పౌష్టికాహారంతో సహజసిద్దమైన కేశసౌందర్యం....

Hair Care

oi-Saraswathi

By Sindhu

Updated: Tuesday, September 18, 2012, 12:56 [IST]

ప్రస్తుత కాలంలో స్త్రీ, పురుషులిరువురిలో జుట్టు రాలటం తరచు గోచరిస్తుంది. ఉద్యోగస్తులలో అయితే మరీ ఎక్కువగా ఈ సమస్య ఎక్కువగా కనిపిస్తోంది. దీనంతటికీ ప్రధాన కారణం ఒత్తిడి. కేససంరక్షణకు కనీస జాగ్రత్తలు పాటించడానికి కూడా టైమ్ లేదంటారు. ముఖ్యంగా నిద్రతక్కవ అవ్వడం, విశ్రాంతి లేకపోవడం, అలసట, ఉమ్మడికుటుంబంలో ఒత్తిడి..ఉద్యోగులు ఆఫీస్ పనుల్లో ఒత్తిడి, పొల్యూషన్ ఇలా రకరకాల కారణాల చేత జుట్టు రాలడం జరుగుతుంది. ముఖ్యంగా ఉద్యోగినులు సమతుల్య పౌష్టికాహారం తీసుకోవాలి. లేకపోతే 'ఎనిమియా'కు లోనగుతారు. కాలక్రమేణా జుట్టురాలి పోతుంది. అందుకు కొన్ని విధానలు పాటిస్తే జట్టు రాలడం అరికట్టవచ్చు..

1. పాలు, గుడ్లు మనిషి ఆరోగ్యానికి ఎంత ముఖ్యమో, జుట్టు సంరక్షణకు కూడా అంతే ఫాస్ట్ ఫుడ్ లు ఎక్కువగా తినకుండా ఆరోగ్యకరమైన తిండి తింటే జుట్టు కూడా ఆరోగ్యగంగా ఉంటుంది.
2. ఆహారంలో ఐరన్ సమపాళ్లలో ఉండేటట్టు చూసుకుంటే ఎనీమియా రాదు.
3. ఆహారం తినేటప్పుడు నిదానంగా తినాలి. అల్పాహారానికి పదిహేను నిమిషాలు, భోజనానికి అరగంట సమయం తేడా ఉండేలా చూసుకోవాలి.
4. ఆహారం గబగబా తినకుండా. మౌనంగా ఆహారం తీసుకోవడం ఉత్తమం.
5. ఏ కాలంలో అయినా చర్మం కాంతివంతంగా ఉండాలంటే నీరు ఎక్కువగా తీసుకోవాలి. జుట్టు కాంతి వంతంగా ఉండాలంటే నీరు ఎక్కువగా తాగాలి.
6. పట్టణాలు, నగరాల్లో ఎండలు, చెమట, కాలుష్యం, ఎక్కువగా ఉంటాయి కాబట్టి రోజు తల స్నానం చేయడం మంచిది. యాంటీ డాండ్రఫ్ షాంపు లాంటివి వారానికి ఒకసారి వాడితే నార్మల్ షాంపు మాత్రం రోజు వాడాల్సిందే.
7. చాలా మంది ఇప్పటికి హెన్నానే తమకు బెస్ట్ కలర్ అని అనుకుంటున్నారు. హెన్నా వాడడం వల్ల హెయిర్ డ్రై అవుతుంది. కలర్ కూడా పూర్తిగా మారిపోతుంది. దానికి బదులు ప్రత్యామ్నాయ కలర్స్ వాడితే మంచిది.
8. తడి జుట్టు పొడి చేద్దామనే ఉద్దేశంతో వాటిని ఎలాగంటే అలా దువ్వేసుకోకూడదు. రోజూ ఉదయాన్నే తేలిక పాటి వ్యాయామం,యోగా చేయటం వల్ల ఒత్తిడిని జయించవచ్చు. దాంతో జుట్టు సంరక్షణలో ఒక మెట్టు పైకొచ్చినట్టే. అలా చేస్తే శిరోభారం అనిపించదు. తల స్నానం తర్వాత శిరోజాలు వాటంతట అవే ఆరేలా చేయండి. రాత్రి కనీసం 7 గంటల నిద్ర అవసరం. ఇలాంటి సహజమైన పద్దతులు పాటించడం వల్ల జుట్టు రాలడం అరికట్టవచ్చు.