మరో ప్లేటు తినాల్సిందే ఈ పొంగల్...!

తయారు చేయు విధానం:
1. ముందుగా పచ్చిమిర్చి, అల్లం, పచ్చికొబ్బరి మిక్సీలో వేసుకొని పేస్ట్ చేసి పక్కన పెట్టుకోవాలి.
2. తర్వాత బియ్యం, పెసరపప్పును నీళ్ళల్లో శుభ్రం చేసి పక్కన పెట్టుకొని, తర్వాత ప్రెజర్ కుక్కర్లో కొద్దిగా నెయ్యి వేసి వేడయ్యాక అందులో ఎండు మిర్చి వేసి, తర్వాత అల్లం పచ్చిమిర్చి పేస్ట్ వేసి పచ్చివాసన పోయే వరకూ వేయించుకోవాలి.
3. తర్వాత అందులోనే శుభ్రం చేసి పెట్టుకొన్నబియ్యం, పెసరప్పుకు సరిపడా నాలుగు కప్పుల నీళ్ళు పోసి కొద్దిగా ఉప్పు వేసి కుక్కర్ లో ఐదు విజిల్స్ వచ్చేంత వరకూ ఉడికించి తీసి పక్కన పెట్టుకోవాలి.
4. ఇప్పుడు పాన్ లో కొద్దిగా నెయ్యి వేసి జీడిపప్పును వేయించి తీసి పక్కన పెట్టుకోవాలి.
5. తర్వాత అదే పాన్ లో మరి కొద్దిగా నెయ్యి వేసి అందులో జీలకర్ర, కరివేపాకు, ఇంగువ వేసి ఒక నిమిషం పాటు వేయించుకోవాలి. ఈ మిశ్రమాన్ని, జీడిపప్పును ముందుగా ఉడికించి పెట్టుకొన్న పొంగలికి కలిపుకోవాలి. బాగా మిక్స్ చేసి చింత గొజ్జు లేదా చట్నీతో హాట్ హాట్ గా సర్వ్ చేస్తే భలే రుచిగా ఉంటుంది.