టీనేజ్ లో చుండ్రు సమస్య అధికంగా ఉంటే...?

Published: Wednesday, August 8, 2012, 16:49 [IST]

కురులు ఎంత ఒత్తుగా.. అందంగా ఉన్నా... అందులో చుండ్రు ఉందంటే.. ఆ కేశ సౌందర్యం అంతా పోతుంది. ముఖ్యంగా ఈ చుండు సమస్య టీనేజ్ వయస్సులోనే మొదలవుతుంది. దానికి కోసం టీనేజ్ లో ఉన్నవాళ్ళు చుండ్రును వదించుకోవడానికి రకరకాలుగా ప్రయత్నాలు చేస్తుంటారు. అయితే ఒక్కసారి చుండ్రు తలలో వచ్చి చేరితే చుండ్రును వదిలించేకోవడం అంత సులభమైన పనికాదు. అలాని అది పెద్ద సమస్యకాదు. తల వెంట్రుకలు సరిగా శుభ్రం చేసుకోకపోవడం వల్ల తల వాసన వేస్తూ ఉంటుంది. తలపైనగల చర్మం పొడిగా ఉన్నట్లయితే చుండ్రు వస్తుందన్నది అపోహ మాత్రమే. తల వెంట్రుకలు తక్కువగా శుభ్రం చేస్తారనీ, అలా ఉందని చాలామంది భ్రమపడుతుంటారు. కానీ వాస్తవంగా ఎక్కువ ఆయిల్ ఉన్నప్పుడే చుండ్రు ఉంటుంది. చిరాకు కలిగిస్తుంది. అలాంటి మీ జుట్టును డాండ్రఫ్ ఫ్రీ చేసుకోవాలంటే కింది చిట్కాలు పాటించి చూడండి.

1. చుండ్రును నివారించేందుకు క్రమంతప్పకుండా షాంపూతో తలస్నానం చేస్తూ ఉంటే చర్మంపైన పొట్టు లేకుండా ఉంటుంది. ఓటీసి డాండ్రఫ్ షాంపూను వాడితే ఫలితం వుంటుంది. తలస్నానం చేసే ముందు తలకు పూర్తిగా గోరు వెచ్చని నూనెను మర్దన చేసిన గంట లేదా రెండు గంటల తర్వాత తలస్నానం చేసుకొంటే మంచి ఫలితం ఉంటుంది.

2. ఒక కప్పు పెరుగు తీసుకొని అందులో ఒక గుడ్డు సొన మిక్స్ చేసి, తల మాడుకు అంటే విధంగా అప్లై చేయాలి. అరగంట తర్వాత మైల్డ్ షాంపూతో తలస్నానం చేసుకోవాలి. ఇలా తరచూ చేస్తుంటే డాండ్రఫ్ ను వదిలించుకోవచ్చు.

3. ఒక చెంచా నిమ్మరసంలో ఒక చెంచా ఆలివ్ నూనెను వేసి మిక్స్ చేసుకొని తలకు బాగా పట్టించి ముని వేళ్ళతో మర్దన చేయాలి. తర్వాత పాత కర్చీఫ్ తో తలను కప్పి గట్టిగా ముడివేసుకొని రాత్రంతా అలాగే ఉంచి, ఉదయాన్నే షాంపూతో తలస్నానం చేసుకోవాలి.

4. చెంచా మెంతి పొడి తీసుకొని అందులో గుడ్డు సొనను మిక్స్ చేసి తలకు మట్టించి ఒక గంట తర్వాత గోరువెచ్చని నీటితో తలస్నానం చేసుకోవాలి.

5. చిన్న గిన్నెలో చెంచా మెంతి పొడి, ఒక కప్పు పెరుగు తీసుకొని బాగా మిక్స్ చేసి మెత్తని పేస్ట్ లా తయారు చేసుకోవాలి. ఈ మిశ్రమాన్ని తలకు అప్లై చేసి అరగంట తర్వాత స్నానం చేసుకోవాలి.

6. మిక్సింగ్ బౌల్ తీసుకొని అందులో రెండు చెంచాల బీట్ రూట్ రసం మరియు గుడ్డు సొన, ఒక చెంచా నిమ్మరసం మిక్స్ చేసి తలకు మాడుకు బాగా పట్టించి అరగంట తర్వాత శుభ్రం చేసుకోవాలి.

7. వేపాకులను నీళ్ళలో వేసి బాగా మరిగించి, ఆ నీటితో తలస్నానం చేస్తే మంచి ఫలితం ఉంటుంది.

8. రాత్రి నిద్రించేందుకు ముందు తలకు బాగా నూనె రాసుకోవాలి. తర్వాత రోజు ఉదయం ఒక గిన్నెలోనికి ఒక చెంచా నిమ్మరసం, అరచెంచా ఉప్పు, వేసి మిక్స్ చేసి తల మాడను రబ్ చేయాలి. అవసరం అయితే నిమ్మతొక్కను ఉపయోగించవచ్చు. ఒక గంట తర్వాత తలస్నానం చేసుకోవాలి.

9. అరకప్పు పెరుగులో పచ్చని పెసలు పౌడర్ ను మిక్స్ చేసి తలకు పట్టించి అరగంట తర్వాత తలస్నానం చేసుకొంటే చుండ్రు తొలగిపోతుంది.

10. చుండ్రు మరీ ఎక్కువగా ఉన్నట్లైతే రెండు మూడు రోజులు వరుసగా పెరుగును తలకు పట్టించి గోరు వెచ్చని నీటితో తలస్నానం చేస్తే చుండ్రు సమస్యను నివారించవచ్చు.