కుస్ కుస్ ఆలూ-స్పెషల్ టేస్ట్

బంగాళదుంపలను వివిధ రకాలుగా వండుతారు, బంగాళదంపలు ఎలా వండినా చాలా రుచికరంగా ఉంటుంది. మరింత రుచికరంగా, టేస్టీగా తినాలంటే, కుస్ కుస్ ఆలూను ప్రయత్నించండి.

కుస్ కుస్ ఆలూ తయారుచేయడం చాలా సులభం, మరియు చాలా త్వరగా తయారుచేయవచ్చు. ఈ వంటను ప్రధానంగా కావల్సింది గసగసాలు, ఈ క్రీమి, టేస్ట్ ను ఈ గసగసాలు అంధిస్తుంది. మరి ఈ కుస్ కుస్ ఆలూను ఎలా తయారుచేయాలో చూద్దాం..

కావల్సిన పదార్థాలు:
పొటాటో: 5-6(పొట్టు తీసి, కట్ చేసి పెట్టుకోవాలి)
నూనె: 3tbsp
ఉప్పు: రుచికి సరిపడా
పచ్చిమిర్చి: 2-3
ఎండు మిర్చి: 3
పసుపు: చిటికెడు
కొత్తిమీర తరుగు: కొద్దిగా
కుస్ కుస్(గసగసాలు): 2tbsp(వేయించుకోవాలి)
నిమ్మరసం : 1tsp

తయారుచేయు విధానం:
1. ముందు వేయించి పెట్టుకొన్న గసగసాలు, పచ్చిమిర్చి, నిమ్మరసం వేసి మెత్తగా పేస్ట్ చేసుకోవాలి.
2. తర్వాత పాన్ లో కొద్దిగా నూనె వేసి, గోల్డ్ బ్రౌన్ కలర్ వచ్చే వరకూ వేయించుకోవాలి.
3. తర్వాత ఎండు మర్చి, పసుపు వేసి వేయించి తర్వాత అందులో గ్రై చేసిపెట్టుకొన్న మసాలా ముద్ద వేసి ఫ్రై చేసుకోవాలి.
4. తర్వాత అందులో వేయించుకొన్న బంగాళదుంప ముక్కలు కూడా వేసి వేయిస్తూ అందులో మసాలా బాగా పట్టే వరకూ వేయించుకోవాలి . బంగాళదుంపలను 10నిముషాలు తక్కువ మంట మీద వేయించుకోవాలి . అంతే టేస్టీ కుస్ కుస్ ఆలూ రెడీ .