మిల్క్ బ్యూటీ తమన్నా బ్యూటీ సీక్రెట్...

Published: Thursday, September 13, 2012, 15:27 [IST]

బ్యూటీ అనేది స్త్రీల సొంతం. అందులోనూ సినిమా ఇడస్ట్రీలో ఉండే వారు. వారు బ్యూటీ గురించి మరింత శ్రద్ద తీసుకొంటారు. హీరోయిన్లు తమ అందాన్ని కాపాడుకోవడానికి ఎన్నెన్నో చేస్తుంటారు. తమ అందాన్ని పదికాలాల పాటు కాపాడుకొంటుంటారు. టాలీవుడ్ లో ప్రస్తుతం తమాన్నా హావా నడుస్తోంది. మరి ఆమె బ్యూటీ సీక్రెట్ ఏంటో తెలుసుకుందాం.. పాలుగారే చెక్కిళ్లు, తేనేలూరే పెదవులు ఈ భామ సొంతం. ‘మిల్కీ బ్యూటీ' ఆమె నిక్‌ నేమ్. ఆ అందాల తార పేరే తమన్నా. నూటికి నూరుశాతం బ్యూటీ ఆమె సొంతం.
టాలీవుడ్, కోలివుడ్, ఇక ముందు బాలీవుడ్‌లో కూడా తన హవా చాటుకోవాలని చూస్తున్న ఈ ముద్దుగుమ్మ బ్యూటీ సీక్రెట్స్ తన మాటల్లో..

రోజూ పొద్దునే యోగా చేయడం అలవాటు. గంటపాటు యోగా చేస్తాను. ఒకవేళ యోగా చేసే మూడ్ లేకపోతే డ్యాన్స్ చేస్తాను. ఆ డ్యాన్స్ కూడా కనీసం రెండు గంటలపాటు ప్రాక్టీస్ చేస్తాను. దానివల్ల వ్యాయామం పూర్తవుతుంది. నా డ్యాన్స్ ఇంప్రూవ్ కూడా అవుతుంది. నూనె పదార్థాలను చాలా వరకు దూరంగా ఉంచుతాను. ఎక్కువగా నీళ్లుతాగుతాను.

లేకపోతే పళ్లరసాలను, కొబ్బరినీళ్లను తాగుతాను. చపాతీలంటే అస్సలు ఇష్టం ఉండదు. చవాల్‌కత్రీ రైస్ మాత్రం ఇష్టంగా లాగించేస్తాను. అందులోకి ఏ కూర అయినా పర్వాలేదు. అది అమ్మ చేతి వంటకమైతే సూపర్. నాన్ కాస్త తక్కువ తింటాను. అన్ని రకాల వంటకాలను ఇష్టంగా తింటాను. అది కూడా సమయానికే. నాకు మాత్రం వంట రాదు. కనీసం టీ పెట్టడం కూడా చేతకాదు. అంతేకాదు, ఎక్కువ సేపు నిద్రపోవడమే నా హెల్త్ సీక్రెట్.

ఇక మేకప్ విషయంలో కూడా అందరూ ‘తమన్నా‘ ది బెస్టు' అని అంటున్నారు. మరి తమన్నా చెప్పే ఆ మేకప్ సీక్రేట్స్ కూడా ఏమో తెలుసుకొనేద్దామా... షూటింగ్ నుంచి రాగానే మేకప్ అంతా తుడిచేస్తాను. శనగపిండి, పెరుగు కలిపి వారానికి రెండు సార్లు క్రమం తప్పకుండా ప్యాక్ వేసుకుంటాను. ఇది ఎండ నుంచి చర్మాన్ని రక్షిస్తుంది. చర్మాన్ని కాంతివంతగా మారుస్తుంది కూడా. అదే నా బ్యూటీ సీక్రెట్ అంటోంది. మిగితా సీజన్లో ఎలా ఉన్నా చలికాలంలో మేకప్ విషయంలో ఎన్ని ప్రయోగాలైనా చేయవచ్చు. ఎందుకంటే అటు ఎండకి మేకప్ కరిగిపోదు. ఇటూ వర్షానికి మేకప్ చెరిగిపోదు. చలికాలంలో పింక్ కలర్ ను ఎక్కువగా ఉపయోగిస్తే భాగుంటుంది.

బేబీ పింక్, లైట్ పింక్, ఇలా గులాబీ రంగులో ఎన్నో రకాల షేడ్స్ లభిస్తాయి. వాటితో ఎన్ని ప్రయోగాలైనా చేయవచ్చు. బేబీ పింక్ రంగులో ఉండే గోళ్ళ రంగు వేసుకుని చూడండి. ఎంతో అందంగా ఉందని మీరే ఒప్పుకుంటారు. బాగా తెల్లగా ఉండేవారు పెదవులకు రోజ్ పింక్ లిప్ స్టిక్ వేసుకుని చూడండి ఫెయిర్ గా ఉండేవారికి ఈ రంగు లిప్ స్టిక్ బాగా నప్పుతుంది. కొంచెం రంగు తక్కువగా ఉన్నవారు. నల్లటి వారికి ఛెర్రీ పింక్ చక్కగా నప్పుతుంది. ఇక సెక్సీలిప్స్ కోసం మీరేం చేయాలంటే లైట్ పింక్ కలర్ లిప్ గ్లాస్ ఉపయోగించాలి. గులాబీ రంగు, గులాబీ రంగు షేడ్స్ నచ్చనివారు చాలా అరుదుగా ఉంటారు. ఒకవేళ మీరు కూడా ఈ కోవకు చెందిన వారైతే గోల్డ్, ట్రాంజ్, మల్బరీ రంగులలో లభించే లిప్ స్టిక్ ప్రయత్నించండి.