బ్లాక్ హెడ్స్ ని ఎఫెక్టివ్ గా తొలగించే టెస్టెడ్ హోంమేడ్ స్క్రబ్స్..

బియ్యం పిండి, గ్రీన్ టీ, పాలు

బియ్యం పిండిలో యాంటీ ఏజింగ్ గుణాలు ఉంటాయి. దీన్ని రెగ్యులర్ గా ఉపయోగించడం వల్ల.. దీర్ణకాలిక ప్రయోజనాలు పొందవచ్చు. ఈ స్క్రబ్ డెడ్ స్కిన్ సెల్స్ ని బయటకు పంపించి బ్లాక్ హెడ్స్ ని తేలికగా తొలగిస్తుంది.

తయారు చేసే విధానం

ఒక బౌల్ తీసుకుని 1 టీస్పూన్ బియ్యం పిండి, ఒక గ్రీన్ టీ బ్యాగ్ ని కట్ చేసి కలపాలి. ఇప్పుడు 2 టీస్పూన్ల పాలు కలిపి అన్నింటినీ బాగా మిక్స్ చేయాలి. ఈ మిశ్రమాన్ని ముఖానికి పట్టించి 5 నిమిషాలు గుండ్రంగా మసాజ్ చేయాలి. తర్వాత.. కడిగేసుకుని హైడ్రేటింగ్ క్రీమ్ అప్లై చేయాలి.

పంచదార, నిమ్మ, తేనె

పంచదారలో ఎక్స్ ఫోలియేటర్ గా పనిచేస్తుంది. నిమ్మ, తేనెలో యాంటీ బ్యాక్టీరియల్ గుణాలు ఉంటాయి. ఈ మూడింటిని ఉపయోగించడం వల్ల ఎఫెక్టివ్ గా బ్లాక్ హెడ్స్ తొలగించవచ్చు.

తయారు చేసే విధానం

1 టీస్పూన్ పంచదార, అర టీస్పూన్ నిమ్మరసం, 1 టీస్పూన్ తేనె తీసుకుని అన్నింటినీ.. ఒక గిన్నెలో బాగా మిక్స్ చేయాలి. ఈ మిశ్రమాన్ని ముఖానికి పట్టించి.. బాగా స్క్రబ్ చేయాలి. తర్వాత శుభ్రం చేసుకుంటే.. మెరిసే చర్మం మీ సొంతం.

తేనె, బాదాం, నిమ్మ

బాదాంలో విటమిన్ ఏ, ఈ పుష్కలంగా ఉంటాయి. ఈ రెండు విటమిన్స్ చర్మానికి మంచిది. ఈ స్క్రబ్ ఉపయోగించడం వల్ల.. చర్మానికి ఎక్స్ ఫోలియేట్ చేస్తుంది.

స్క్రబ్ తయారు చేసే విధానం

ఒక టీస్పూన్ బాదాం పొడి, అరటీస్పూన్ నిమ్మరసం, ఒక టీ స్పూన్ తేనె కలపాలి. ఈ మిశ్రమాన్ని ముఖానికి స్క్రబ్ లా ఉపయోగిస్తే.. బ్లాక్ హెడ్స్ తొలగిపోతాయి.

ఓట్ మీల్, పెరుగు, పసుపు, తేనె

మీరు సెన్సిటివ్ స్కిన్ కలిగి ఉండి.. బ్లాక్ హెడ్స్ తో బాధపడుతుంటే.. ఈ హోంమేడ్ స్క్రబ్ ఎఫెక్టివ్ గా పనిచేస్తుంది. ఓట్స్ ముఖంపై గుంతలు మాయం చేస్తాయి. పసుపు చర్మానికి నిగారింపు అందిస్తుంది. తేనె బ్యాక్టీరియాను నాశనం చేస్తుంది.

స్క్రబ్ చేసే విధానం

ఒక టీ స్పూన్ ఓట్ మీల్, ఒక టీస్పూన్ పెరుగు, చిటికెడు పసుపు, ఒక టీస్పూన్ తేనె కలపాలి. అన్నింటినీ బాగా మిక్స్ చేసి.. ముఖానికి స్క్రబ్ లా ఉపయోగించాలి.

సీ సాల్ట్, నిమ్మరసం, తేనె

సీసాల్ట్ ఉండే మినలర్ దుమ్ముని తొలగిస్తుంది. తేనె మాయిశ్చరైజర్ లా పనిచేస్తుంది. నిమ్మరసం చర్మాన్ని ప్రకాశించేలా చేస్తుంది.

స్క్రబ్

ఒక టీస్పూన్ సీసాల్ట్, ఒక టీస్పూన్ నిమ్మరసం, ఒక టీస్పూన్ తేనె తీసుకుని అన్నింటినీ ఒక గిన్నెలో కలుపుకోవాలి. ఇప్పుడు ఈ మిశ్రమాన్ని ముఖానికి స్క్రబ్ లా ఉపయోగించి.. 5 నుంచి 6 నిమిషాలు స్క్రబ్ చేయాలి. తర్వాత శుభ్రం చేసుకుంటే.. బ్లాక్ హెడ్స్ తొలగిపోతాయి.