జుట్టు పెరుగుదలను రెండింతలు పెంచే ఎగ్ హెయిర్ ప్యాక్స్..!

డ్రై హెయిర్

1గుడ్డులోని పచ్చసొన, 1టేబుల్ స్పూన్ తేనె, కొన్ని చుక్కల గ్రేప్ సీడ్ ఆయిల్ కలపాలి. అన్నింటినీ బాగా మిక్స్ చేసి.. జుట్టుకి, స్కాల్ప్ కి అప్లై చేయాలి. గంట తర్వాత షాంపూ, కండిషనర్ ఉపయోగించి శుభ్రం చేసుకోవాలి. ఇది డ్రై హెయిర్ ని నివారించడంతో పాటు, జుట్టుకి షైనింగ్ ని, స్మూత్ నెస్ ని ఇస్తుంది.

ఆయిలీ హెయిర్

1గుడ్డులోని తెల్లసొన, టీస్పూన్ ఆలివ్ ఆయిల్, కొన్ని చుక్కల నిమ్మరసం కలపాలి. అన్నింటినీ బాగా మిక్స్ చేసి.. జుట్టుని పాయలుగా విడదీసి.. ఈ ప్యాక్ ని అప్లై చేయాలి. గంట తర్వాత మైల్డ్ షాంపూతో శుభ్రం చేసుకోవాలి. ఇది ఆయిలీ హెయిర్ నివారించడంతో పాటు, జుట్టు ఒత్తుగా పెరగడానికి సహాయపడుతుంది.

డీప్ కండిషనర్

ఒక కప్పు పెరుగు, 1 గుడ్డులోని తెల్లసొన, కొన్ని చుక్కల టీట్రీ ఆయిల్ కలిపి.. పేస్ట్ చేసుకోవాలి. ఈ ప్యాక్ ని జుట్టుకి, స్కాల్ప్ కి పట్టించాలి. బాగా ఆరిన తర్వాత, జుట్టు బిగుతుగా మారిన తర్వాత మైల్డ్ షాంపూ ఉపయోగించి శుభ్రం చేసుకోవాలి. ఈ ప్యాక్ ని వారానికి ఒకసారి అప్లై చేస్తే జుట్టు రాలడాన్ని నివారించవచ్చు.

డ్యామేజ్ హెయిర్ ప్యాక్

గుడ్డులోని పచ్చసొన, టేబుల్ స్పూన్ పెరుగు, టేబుల్ స్పూన్ కొబ్బరినూనె, టేబుల్ స్పూన్ ఆలివ్ ఆయిల్ కలిపి ప్యాక్ తయారు చేసుకోవాలి. ఈ మిశ్రమాన్ని జుట్టుకి బాగా అప్లై చేయాలి. జుట్టుకి షవర్ క్యాప్ పెట్టుకోవాలి. గంట తర్వాత షాంపూ, కండిషనర్ ఉపయోగించి శుభ్రం చేసుకోవాలి.

బలమైన జుట్టుకి

రెండు ఎగ్స్ లోని తెల్లసొన, టేబుల్ స్పూన్ అలోవెరా జ్యూస్, 5చుక్కల ఆల్మండ్ ఆయిల్, రోజ్ మెరీ ఆయిల్ తీసుకుని.. అన్నింటినీ బాగా మిక్స్ చేయాలి. ఈ ప్యాక్ ని జుట్టుకి అప్లై చేసి.. గంట తర్వాత షాంపూ, కండిషనర్ ఉపయోగించి శుభ్రం చేసుకోవాలి. అంతే జుట్టు బలంగా మారుతుంది.

చిట్లిపోయిన జుట్టుకి

చివర్లు చిట్లిపోయిన జుట్టు నివారించడానికి టేబుల్ స్పూన్ కుంకుడుకాయ పొడి, ఒక గుడ్డులోని తెల్లసొన, టేబుల్ స్పూన్ కొబ్బరినూనె కలపాలి. అన్నింటినీ బాగా మిక్స్ చేసి.. జుట్టుకి అప్లై చేయాలి. గంట తర్వాత షాంపూ, కండిషనర్ ఉపయోగించి శుభ్రం చేసుకోవాలి.