హై న్యూట్రిషనల్ బ్రేక్ ఫాస్ట్ రాగి మాల్ట్

Published: Thursday, August 30, 2012, 7:59 [IST]

రాగులు మంచి పోషకాహారం అని తెలిసిందే.. ఇతర తృణధాన్యాలతో పోలిస్తే వీటి వాడకం నిన్న మొన్నటి వరకూ తక్కువనే చెప్పాలి. కానీ ఆరోగ్య రిత్యా ఐరన్, కాల్షియం నిల్వలు అధికంగా ఉన్న రాగుల్ని ఏదో ఒక రూపంలో ఆహారంగా తీసుకోవడం ఇటీవలి కాలంలో ఎక్కువయింది. అయతే చాలా మంది జావ లేదా రాగి ముద్ద రూపంలోనే వీటిని తింటుంటారు. కానీ రాగుల్లని కూడా రకరకాల రుచికరమైన వంటకాలుగానూ ఆస్వాదించవచ్చు..మరి రాగి మాల్ట్ ఎలా తయారు చేయాలో చూద్దాం..

కావలసిన పదార్థాలు:
రాగిపిండి: 1cup
కార్న్ ఫ్లోర్: 1/2cup
మంచినీళ్ళు: 3glass
చిక్కటి పాలు (కాచినవి): 3glass
పంచదార: 1cup
యాలకుల పొడి 1/2tsp
బ్లాక్ పెప్పర్ పౌడర్: 1/2tsp
ఉప్పు: చిటికెడు

తయారు చేయు విధానం:
1. ముందుగా రాగి పిండి, కార్న్ ప్లోర్ లలో తగినన్ని నీళ్ళు పోసి మెత్తని పేస్టులా కలపాలి.
2. తర్వాత స్టౌ మీద పాత్రలో నీళ్ళు పోసి మరిగించాలి.
3. తర్వాత అందులో పంచదార, ఉప్పు, యాలకుల పొడి, మిరియాల పొడి వేసి రాగి మిశ్రమం జారుగా పోస్తూ వేగంగా గరిటెతో తిప్పుతూ సన్నటి సెగ మీద రెండు మూడు నిమిషాలు ఉడికించి, క్రిందికి దించి పాలు కలిపితే రాగి మాల్ట్ రెడీ....