జుట్టు చిట్లకుండా ఉండేదుకు బెస్ట్ హెయిర్ మాస్కులు

ఎగ్ మాస్క్:

ఒక గుడ్డు తీసుకొని అందులో మూడ టేబుల్ స్పూన్ల ఆలివ్ ఆయిల్ మరియు ఒక టేబుల్ స్పూన్ తేనె మిక్స్ చేసి తలకు బాగా మసాజ్ చేయాలి. తర్వాత తలకు షవర్ క్యాప్ ధరించి ఒక గంట తర్వాత గోరువెచ్చని నీటితో శుభ్రం చేసుకోవాలి.

బొప్పాయి మాస్క్:

మీ కేశాల పొడవును బట్టి, బాగా పండిన బొప్పాయి గుజ్జును తీసుకొని దానికి పెరుగు మిక్స్ చేసి బాగా మెత్తగా చేయాలి. ఈ పేస్ట్ ను మీ తల మాడుకు కేశాలకు పట్టించాలి. తర్వాత నిదానంగా మసాజ్ చేసి పది నిముషాలు అలాగే ఉంచాలి. 15నిముషాల తర్వాత గోరువెచ్చని నీటితో శుభ్రం చేయాలి.

ఆయిల్ మాస్క్ :

ఒక టేబుల్ స్పూన్ ఆలివ్ ఆయిల్, బాదాం ఆయిల్ మరియు ఆముదం తీసుకొని బాగా మిక్స్ చేసి తలకు బాగా మసాజ్ చేయాలి. 15నిముషాల తర్వాత వేడినీటిలో ముంచిన టవల్ తో తలకు చుట్టి పది నిముషాలు అలాగే ఉంచాలి. ఇలా మూడు సార్లు మళ్ళీ మళ్ళీ చేసి చివరగా సాధారణ నీటితో తలస్నానం చేసుకోవాలి.

తేనె మాస్క్:

రెండు టేబుల్ స్పూన్ల తేనె కు రెండు టేబుల్ స్పూన్ల పెరుగు మరియు నిమ్మరసం మిక్స్ చేయాలి. బాగా మిక్స్ చేసి పేస్ట్ లా తయారయ్యాకు తలకు ప్యాక్ లా వేసుకోవాలి. పదిహేను నిముషాల తర్వాత గోరువెచ్చని నీటితో శుభ్రం చేసుకోవాలి.

అవొకాడో మాస్క్:

ఒక అవొకాడో పండును గుజ్జులా తయారు చేసుకొని అందులో ఆలివ్ ఆయిల్ మిక్స్ చేసి తలకు బాగా పట్టించాలి. ఇది చిట్లిన జుట్టుకు చాలా ఎఫెక్టివ్ గా పనిచేస్తుంది. అరగంట తర్వాత తలస్నానం చేసుకోవాలి.

బీర్ మాస్క్:

బీర్ కేశాలకు చాలా ఎఫెక్టివ్ గా పనిచేస్తుంది. మంచి ఫలితాలను ఇస్తుంది. బీర్ ను ఒక మగ్గునీటిలో మిక్స్ చేసి తలంటు పోసుకోవాలి. లేదా స్ప్రే బాటిల్ ఉపయోగించి కేశాలకు బీర్ స్ప్రే చేసుకోవచ్చు . తర్వతా 20నిముషాల తర్వాత నార్మల్ వాటర్ తో తలస్నానం చేయాలి.

మయోనైజ్ మాస్క్:

1/4కప్పు మొయోనైజ్ తీసుకొని అందులో ఒక టేబుల్ స్పూన్ కొబ్బరి నూనె, ఒక టేబుల్ స్పూన్ ఆలివ్ ఆయిల్, ఒక టేబుల్ స్పూన్ తేనె, అరకప్పు అవొకాడో గుజ్జు మిక్స్ చేయాలి. మెత్తగా పేస్ట్ లా చేసి తలకు బాగా పట్టించాలి అరగంట తర్వాత గోరువెచ్చని నీటితో తలస్నానం చేసుకోవాలి.