ఒత్తైన ..బలమైన కేశ సౌందర్యానికి నిమ్మరసం....

Hair Care

oi-Saraswathi

By Sindhu

Published: Wednesday, April 4, 2012, 10:19 [IST]

ఏ సీజన్ అయినా కాలంలో మార్పును బట్టి శరీర తత్వం, చర్మ తత్వంలో మార్పు ఉంటుంది. అయితే కేశాలకు సంబందించినంత వరకూ అది ఆరోగ్యం పైన ఎక్కువగా ఆధారపడి ఉంటుంది. బలమైన ఆహారం, తీసుకోవడంతో కూడా కేశ సంపదను పెంచుకోవచ్చు. కేశాలు రాలడానికి, పెరగకపోవడానికి కాలుష్యం ఒక ఎత్తైతే..ఒత్తిడి, జుట్టు సంరక్షణ పైన అవగాహన లేకపోడం, సరైన జాగ్రత్తలు తీసుకోకపోడమూ కారణం. వేసవిలో కూడా జుట్టు రాలడం ఎక్కువగా ఉంటుంది. దీనికి మంచి నివరాణోపాయం నిమ్మకాయ. ఒక్క వేసవిలోనే కాదు అన్ని కాలాల్లోనూ అరుదుగా దొరికుతుంది. దీని వల్ల బహు ప్రయోజనాలు ఉన్నాయి. పోషక విలువలు, ఔషధ విలువలు నిమ్మలో పుష్కలం. నిమ్మ ‘రసం’లోనే కాదు దాని తొక్కలోనూ, తొక్కనుంచి వచ్చే తైలంలోనూ ఔషధ గుణాలున్నాయి. ముఖ్యంగా నిమ్మకాయలో విటమిన్ ‘సి’ ఎక్కువగా ఉంటుంది. అందుకే ప్రతి రోజూ నిమ్మరసాన్ని ఏదో ఒకరంగా తీసుకోవడం చాలా మంచిది.

1. ఔషధ విలువలు కలిగిన నిమ్మకాయతో సౌందర్య పోషణ కూడా చేసుకోవచ్చు. నిమ్మపండును ముక్కలు కోసి ముఖమంతా రుద్దండి. రసమతా ముఖంమీద రాత్రంతా అలాగే ఆరనివ్వండి. తెల్లారి లేచి కడుక్కుంటే మఖంపై వున్న మచ్చలు పోతాయి. చర్మం కాంతివంతంగా తయారవుతుంది.

2. సౌందర్య పోషణతోపాటు కేశ సౌందర్యానికీ నిమ్మకాయ ఉపయోగపడుతుంది. స్నానం చేసేముందు నిమ్మదబ్బల్ని తలకురాసుకుని, గంట తర్వాత స్నానం చేస్తే శరీరంలోని వేడి తగ్గించడమే కాదు కేశ సంరక్షణ చేస్తుంది.

3. తలస్నానం చేసే ముందుగా కుంకుడు లేదా షీకాయ రసంతో నిమ్మరసం కలుపుకుని రద్దుకుంటే జుట్టు నిగనిగలాడుతూ ఆరోగ్యకరంగా ఉంటుంది.

4. కొంతమంది జుట్టు జిడ్డుగా, నూనె కారుతూ ఉంటుంది. తలస్నానం చేసిన కొద్దిసేపటికే జుట్టు జిడ్డుగా తయారై రాలిపోతుంటుంది. ఇటువంటివారు ఒకవేళ కండీషనర్ వాడదలుచుకుంటే పెరుగును మాత్రం వాడుకోవాలి. కండీషనర్‌ను తలకు కాకుండా వెంట్రుకల కొసలకు ప్రయోగించాలి. స్నానానికి ఉపయోగించే నీళ్లకు కొద్దిగా నిమ్మరసాన్ని చేర్చితే జిడ్డు వదులుతుంది.

5. శీకాకాయ, పెసలు, ఉసిరి, కరివేపాకు, నిమ్మతొక్కలు, మెంతులు వీటిన్నిటిని గాలికి ఆరబెట్టి, ఎండిపోసిన తరువాత విడివిడిగా పొడిచేసుకొని ఒకటిగా కలిపి తలస్నానచూర్ణంగా వాడుకుంటే తలకు పట్టిన జిడ్డు వదిలిపోయి కేశాలు ప్రకాశవంతంగా తయారవుతాయి.

6. ఎప్పుడూ వేడి శరీరం కలవారు నిమ్మను ఎక్కువగా వాడటం మంచిది. వీరు రోజూ రెండు నిమ్మపళ్ళరసాన్ని దాదాపు పావులీటర్ నీళ్ళలో ఉదయాన్నే కలుపుకోవాలి. దాన్ని సగం అయ్యేవరకు బాగా మరిగించండి. ఆ తరువాత చల్లార్చి ఉంచుకోండి. తలంటు అయ్యాక ఈ నీటిని తలపై పోసుకుంటే కండిషనర్‌ లా పనిచేస్తుంది. జుట్టు వత్తుగా ఆరోగ్యంగా కనబడుతుంది. నిమ్మరసం పోసుకున్నాక మళ్లీ తలపై నీళ్ళు మాత్రం పోయొద్దు

7. ఒక గుడ్డులోని తెల్లసొనలో ఐదు టేబుల్ స్పూన్ల హెన్న ఒక కప్పు వేడినీళ్ళు అందులో రెండు టేబుల్ స్పూన్ల లెమన్ జ్యూస్ కలిపి తలకు బాగా పట్టించి, అరగంట తర్వాత గోరువెచ్చటి నీటితో తలస్నానం చేయాలి ఇలా చేయడం వల్ల జుట్టు బాగా పెరుగుతుంది.

8. రెండు టేబుల్ స్పూన్ల లెమన్ జ్యూస్ లో కొద్ది కోకోనట్ వాటర్ కలిపి తలకు పట్టి అరగంట తర్వాత మంచి కండిషనర్ షాంపుతో తలస్నానం చేస్తే వెంట్రుకలు రాలడాన్ని అరికట్టి జుట్టు మెరుస్తూ వత్తుగా పెరుగుటకు సహాయపడుతుంది.

9. రెండు టేబుల్ స్పూన్ల నిమ్మరసాన్ని అరకప్పు పెరుగులో కలిపి తలకు బాగా మస్కలా వేసి, అరగంట తర్వాత తల స్నానం చేస్తే వెంట్రుకలు పొడిబారకుండా ఉంటాయి.

10.నిమ్మతో తయారుచేసిన పానీయాలను, పదార్థాలను లెమన్ షోడా, లెమన్ జ్యూస్, లెమన్ వాటర్, లెమన్‌ రైస్‌ గా పిలువబడుతూ ఆహారంగా నిమ్మ ఉపయోగపడుతుంది.