ఒత్తైన ఆరోగ్యకరమైన జుట్టుకు నేచురల్ హెయిర్ ప్యాక్స్

మొయోనైజ్ మరియు అవొకాడో ఆయిల్ ప్యాక్:

ఒక కప్పు మోయోనైజ్ లో రెండు చెంచాల అవొకాడో ఆయిల్ మిక్స్ చేసి దీన్ని మీ జుట్టుకు అప్లై చేసి నాలుగు గంటల పాటు అలాగే ఉంచాలి. మరింత డీప్ కండీషన్ జరగాలంటే తలకు వేడినీటిలో ముంచిన టవల్ ను చుట్టాలి. వారానికొకసారి ఇలా చేయడం వల్ల మంచి ఫలితం ఉంటుంది.

అరటి, తేనె మరియు బాదం ప్యాక్:

రెండు చెంచాలా తేనెలో కొన్ని చుక్కల బాదం నూనె మిక్స్ చేయాలి. ఇప్పుడు ఈ మిశ్రమాన్ని అరటిపండు గుజ్జులో వేసి మిక్స్ చేసి తలకు పట్టించాలి. 20 నిముషాల తర్వాత గోరువెచ్చని నీటితో శుభ్రం చేసుకోవాలి. ఇలా నెలకొకసారి చేస్తే ఒత్తైన జుట్టును మీరు పొందవచ్చు.

ఆలివ్ ఆయిల్ మరియు ఎగ్ ప్యాక్:

3 చెంచాల ఆలివ్ ఆయిల్ తీసుకొని రెండు గుడ్లు మిశ్రమంలో వేసి మిక్స్ చేయాలి. ఈ మిశ్రమాన్ని తలకు మరియు కేశాలకు పట్టించి 20 నిముషాల తర్వాత గోరువెచ్చని నీటితో తలస్నానం చేయాలి. ఒత్తైన జుట్టు మీరు పొందడానికి ఒది ఒక ఎఫెక్టివ్ హోం రెమెడీ.

అవొకాడో మరియు ఎగ్ హెయిర్ ప్యాక్:

అవొకాడో గుజ్జులో ఎగ్ వేసి మిక్స్ చేసి ఈ పేస్ట్ ను తలకు పట్టించి అరగంట తర్వాత తలస్నానం చేయాలి. ఇలా తరచూ చేస్తుంటే జుట్టు రాలడం తగ్గుతుంది మరియు ఒత్తైన జుట్టును మీరు పొందవచ్చు.

పెరుగు హెయిర్ ప్యాక్:

పెరుగు బాగా స్మూత్ గా స్పూన్ తో మిక్స్ చేసి తలకు పట్టించాలి. అరగంట తర్వాత గోరువెచ్చని నీటితో తలస్నానం చేయాలి. పెరుగు జుట్టుకు పోషణ అందిస్తుంది మరియు నేచురల్ కండీషనర్ గా పనిచేస్తుంది. ఇది ఒక బెస్ట్ నేచురల్ హెయిర్ ప్యాక్.

కాఫీ హెయిర్ ప్యాక్:

కాఫీపౌడర్ ను నీటిలో వేసి బాగా మరిగించి చల్లార్చి తలమీద పోసుకొని మసాజ్ చేసి అరగంట తర్వాత తలస్నానం చేయాలి. ఇలా చేయడం వల్ల ఒత్తైన జుట్టుతో పాటు హెయిర్ వాల్యూమ్ పెరుగుతుంది.