హనుమాన్ జయంతి రోజు ఇలా చేస్తే.. శనిదోషం తొలగిపోతుంది

Astrology

oi-C Sai Gnan

By C Sai Gnan

Updated: Saturday, April 20, 2024, 15:55 [IST]

ప్రతీ సంవత్సరం రెండు సార్లు వచ్చే హనుమాన్ జయంతిని హిందువులు ఘనంగా జరుపుకుంటారు. ఈ సంవత్సరం చైత్రమాసం పౌర్ణమి రోజు ఏప్రిల్ 23న హనుమాన్ జయంతిని జరుపుకుంటాం. ఎన్ని దోషాలు, బయాలు ఉన్నా హనుమంతుడికి పూజిస్తే తొలగిపోతాయ్. శనిప్రభావం వున్న రాశుల వారు హనుమాన్ జయంతి రోజున ఆంజనేయుడికి పూజచేస్తే వారిపై శనిప్రభావం ఉండదు.

శనిదోషం తొలగేందుకు ప్రత్యేక పూజ

హనుమాన్ జయంతి రోజున చాలా మంది భక్తులు విధిగా ఉపవాసం చేస్తారు, పూజ చేస్తారు, హనుమాన్ భజన, హనుమాన్ చాలీసా పారాయణం చేస్తారు. అయితే శనిప్రభావం ఉన్నవారు శనిదోషం తలగాలంటే ప్రత్యేకంగా హనుమంతుడికి ఆరోజు పూజ చేయవలసి ఉంటుంది. ఆ పూజను ఎలా చేయలో తెలుసుకుందాం.

శనిదేవుడి తండ్రి సూర్యుడు, ఇక ఆంజనేయుడు చిన్న వయసులో విద్య నేర్చుకొంది, ఆటలు ఆడింది కూడా సూర్యుడితోనే. సూర్యుడితో హనుమంతుడికి మంచి సంబంధాలే ఉన్నాయ్. కాబట్టి ఆ సూర్యపుత్రుడు శనిదేవుడి నుంచి కాపాడే శక్తి ఆ భజరంగబలీకి ఉంది.

శని దోషం తొలగాలంటే ఇలా చేయాలి..

హనుమాన్ జయంతి రోజున ఉదయం నుంచి నిష్టగా హనుమంతుడిని పూజించడం ప్రారంభించాలి. హనుమంతుడి విగ్రహం ముందు ఆవు నూనెతో దీపం వెలిగించాలి. అందులో నల్లనువ్వులు వేసి దండం పెట్టుకోవాలి. నల్ల నువ్వులు వేయడానికి ఓ కారణం ఉంది. వీటిపై శనిప్రభావం ఉండదు, అశుభాలు జరగకుండా కూడా నల్లనువ్వులు కాపాడతాయ్. శనిదేవుడి ప్రభావం పడని వాళ్లల్లో ఆంజనేయుడు కూడా ఉన్నాడు. అందువల్ల శని దోషం తొలగిపోవాలంటే ఆంజనేయుడిని ఆరాధించాల్సిందే.

అప్పుల బాధలు తీరాలంటే

హనుమాన్ జయంతి రోజు హనుమాన్ చాలీసా పఠనం చేయలి. హనుమంతుడి విగ్రహం ముందు మల్లె నూనెతో దీపం వెలిగించి శనగపిండి, ఎర్రచోళం సమర్పించాలి. ఇలా పూజిస్తే అప్పుల బాధ నుంచి బయటపడతారు.

తమలపాకుల దండ

ప్రతీ ఆంజనేయస్వామి దేవాలంలో హనుమంతుడిపై తమలపాకుల దండ చూసే ఉంటారు. తమలపాకులంటే ఆంజనేయుడికి ప్రతీ. తమలపాకులదండతో పూజిస్తే హనుమంతుడి ఆశిస్సలు ఉంటాయ్.

సందరకాండ పారాయణం

హనుమాన్ జయంతి రోజున సందరకాండ పరాయణం తప్పకుండా చేయాలి. అలాగే ప్రసాదంగా లడ్డూలు చేసి భక్తులకు పంచిపెట్టాలి. దీని వల్ల మీ కుటుంబంలో పిల్లల ఆరోగ్యం, చదువు మెరుగుపడుతుంది.

ఆర్ధిక సమస్యలు

హనుమాన్ జయంతి రోజున మీ శక్తికి తగినట్లు దానధర్మాలు చెయ్యాలి. అప్పుడు మీపై ఆంజనేయుడి ఆశీస్సులతో ఆర్థిక సమస్యలు తొలగిపోతాయ్. డబ్బుకు సంబంధించిన ఇంకా ఏ సమస్యలున్నా మీనుంచి దూరమౌతాయ్. ఆకలితో అలమటించే నిరుపేదలకు అన్నదానం చేస్తే కూడా మీకు ఆర్థిక సమస్యలు తీరిపోతాయ్.

Disclaimer: ఈ ఆర్టికల్ లో ప్రస్తావించబడిన రత్నాల ప్రయోజనాలు సాంప్రదాయ నమ్మకాలు, జ్యోతిషశాస్త్ర పద్ధతులపై ఆధారపడి ఉంటాయి. ఫలితాలు వ్యక్తి నుండి వ్యక్తికి మారవచ్చు. జ్యోతిషశాస్త్ర ప్రయోజనాల కోసం ఏదైనా రత్నాన్ని ధరించే ముందు ధృవీకరించబడిన జ్యోతిష్కుడు లేదా రత్న నిపుణుడిని సంప్రదించండి. ఈ కంటెంట్ సమాచార ప్రయోజనాల కోసం మాత్రమే ఉద్దేశించబడింది.