జుట్టు పల్చబడిపోతోందా?ఇదిగో గొప్ప పరిష్కారం

1.అలోవెర(కలబంద)

జుట్టు పల్చబడుతుంటే, కలబంద అద్భుతంగా సహాయపడుతుంది . అలొవెరా జెల్ ను తలకు పట్టించి బాగా మసాజ్ చేసి 30నిముషాలు అలాగే చింతి తర్వాత గోరువెచ్చని నీటితో శుభ్రం తలస్నానం చేసుకోవాలి. అలాగే కలబంద రసాన్ని ప్రతి రోజు ఉదయం పరగడపున తీసుకోవడం వల్ల అనేక వ్యాధులను నివారించడంతో పాటు, పల్చబడిన జుట్టు తిరిగి పెరిగేలా సహాయపడుతుంది.

2.గుడ్డు

గుడ్డులో అత్యధికంగా ప్రోటీలు మరియు సల్ఫర్ పుష్కలంగా ఉంది. జుట్టు మందగా పెరగడానికి గుడ్డు అద్భుతంగా సహాయపడుతుంది. ఒక ఎగ్ వైట్ కు ఒక చెంచా ఆలివ్ ఆయిల్ మిక్స్ చేసి తర్వాత తలకూ పూర్తిగా పట్టించి, 20నిముషాల తర్వాత చల్లటి నీటితో తలస్నానం చేసుకోవాలి. ఇలా వారానికొక సారి చేసినా మంచి ఫలితం ఉంటుంది.

3.అవొకాడో

అవొకాడోలో అద్భుతమైన ఆరోగ్యప్రయోజనాలున్న విషయం మనందరికి తెలిసిన విషయమే. అవొకాడో మెత్తగా గుజ్జులా చేసి అందులో అరటిపండు గుజ్జు మిక్స్ చేసి తలకు బాగా పట్టించాలి. అరగంట తర్వాత నాణ్యమైన షాంపుతో తలస్నానం చేసి తర్వాత కండీషనర్ ను అప్లై చేయాలి.

4.ఆమ్లా

జుట్టు రాలిపోవడం మరియు జుట్టు పల్చబడటం వంటి సమస్యలకు ఇది ఒక గొప్ప హోం రెమడీ. ఆమ్లా ఇందులో గొప్పగా యాంటీఆక్సిడెంట్స్ మరియు విటమిన్ సి పుష్కలంగా ఉన్నాయి. ఇది జుట్టు సంరక్షణకు చాలా గొప్పగా పనిచేస్తుంది. ఉసిరికాయలను ఏదో ఒకరకంగా తీసుకోవడం కూడా శరీర ఆరోగ్యానికి కూడా చాలా మేలు చేస్తుంది. ఉసిరికాయను పేస్ట్ చేసి, తర్వాత అందులో నిమ్మరసం మిక్స్ చేసి దీన్ని తలకు పట్టించి అరగంట తర్వాత గోరువెచ్చని నీటితో తలస్నానం చేసుకోవాలి.

5.మెంతులు

మెంతులు ఒక సాధారణ వంటింటి చిట్కా. ఇది జుట్టు రాలడం తగ్గిస్తుంది. జుట్టు పల్చబడటం కూడా తగ్గిస్తుంది. మీ జుట్టు పొడవును బట్టి రెండు చెంచాలా మెంతులను నీటిలో నానబెట్టి, ఆ నీటితో తలమీద పోసుకోవడం వల్ల జుట్టు రాలడం తగ్గిస్తుంది మరియు జుట్టు పెరుగుదలను ప్రోత్సహిస్తుంది. అలాగే మెంతులను రుబ్బి తలకు పట్టించవచ్చు.

6.హెన్నా లీవ్స్

గోరింటాకు కొన్ని దశాబ్దాలుగా ఉపయోగిస్తున్నారు. ఇది జుట్టు వాల్యూమ్ ను పెంచుతుంది., అలాగే గోరింటాకు హెయిర్ క్యూటికల్స్ ను బ్లాక్ చేస్తుంది, కేశకణాలను బలోపేతం చేస్తుంది. అలాగే ఇది మీ జుట్టుకు నేచురల్ కలర్ ను అంధిస్తుంది. తాజాగా ఉండే గోరింటాకు ఆకులను మెత్తగా రుబ్బి, తలకు పట్టించి గంట తర్వాత గోరువెచ్చని నీటితో తలస్నానం చేసుకోవాలి.

7.కొబ్బరి నూనె

కొబ్బరి నూనె, జుట్టుకు ఒక నేచురల్ కండీషనర్ గా పనిచేస్తుంది. జుట్టు పెరుగుదలను ప్రోత్సహిస్తుంది. కొబ్బరి నూనెలో అవసరం అయ్యే మినిరల్స్, ఫ్యాట్, ఐరన్ మరియు పొటాషియం పుష్కలంగా ఉండి, హెయిర్ బ్రేకేజ్ ను తగ్గిస్తుంది. గోరువెచ్చని కొబ్బరినూనెను తలకు పట్టిస్తే జుట్టు రాలడం ను త్వరగా అరికడుతుంది.

8.గ్రీన్ టీ

గ్రీన్ టీలో యాంటీఆక్సిడెంట్స్ అధికంగా ఉన్నాయి, జుట్టు రాలడం అరికట్టడంలో మరియు జుట్టు పెరుగుదలకు ప్రోత్సహించడంలో అద్భుతంగా సహాయపడుతుంది. ఒక కప్పు నీటిలో గ్రీన్ టీ ఆకులను వేసి బాగా మరిగించి, గోరువెచ్చగా మారిని తర్వాత వాటిని తలకు పట్టించి ఒక గంట తర్వాత నీటితో తలస్నానం చేయడం వల్ల జుట్టు సిల్కీగా మరియు హెల్తీగా ఉంటుంది.