కార్తీక మాసంలో తులసి, ఉసిరి మొక్కలను కలిపి పూజించడంలో ఆంతర్యం ఏమిటి?

ఉసిరికాయను దైవవృక్షంగా భావిస్తారు గనుకే కార్తీకమాసంలో వనభోజనాల సందర్భంగా ఉసిరి చెట్టు వద్ద వంటలు వండుకోవడం సాంప్రదాయంగా వస్తోంది. కార్తీక మాసంలో పూజలకు, అనేక నోములు, వ్రతాల్లోనూ ఉసిరికి ప్రాధాన్యం ఉంది. తరచూ ఉసిరికాయలు తినేవారు అనారోగ్యాలకు దూరంగా ఉంటారని ఆయుర్వేద వైద్యులు చెబుతుంటారు.

క్షీరాబ్ది ద్వాదశిగా పిలుచుకునే రోజున సాయంత్రంలో ఇంటిలోని తులసి మొక్క దగ్గర ధాత్రి (ఉసిరి మొక్క)ను ఉంచి విష్ణు మూర్తికి పూజలు చేస్తారు. 12, 16, 21 దీపాలను వెలిగించి, మహిళలు ప్రత్యేకంగా పూజ చేసుకుంటారు వీటినే ద్వాదశ దీపాలు అంటారు. ఆరోజున ప్రతీ ఇంటా ఈ దీపాల వెలుగులతో నిండిపోతుంది.

తులసి మొక్కను గౌరీదేవిగా, ఉసిరి మొక్కను శ్రీ మహావిష్ణువుగా పూజింపడం వల్ల, గౌరీ పూజ చేయడం వ్లల ఆర్థిక బాధలు తొలగి, సర్వ సంపదలు కలుగుతాయి. ఉసిరి మొక్కను సాక్షాత్తు విష్ణుమూర్తిగా భావిస్తారు కాబట్టి, స్వామి ఎక్కడ ఉంటే అక్కడ లక్ష్మీ ఉంటుంది. లక్ష్మీ ఉంటే కరువు అనేది ఉండదు, కార్తీక మాసంలో ఉసిరి మరియు తులసి పూజ చేస్తే ఎంతో పుణ్యఫలం కూడా లభిస్తుంది.

కార్తీక మాసంలో తులసి మొక్క చాలా విశిష్టమైనది. తులసి మొక్క అమ్మవారు స్వరూపం, పవిత్రమైనదిజ ఈ మొక్కను పెంచడం వల్ల అద్రుష్టంతో పాటు ఆరోగ్యం కూడా పొందుతారు. ప్రతి రోజూ తులసి కోటకు పూజ చేసుకోవడం ఆ ఇంటి ఇల్లాలి భాగ్యమని అనుకోవాలి.

ధాత్రిపూజ..
ధాత్రి అంటే ఉసిరి అని అర్థం. ఉసిరిక లక్ష్మీదేవికి ఆవాసమైఎంతో ఇష్టమైనది. కార్తీకమాసంలో ఈ ఉసిరిక వృక్షం కింద భోజనం చేయడం ఎంతో అదృష్టం. ఉసిరివృక్షం మొదట్లో ధాత్నీదేవిని, దామోధరస్వామిని పూజింది, మధుర పదార్థాలను నివేదించాలి. బంధు మిత్రులతో కలసి ఉసిరిక చెట్టు ఉన్న వనంలో వనభోజనాలకు వెళ్లడం ఆనవాయితీ.

కార్తీక మాసంలో ఉసిరి ప్రాధాన్యత:
కార్తీకమాసంలో ఉసిరికి ఎనలేని ప్రాధాన్యత ఉంటుంది. ఉసిరిని ఆరోగ్యసిరిగా చెప్పుకుంటారు. ఉసిరికాయలో విటమిన్ సి పుష్కలంగా ఉంటుంది. అందుకే ఉసిరికాయలను ఈ మాసంలో తినడం వల్ల అనారోగ్య సమస్యలు ధరిచేరవు. ప్రతి రోజూ ఒక ముద్ద అన్నం ఉసిరికాయతో కానీ, ఉసిరిపచ్చడితో కానీ తింటే శరీరంలోని అనారోగ్యం ఉన్నా కానీ దానంత అదే పోతుంది. నోటి పూతను తగ్గించే గుణం ఉసిరికి ఉంది.

తల వెంట్రుకలు ఏపుగా పెరగాలన్నా, వెంట్రుకలకు సంబంధించిన ఎలాంటి అనారోగ్య సమస్యలున్నా ఉసిరి ఎంతో సహాయపడుతుంది. ఈ కాలంలో వచ్చే దుష్పరిణామాలు శీతవాతాల, కఫ, శ్లేష్మ, పిత్తదోష నివారణ, పలు సమస్యలను ఉసిరితో నివారించుకోవచ్చు. ఇదే ఉసిరిని రాత్రి సమయాల్లో సేవించకూడదని ఆయుర్వేద వైద్యులు సూచిస్తున్నారు. ఈ నెలలో ప్రతీ సోమవారం ఉదయం సాయంత్రం శివాలయం ప్రాంగణంలో ఉసిరి దీపాన్ని వెలిగిస్తారు, పుణ్యఫలం పొందుతారు.