మ్యాంగో(మామిడి) పలావ్-సమ్మర్ స్పెషల్

Published: Friday, May 18, 2012, 16:54 [IST]

వేసవిలో విరివిగా లభించే మామిడిని చూస్తే ఎవరికైనా నోరూరుతుంది. రుచిలో మాత్రమే కాదు. గుణాల్లోనూ ఈ పండు ప్రత్యేకతే వేరు. రోగనిరోధక శక్తిని పెంచుతుంది. వేసవిలో అరుదుగా దొరికే మామిడికాయ అన్నంతో మొదలయ్యే ఆవకాయ పెరుగున్నదాకా కొనసాగుతుంది. అంతే కాదు అన్నంలో కూడ పలురకాలుగా చేసుకొంటారు. మామిడి పులిహోర, మామిడి పెరుగన్నం, కొంచెం డిఫరెంట్ గా మామిడి పలావు ఎలా చేయాలో చూద్దాం..........

కావలసిన పదార్థాలు:
బాస్మతి రైస్: 2
మామిడి గుజ్జు: 2
దాల్చిన చెక్క: చిన్న ముక్క
లవంగాలు: 4-6
ఎండుమిర్చి: 2
నెయ్యి: 2
ఉప్పు: రుచికి సరిపడా
జీడిపప్పు: 8-10

తయారు చేయు విధానం:
1. ముందుగా బియ్యం అరగంటపాటు నీళ్ళల్లో నానబెట్టాలి. తర్వాత నీళ్లు వంపేసి పక్కన పెట్టుకోవాలి.
2. ఇప్పుడు స్టౌ మీద మందపాటి గిన్నె పెట్టి అందులో నెయ్యి వేసి, వేడయ్యాక అందులో దాల్చిన చెక్క, లవంగాలు, యాలకులు, ఎండుమిర్చి వేయాలి.
3. అవి వేగాక బియ్యం చేర్చి గరిటెతో కలియతిప్పాలి. నాలుగైదు నిమిషాలయ్యాక మామిడిపండు గుజ్జు, కాస్త ఉప్పు వేసి, కొద్దిసేపటికి రెండు కప్పులు నీళ్ళు పోసి మూత పెట్టాలి.
4. అన్నం ఉడికాక స్టౌ ఆఫ్ చేసి, నెయ్యిలో వేయించిన జీడిపప్పును గార్నిష్ చేసి క్రిందికి దింపుకొని సర్వ్ చేయాలి. అంతే మ్యాంగో పులావ్ రెడీ...