టమోటో ఆనియన్ గ్రేవీ రిసిపి

టమోటో ఉల్లిపాయ గ్రేవీ రిసిపి చాలా సులభమైనటువంటి వంట. చాలా త్వరగా మరియు చాలా సింపుల్ గా తయారుచేయవచ్చు. ఈ సౌత్ ఇండియన్ స్పెషల్ టమోటో ఆనియన్ గ్రేవీ రిసిపి చపాతీ, పూరి, దోస, ఇడ్లీకి సైడ్ డిష్ గా చాలా గ్రేట్ గా ఉంటుంది.

టమోటో ఆనియన్ గ్రేవీ రిసిపి చాలా సింపుల్ గా తయారుచేయవచ్చు. ఈ రిసిపికి ప్రధానంగా బాగా పండిన టమోటోలు, మరియు ఉల్లిపాయ ఎక్కువగా అవసరం అవుతుంది . మరి ఈ సింపుల్ రిసిపిని ఎలా తయారుచేయాలో చూద్దామా...

కావల్సిన పదార్థాలు:

టమోటో: 8
ఉల్లిపాయలు: 4
కారం: 3tsp
పసుపు: 1/2tsp
ఆవాలు: 1tsp
కరివేపాకు: కొద్దిగా
ఉప్పు: రుచికి సరిపడా
నూనె: సరిపడా
నీళ్ళు సరిపడా

తయారుచేయు విధానం:

1. ముందుగా స్టౌ మీద పాన్ పెట్టి, నూనె వేసి వేడి చేయాలి. వేడయ్యాక అందులో ఆవాలు వేసి చిటపటలాడిన తర్వాత కరివేపాకు వేసి ఒక నిముషం వేగించుకోవాలి.
2. తర్వాత వెంటనే సన్నగా తరిగిన ఉల్లిపాయ ముక్కలు వేసి ఉల్లిపాయ ముక్కలు మెత్తబడే వరేకు వేగించుకోవాలి.
3. ఉల్లిపాయ ముక్కలు లైట్ బ్రౌన్ కలర్ వచ్చేంతవరకూ వేగించుకొని, తర్వాత అందులో కారం, పసుపు, ఉప్పు వేసి ఫ్రై చేయాలి.
4. రెండు నిముషాల తర్వాత సన్నగా తరిగి పెట్టుకొన్న టమోటోముక్కలను కూడా వేసి బాగా మిక్స్ చేస్తూ ఫ్రై చేసి, మూత పెట్టి మంటను పూర్తిగా తగ్గించి అరగంట సేపు ఉడికించుకోవాలి.
5. అరగంట తర్వాత మూత తీసి కొద్దిగా నీళ్ళు పోసి తిరిగి మరికొద్దిసేపు ఉడికించుకోవాలి. అంతే టమోటో ఆనియన్ గ్రేవీ రిసిపి రెడీ. ఇది చపాతి, పూరి, ఇడ్లీ, దోసలలకో బాగుటుంది. రైస్ కు సైడ్ డిష్ గా కూడా టేస్టీగా ఉంటుంది.