: రుచికి సరిపడా
పచ్చిమిర్చి: 4-6
నూనె: 2tbps
అన్నం: 1cup
పసుపు చిటికెడు
ఇంగువ: చిటికెడు
ఆవాలు: 1tsp
కరివేపాకు: రెండు రెమ్మలు

తయారుచేయు విధానం:
1. ముందుగా స్టౌ మీద పాన్ పెట్టి, నూనె వేసి వేడిచేయాలి. వేడి అయ్యాక అందులో ఆవాలు, కరివేపాకు, జీలకర్ర వేసి ఒకనిముషం ఫ్రై చేసుకోవాలి.
2. ఆవాలు, జీలకర్ర వేగిన తర్వాత అందులో సన్నగా తరిగి పెట్టుకొన్న పచ్చిమిర్చి వేసి మీడియం మంట మీద ఫ్రై చేసుకోవాలి.

3. క్రిస్పిగా వేగిన తర్వాత, అందులో పచ్చిగా రెడ్ కలర్ లో ఉన్న క్యాబేజ్ వేసి పోపుతో మిక్స్ చేసి మీడియం మంట మీద ఫ్రై చేసుకోవాలి.
4. క్యాబేజ్ వేగుతున్నప్పుడు అందులో ఉప్పు, పసుపు, ఇంగువ ఒకదాని తర్వాత ఒకటి వేసి ఫ్రై చేసుకోవాలి.

5. ఇప్పుడు కొద్దిగా మంటను ఎక్కువగాపెట్టి, క్యాబేజ్ మెత్తగా వేగనివ్వాలి. క్యాబేజ్ మెత్తగా ఉడికిన తర్వాత అందులో ముందుగా వండిపెట్టుకొన్న అన్నం వేసి మొత్తం మిశ్రమాన్ని కలగలుపుకోవాలి .
6. మంటను పూర్తిగా తగ్గించి, క్యాబేజ్ మిశ్రమం, అన్నం రెండూ కలగలిసేలా మిక్స్ చేయాలి. ఇలా తయారైన తర్వాత కొత్తిమీర తరుగుతో గార్నిష్ చేసుకోవాలి. అంతే రెడ్ క్యాబేజ్ పులావ్ రిసిపి రెడీ.