బ్రేక్ ఫాస్ట్ లేకుండా ఒక్క ఆమ్లెట్ తింటే చాలు...!

కావలసిన పదార్థాలు:
గుడ్లు: 5
చీజ్: 2tbsp
బీన్స్: 2-2
చీజ్: 2tbsp
ఉల్లిపాయ: 2
క్యాప్సికమ్: 1
టమోటాలు: 2
పసుపు: చిటికెడు
బ్లాక్ పెప్పెర్: 2tsp
బీట్ రూట్: 1(చిన్నది)
క్యాబేజి తురుము: 2tbsp
పచ్చిమిరపకాయలు: 4-6
కొత్తిమీర తరుగు: 1cup
ఉప్పు: రుచికి తగినంత
నూనె: సరిపడా....

తయారుచేయు విధానం:
1. ముందుగా కూరగాయ చిన్న చిన్న ముక్కలుగా కట్ చేసుకొని, ఆ ముక్కల్ని కుక్కర్లో ఒక విజిల్ వచ్చేవరకూ ఉడికించుకోవాలి.
2. తర్వాత స్టౌ మీద గిన్నె పెట్టి కొద్దిగా నూనె పోసి బాగా కాగాక పచ్చిమిరపకాయ ముక్కలు, ఉల్లిపాయ ముక్కలు వేసి వేగించాలి. కొద్దిగా పసుపు, ఉప్పు, ఉడికించి పెట్టుకున్న కూరగాయ ముక్కలు కూడా వేసి బాగా కలిపి వెంటనే దించేయాలి.
3. గుడ్డు సొనని ఒకసారి మిక్సీలో వేసుకుని బ్లెండ్ చేసి పెనం మీద ఆమ్లెట్ వేయాలి. (ఆమ్లెట్ లావుగా రావాలంటే మిక్సీలో వేసుకోవాలి) ఆమ్లెట్‌పై చీజ్ తురుము, కూరముక్కల్ని చల్లి చివర్లో కొత్తిమీర తురుము వేసి ఒకవైపుకి మడిచి సర్వ్ చేసుకోవాలి. అంతే హెల్తీ వెజిటేబుల్ ఆమ్లెట్ రెడీ...