ఈజీ టు మేక్..టేస్టీ టు ఈట్ పంజాబి ఖడి-స్పెషల్ వంటకం

Published: Wednesday, December 14, 2011, 17:29 [IST]

కావలసిన పదార్థాలు:
శనగపిండి: 1cup
ఉల్లిపాయలు: 1/2cup (చిన్నగా తరగినవి)
బంగాళదుంపలు: 1/4cup(ఉడికించాలి)
వాము: 1tsp
కారం : 1tsp
అల్లం ముక్కలు: 1tsp (సన్నగా తరిగినవి)
కొత్తిమీర: 1cup(సన్నగా తరిగినవి)
నూనె: కావలసినంత
వెల్లుల్లి ముక్కలు:1/4cup (సన్నగా తరిగినవి)
పెరుగు(కాది కర్డ్/ యోగ్రట్): 1cup
ఉప్పు: రుచికి సరిపడా
బేకింగ్ పౌడర్: 1/2tsp
ఎండుమిర్చి: 4
పసుపు: 1/2tsp
ఇంగువ: 1tsp
ఆవాలు: 1tsp
జీలకర్ర: 1tsp
పచ్చిమిర్చి: 4

తయారు చేయు విధానము:
1. ఒక పాత్రలో శనగపిండి, సగం ఉల్లిపాయ ముక్కలు, చిదిమిన బంగాళదుంప, సగం కొత్తిమీర, అల్లం వెల్లుల్లి ముక్కలు, పసుపు, జీలకర్ర, ఉప్పు, వాము వేసి తగినంత నీటితో ముద్దగా కలుపుకోవాలి.
2. తర్వాత ఈ మిశ్రమాన్ని చిన్న పకోడీలుగా చేసుకుని మరుగుతున్న నూనెలో వేసి వేయించి, గోల్డెన్ బ్రౌన్ కలర్ వచ్చేసరికి తీసి పక్కన పెట్టుకోవాలి.
3. మరొక పాన్‌ లో కొద్దిగా నూనె వేడి చేసి ఉల్లిపాయ ముక్కలు, పచ్చిమిర్చి, ఎండుమిర్చి, జీలకర్ర, ఆవాలు వేయాలి.
4. అవి వేగిన తర్వాత పెరుగు కలపాలి. అందులో కారం, పసుపు, ఉప్పు, ఇంగువ వేసి వేయించాలి.
5. ఈ మిశ్రమంలో ముందుగా వేయించి పక్కన ఉంచిన పకోడీలను వేసి కొత్తిమీరతో గార్నిష్ చేయాలి. అంతే పంజాబి ఖడీ రెడీ. ఇది వేడి వేడి అన్నంలో కి మంచి కాంబినేషన్