మీ కళ్లు అందంగా ఉండాలంటే..?

Body Care

oi-Sivanjaneyulu

By Sivanjaneyulu Bommu

Published: Friday, November 25, 2011, 15:28 [IST]

మీ నయనాలు సహజసిద్ధమైన సౌందర్యాన్ని సంతిరించుకోటానికి బంతి ఆకులు సమృద్థిగా దోహదపడతాయి. తాజా బంతి ఆకులను మెత్తగా దంచుకుని ఆ ముద్దను కళ్ల పై పెట్టుకోవాలి. (గమనిక: బంతి ఆకుల మిశ్రమాన్ని కంటి పై పెట్టుకునే సందర్భంలో నయనాలను తెరిచి ఉంచకూడదు). ఓ గంట సేపు అలానే విశ్రాంతి తీసుకున్న తరువాత నేత్రాలను చల్లటి నీటితో శుభ్రం చేసుకోవాలి. కళ్లు మంటలు, ఎర్రబడటం, నీరు కారడం వంటి సమస్యలకు ఈ ప్రకృతిసిద్ధమైన చిట్కా మరింతో దోహదపడుతుంది.

కంట్లో నలుసు లేదా ఇతర ధూళి కణాలు చేరితే, ముందుగా చేతులను శుభ్రం చేసుకుని మెత్తని కాటన్ వస్త్రంతో కళ్లను శుభ్రం చేయండి. సాధ్యమైనంత వరకు కళ్లను రోజుకు రెండు లేక మూడు సార్లు మాత్రమే నీటితో శుద్ధి చేసుకోవాలి. కళ్ల సంక్షణకు వినియోగించే ఉత్పత్తుల మన్నికైనవిగా ఉండాలి. ముఖ్యంగా ఆడవారు కళ్లకు కాటుక పెట్టుకునే తమ చేతి వేళ్లను శుభ్రం చేసుకోవాలి. ఈ విషయంలో ఆశ్రద్ధ చేయ్యటం వల్ల కళ్లలో చెడు బ్యాక్టిరీయ వ్వాప్తి చెంది కంటి సంబంధిత సమస్యలకు దారితీస్తుంది.

కళ్లకు షేప్ రావడం కోసం ఐ లైనర్‌ను పలువురు మహిళలు ఉపయోగిస్తుంటారు. ఈ లైనర్‌ను ఉపయోగించే సందర్భంలో కళ్లకు హాని కలగకుండా చూసుకోవాలి. షాంపూ లేదా కుంకుడి కాయలతో తల స్నాం చేసే వారు మిశ్రమాన్ని తలకు రుద్దుకునే సందర్భంలో కళ్లు మూసుకోవటం మంచిది. టీవీని దగ్గరగా చూడటం, కంప్యూటర్ ముందు ఎక్కువ సేపు కూర్చోవటం వంటి అంశాలు కళ్లకు హాని తలపెడతాయి. ఇలా కూర్చోవల్సి వచ్చిన వాళ్లు నేత్ర వైద్యులను సంప్రదించి వారి సూచనల మేరకు కళ్లద్దాలను ధరించటం మంచింది. కళ్లకు ఆరోగ్యవంతమైన పోషకాలనందించే పాలకూరలతో పాటు క్యారెట్లను అధిక మోతాదులో తీసుకోవాలి.