రుచితో పాటు ఆరోగ్యమైన డ్రై ఫ్రూట్ స్వీట్ దోసె

Published: Friday, April 20, 2012, 13:24 [IST]

సాధారణంగో దోసెలను మనకు నచ్చిన పద్దతుల్లో వెరైటీ వెరటీగా చేసుకుంటుంటాము. దోసెలలో రకాలు అన్నీ ఎన్ని కాదు. దోశలలో కొంచెం కొత్తదనం, వెరైటీ కోరుకునే వారి కోసమే ఈ కొత్తరకం "మిక్స్‌డ్ డ్రై ఫ్రూట్‌ దోసె".. ఇది చక్కటి రుచిని కలిగి ఉండటమే కాకుండా బ్రేక్‌ఫాస్ట్/స్నాక్‌గా మంచి బలాన్ని కూడా ఇస్తుంది.
కావలసిన పదార్థాలు:
దోసె పిండి: 1/2kg
ఎండుకొబ్బరితురుము: 1/2cup
గసగసాలు: 3tbps
జీడిపప్పు: 1/2cup
బాదం పప్పు: 6-8
పిస్తా పప్పు: 8-10
ఎండుద్రాక్ష: 20-25
యాలకుల పొడి: 1/2tsp
పంచదార: 1/2tsp

తయారు చేయు విధానం:
1. ముందుగా జీడిపప్పు, బాదం పప్పు, ఎండుద్రాక్ష, పిస్తాపప్పలను చిన్న చిన్న ముక్కలు అయ్యేలా మిక్సీలో పొడి చేసుకోవాలి.
2. తర్వాత ఒక పాత్రలోకి ఈ మిశ్రమాన్ని తీసుకొని అందులో పంచదార పొడి, యాలకుల పొడి, కొబ్బరి తురును, గసగసాలు వేసి బాగా కలుపుకోవాలి.
3. ఇప్పుడు పెనంపై దోశ పిండితో దోసె వెసుకుకొని, దానిపై తగినంత డ్రై ఫ్రూట్స్ మిశ్రమాన్ని, సరిపడా ఆయిల్‌ను వేసి ఒకవైపు మాత్రమే కాల్చి మడత పెట్టుకొని సర్వింగ్ ప్లేట్‌లోకి తీసుకోవాలి.
4. వీటిని వేడి వేడిగా లాగించేస్తే మంచి రుచికరంగా ఉంటాయి. దీంతో తగినంత బలం కూడా వస్తుంది. డ్రై ఫ్రూట్స్ ఉండటం వల్ల పిల్లలు కూడా బాగా ఇష్టపడి తినేస్తారు. పిల్లలు పెద్దలు ఇష్టంగా తనడం వలన అదనపు పోషక విలువులు లభిస్తాయి...