లేటుగా నిద్ర పోతున్నారా..?

Published: Wednesday, October 5, 2011, 14:11 [IST]

''ప్రతి మనిషికి ఆహారం ఎంత ముఖ్యమో.., నిద్ర కూడా అంతే ముఖ్యం. అయితే అత్యధిక శాతం యువత నిద్ర విషయంలో అశ్రద్ధ వహిస్తున్నారు. నైట్ మీటింగ్, సెకండ్ షోలంటూ 12 దాటినా నిద్రపోవడం లేదు. సాంకేతికత వ్యాప్తి చెందిన నేపధ్యంలో రాత్రుళ్లను ఛాటింగ్ కేంద్రాలుగా మార్చుకుంటున్నారు.''

- మనిషికి రోజు 9 గంటల నిద్ర అవసరం.

- రాత్రుళ్లు ఎక్కువ సేపు మెలుకువుగా ఉండటం వల్ల ముఖ కాంతి తగ్గుటంతో పాటు త్వరగా అలసిపోతారు.

- రాత్రి పెందలాడే నిద్రపోయి, తెల్లవారుజామున మేల్కొనడం వల్ల శరీరం ఉల్లాసంగా ఉండటంతో పాటు మెదడు చురుకుగా పనిచేస్తుంది.

- రాత్రి ఇంటికి రాగానే వేటి నీటితో స్నానం చేయ్యటం వల్ల శరీరం రిలాక్స్ అవటమే కాకుండా మానసిక ప్రశాంతత లభిస్తుంది.

- రాత్రి 8 గంటలోపు భోజనం చేయ్యటం వల్ల జీర్ణ ప్రక్రియ చురుకుగా జరుగుతుంది.

- ముఖ్యంగా రాత్రి పూట మంసాహారం తీసుకోకపోవటమ మంచిది. ఫ్రూట్ జ్యూస్, పుల్కా, చపాతి తదితర తేలికపాటి ఆహరాలను తీసుకోవాలి.

- రాత్రి సమయాల్లో ఎక్కువ సేపు టీవి చూడటం వల్ల నిద్ర కొరత ఏర్పటంతో పాటు కంటి సమస్యలు వ్యాపిస్తాయి.

- రాత్రి నిద్రపోయేముందు వేడి పాలలో మోతాదుకు సరిపడా తేనేను కలుపుకుని తాగితే సుఖమైన నిద్ర మీ సొంతం.