అక్టోబర్ 12 నుంచి శుక్ర మౌఢ్యమి.. ఈ 5 రాశుల వారు చాలా జాగ్రత్తగా ఉండాలి!

జ్యోతిష్యంలో శుక్రుడిని ప్రేమ, వైవాహిక జీవితం, ఆకర్షణ, అందం, సిరిసంపదలు,భౌతిక ఆనందాలకు అధిపతిగా పరిగణిస్తారు. జ్యోతిష్య గణనల ప్రకారం 12 అక్టోబర్ 2026న సాయంత్రం 6:19 గంటలకు శుక్ర గ్రహం అస్తమించబోతోంది. తిరిగి అక్టోబర్ 29న ఉదయం 6:00 గంటలకు శుక్రుడు మళ్లీ ఉదయిస్తాడు.

శుక్రుడు అస్తమించే కాలాన్నే జ్యోతిష్య భాషలో శుక్ర మౌఢ్యమి అని అంటారు. ఈ సమయంలో శుక్రుని ప్రభావం, బలం కాస్త బలహీనపడుతుంది. దీని ఫలితంగా ఐదు రాశుల వ్యక్తులు మరింత జాగ్రత్తగా ఉండాలని పండితులు సూచిస్తున్నారు. ఆ 5 రాశులేవో ఇక్కడ చూడండి.

తులా రాశి

తులారాశికి అధిపతి సాక్షాత్తూ శుక్రుడే కాబట్టి ఈ సమయంలో మీరు అడుగడుగునా మరింత జాగ్రత్తగా ఉండాలి. ప్రేమ, దాంపత్య జీవితంలో చిన్నపాటి విషయాలకే పెద్దగా అపార్థాలు వచ్చే ప్రమాదం ఉంది. కాబట్టి ఎవరితోనైనా ఆచితూచి, సంయమనంతో మాట్లాడండి. విలాసవంతమైన వస్తువులు, అనవసరమైన ఆకర్షణల కోసం విపరీతంగా ఖర్చు చేయకండి. ఏవైనా ముఖ్యమైన పెద్ద నిర్ణయాలు తీసుకునే ముందు కుటుంబ సభ్యులతో చర్చించి ఒకటికి రెండుసార్లు ఆలోచించడం ఉత్తమం.

Weekly Rasi Phalalu: అక్టోబర్ 11-17 వార ఫలాలు.. ఏ రాశుల వారికి అదృష్టం వరిస్తుందంటే?

వృషభ రాశి

మీ రాశికి కూడా శుక్రుడే అధిపతి. అందువల్ల మీరు ఆర్థిక లావాదేవీలు, కొత్త పెట్టుబడుల విషయంలో చాలా జాగ్రత్తగా వ్యవహరించడం మంచిది. కొత్తగా పరిచయమైన అపరిచితులను గుడ్డిగా నమ్మకండి. పని ప్రదేశంలో గానీ, ఆఫీసులో గానీ ఎవరితోనూ అనవసరమైన వాదనలకు దిగవద్దు. కేవలం సుఖభోగాల పట్ల ఆకర్షితులై, వృత్తిపరమైన లేదా వ్యక్తిగతమైన మీ అసలైన బాధ్యతలను ఏమాత్రం విస్మరించకూడదు.

సింహ రాశి

ఈ సమయం ఆర్థికంగా, అలాగే రిలేషన్ షిప్స్ పరంగా కాస్త గందరగోళంగా, అనిశ్చితిగా ఉండవచ్చు. ప్రయాణాలు, జీవనశైలి, విలాసాల కోసం అకస్మాత్తుగా ఖర్చులు పెరిగే ఛాన్స్ ఎక్కువగా ఉంది. బంధాల్లో అహంకారానికి, భేషజాలకు ఏమాత్రం చోటివ్వకండి. పాత వివాదాలు ఏవైనా మళ్లీ తెరపైకి వస్తే, కోపంతో కాకుండా ఓర్పుతో పరిష్కరించుకోవడానికి ప్రయత్నించండి.

వృశ్చిక రాశి

డబ్బు, బంధాల విషయంలో ఎంతో అప్రమత్తంగా ఉండాలి. పాత ఆర్థిక సమస్యలు లేదా గతంలో ఉన్న భావోద్వేగపరమైన సమస్యలు మళ్లీ తలెత్తవచ్చని జ్యోతిష్యులు హెచ్చరిస్తున్నారు. అందుకే ఈ సమయంలో పెద్దపెద్ద కొనుగోళ్లు లేదా భారీ పెట్టుబడులకు దూరంగా ఉండండి. ఆర్థిక పత్రాలపై సంతకాలు చేసేముందు క్షుణ్ణంగా చదవండి. బంధాల్లో తొందరపాటు నిర్ణయాలు తీసుకోకుండా తగినంత సమయం తీసుకోండి.

మీన రాశి

ఈ కాలంలో తమ ఆర్థిక క్రమశిక్షణపైనే ఎంతో శ్రద్ధ పెట్టాలి. ఎలాంటి సరైన ప్లానింగ్ లేకుండా డబ్బులు ఖర్చు చేస్తే మీ బడ్జెట్ పూర్తిగా దెబ్బతింటుంది. భాగస్వామితో, ఇతరులతో మాట్లాడేటప్పుడు సహనం చాలా అవసరం. ఎదుటివారి మౌనాన్ని అంగీకారంగా పొరబడకండి. ఎలాంటి అపార్థాలకు తావివ్వకుండా మనసులో మాటను స్పష్టంగా చెప్పండి. ఆర్థికపరమైన, భావోద్వేగ అంచనాల విషయంలో వివేకంతో వాస్తవికతతో వ్యవహరించండి.

Disclaimer: ఈ ఆర్టికల్ లో ప్రస్తావించబడిన రత్నాల ప్రయోజనాలు సాంప్రదాయ నమ్మకాలు, జ్యోతిషశాస్త్ర పద్ధతులపై ఆధారపడి ఉంటాయి. ఫలితాలు వ్యక్తి నుండి వ్యక్తికి మారవచ్చు. జ్యోతిషశాస్త్ర ప్రయోజనాల కోసం ఏదైనా రత్నాన్ని ధరించే ముందు ధృవీకరించబడిన జ్యోతిష్కుడు లేదా రత్న నిపుణుడిని సంప్రదించండి. ఈ కంటెంట్ సమాచార ప్రయోజనాల కోసం మాత్రమే ఉద్దేశించబడింది.