సమ్మర్ స్పెషల్ మామిడి(మ్యాంగో)ఫ్రైడ్ రైస్

Veg

oi-Saraswathi

By Sindhu

Published: Tuesday, May 15, 2012, 9:04 [IST]

వేసవిలోనే వచ్చే పచ్చిమామిడిలో ఎన్నో అద్భుతమైన పోషక లక్షణాలున్నాయి. కాయలో సమృద్ధిగా లభించే విటమిన్ సి రోగనిరోధక శక్తిని పెంపొదిస్తుంది. రక్తహీనత, కలరా, టీబీల నుంచి కాపాడుతుంది. ఐరన్‌ను గ్రహించడంలో కొవ్వు మెటాబాలిజంలో విటమిన్ సి సహకరిస్తుంది.

కావలసిన పదార్థాలు:
అన్నం: 6 cups
మామిడి తురుము: 2 cups
కొబ్బరి తురుము: 2 cups
మొలకెత్తిన పెసళ్లు: 2 cups
క్యారెట్ తరుగు2 cups
క్యాప్సికమ్ తరుగు: 2 cups
మినప్పప్పు: 4 tsp
నువ్వులు: 4 tsp
జీడిపప్పు: 2tbsp
శెనగపప్పు: 2 tsp
మినప్పప్పు: 2 tsp
కొత్తిమీర తరుగు: 4 tsp
ఆవాలు: 1 tsp
జీలకర్ర:2 tsp
పసుపు: 2 tsp
పచ్చిమిర్చి:8-10
పసుపు:2 tsp
నూనె: తగినంత
ఉప్పు: రుచికి తగినంత
తయారు చేయు విధానం
1. ముందుగా నువ్వులు, మినప్పప్పులను వేయించి పొడిచేసి పక్కన పెట్టుకోవాలి.
2. తర్వాత పొడి పొడిగా వండుకొన్న అన్నంలో నువ్వులు, మినప్పప్పు పొడితోపాటు మామిడి, కొబ్బరి తురుము, పసుపులను వేసి బాగా కలపాలి.అలాగే మొలకెత్తిన పెసళ్లను ఉడికించి పెట్టుకోవాలి.
3.ఇప్పుడు పాన్ లో నూనె వేసి జీడిపప్పు, శెనగపప్పు, మినప్పప్పు, ఆవాలు, జీలకర్ర, పచ్చిమిర్చి ముక్కలను వేసి బాగా వేయించాలి.
4. అందులోనే క్యాప్సికం, క్యారెట్ తరుగు, పెసళ్లను వేసి మరికాసేపు వేయించాలి. ఈ మిశ్రమాన్ని అన్నంలో వేసి బాగా కలపాలి. చివర్లో కొత్తిమీర తరుగును గార్నిష్ చేయాలి. అంతే సమ్మర్ స్పెషల్ రుచికరమైన మ్యాంగో ఫ్రైడ్‌ రైస్ రెడీ.