డాండ్రఫ్ (చుండ్రు)భారీ నుండి బయట పడటం ఎలా

Hair Care

oi-Saraswathi

By Sindhu

Published: Saturday, December 31, 2011, 13:28 [IST]

ప్రస్తుత వాతావరణం ప్రభావం మహిళల మీదే కాకుండా మగవారి మీద కూడా ఎక్కువగా ఉంది. ఎందుకంటే కొందరి మహిళలలను చుండ్రు సమస్య విపరీతంగా వేధిస్తూ ఉంటుంది. మగవారిలో కూడా ఈ సమస్య ఎక్కువగా కనబడుతోంది. ఈ చుండ్రు వల్ల అనేక మంది సమస్యలను ఎదుర్కొంటూ ఉంటారు. దీనివల్ల జుట్టు పెరగకపోగా, ఇంకా ఎక్కువగా ఊడుతుంది. చలికాలంలో ఈ సమస్య మరీ ఎక్కువగా ఉంటుంది. మరి దీనికి ఏం చేయాలో తోచక దిగులు పడుతున్నారా?మరి ఈ చిట్కాలను పాటిస్తే చుండ్రు మీ దరిదాపులకు కూడా రాదు. మరి అవేంటో చూసేద్దామా...

1. వారంలో కనీసం రెండు సార్లయినా తలకు కుంకుడుకాయతో గానీ సీకాయతో కానీ స్నానం చేయ్యాలి.
2. ఆలివ్ ఆయిల్, తేనె సమపాళ్లలో తీసుకొని మాడుకు, కేశాలకు పట్టించాలి. తర్వాత మైల్డ్ షాంపూతో తలస్నానం చేయాలి. వారానికి రెండు సార్లు ఇలా చేస్తే చుండ్రు తగ్గుతుంది. పొడి జుట్టుకు ఆలివ్ ఆయిల్, తేనె కండిషనర్‌గా పనిచేస్తాయి.
3. ఒక కప్పు పెరుగులో, టేబుల్ స్పూన్ కొబ్బరినూనె, ఒక స్పూన్ నిమ్మరసం కలిపిన మిశ్రమాన్ని తల కుదుళ్లకు బాగా పట్టించి, అరగంట తర్వాత తలస్నానం చెయ్యాలి. ఇలా వారానికి రెండు సార్లు చొప్పున రెండు నెలలపాటు చేస్తే చుండ్రు పోతుంది.
4. కొబ్బరి నూనెలో కొంచెం నిమ్మరసం కలిపి కుదుళ్లకు బాగా పట్టేలా పట్టించి గంట తర్వాత తల స్నానం చెయ్యాలి.
5. కొబ్బరి నూనెలో కర్పూరం కలుపుకుని కురులకు పట్టించి అరగంట ఆగిన తర్వాత స్నానం చేస్తే ఫలితం ఉంటుంది.
6. ఆరు చెంచాల నీళ్ళల్లో రెండు చెంచాలు వెనిగర్ కలపాలి. షాంపూతో తలస్నానం చేశాక వెనికర్ నీళ్ళను తలకు బాగా పట్టించాలి. ఈవిధంగా వారానికి ఒకసారి చొప్పున కనీసం మూడు నెలలపాటు చేస్తే చుండ్రు తగ్గుతుంది.