‘మందు బాబులూ’, మరో గజనీలవుతారు జాగ్రత్త..?

అతిగా మద్యాన్ని సేవించే వ్యక్తులకు జ్ఞాపక శక్తి తగ్గిపోతుందట. తరచూ మద్యం తాగేవారి మెదడులోని కణాలు స్టిరాయిడ్లను విడుదల చేస్తూ జ్ఞాపక శక్తిని హరింపజేస్తాయని అధ్యయనకర్తల బృందం వెల్లడించింది. తాగుబోతుల పై నిర్వహించిన ఈ పరిశోధనకు సంబంధించి జర్నల్‌ ఆఫ్‌ న్యూరోసైన్సెస్‌ ఓ కధనాన్ని వెలువరించింది.

వాషింగ్టన్ విశ్వవిద్యాలయం, స్కూల్ ఆఫ్ మెడిసిస్ విభాగానికి చెందిన శాస్రవేత్త ఛార్లెస్ జోరుమ్‌స్కీ నేతృత్వంలోని నిపుణుల బృందం తమ పరిశోధనలో భాగంగా ఈ కొత్త విషయాలను ఆవిష్కరించింది.

అధిక మోతాదులో ఆల్కహాల్‌ను సేవించటం వల్ల మెదడు కణాలకు ఎటువంటి ముప్పు కలగలేదని, అయితే జ్ఞాపకశక్తిని హరింపజేసే స్టిరియిడ్‌‌లను కణాలు విడుదల చేయ్యటం తము గుర్తించినట్లు పరిశోధకులు తెలిపారు. ఈ క్రమంలో మెదడు కణాల నుంచి వెలువడే స్టిరాయిడ్‌‌లను బ్లాక్ చేయ్యటంతో, మెదడు కణాలు సాధారణ స్థితిలో సమాచారాన్ని అందిపుచ్చుకుంటున్నాయని వీరు తెలిపారు.