మీరు తప్పక ప్రయత్నించవలసిన డీప్ కండిషనింగ్ యోగర్ట్ హెయిర్ మాస్క్స్

1. యోగర్ట్ + ఆల్మండ్ ఆయిల్

నాలుగు టీస్పూన్ల యోగర్ట్ తో రెండు టేబుల్ స్పూన్ల ఆల్మండ్ ఆయిల్ ను కలపండి.

ఈ మాస్క్ తో మీ స్కాల్ప్ పై మసాజ్ చేయండి. మీ జుట్టు చివర్లకి కూడా ఈ మాస్క్ తో మసాజ్ చేయండి.

ఒక గంట పాటు ఈ మాస్క్ ని ఆరనివ్వండి. ఆ తరువాత గోరువెచ్చటి నీటితో మీ శిరోజాలను శుభ్రపరుచుకోండి.

ఈ డీప్ కండిషనింగ్ హెయిర్ మాస్క్ మీ శిరోజాలపై అద్భుతాలు సృష్టిస్తుంది.

2. యోగర్ట్ + తేనె

రెండు టేబుల్ స్పూన్ల యోగర్ట్ ని ఒక టేబుల్ స్పూన్ తేనెతో కలపండి.

ఈ మిశ్రమాన్ని మీ స్కాల్ప్ తో పాటు శిరోజాలపై కూడా అప్లై చేయండి.

ముప్పై నిమిషాల తరువాత మైల్డ్ షాంపూతో తలస్నానం చేయండి.

వారానికి ఒకసారి ఈ డీప్ కండిషనింగ్ మాస్క్ ని వాడటం వలన శిరోజాలు మృదువుగా సిల్కీగా మారతాయి.

3. యోగర్ట్ ఎగ్ + కొబ్బరి నూనె

ఒక టేబుల్ స్పూన్ యోగర్ట్ తో ఒక ఎగ్ ని అలాగే రెండు టేబుల్ స్పూన్ల కొబ్బరి నూనెని కలపండి.

ఈ మిశ్రమాన్ని మీ స్కాల్ప్ పై అలాగే శిరోజాలపై అప్లై చేయండి.

ఒక గంట తరువాత హెర్బల్ షాంపూతో పాటు గోరువెచ్చటి నీటితో శిరోజాలను శుభ్రపరుచుకోండి.

మెరిసే, ప్రకాశవంతమైన శిరోజాలను పొందటం కోసం నెలలో రెండు సార్లు ఈ మాస్క్ ని వాడాలి.

4. యోగర్ట్ అరటిపండు+ రోజ్ వాటర్

బాగా పండిన అరటిపండును గుజ్జులా చేసుకుని అందులో ఒక టేబుల్ స్పూన్ యోగర్ట్ ని అలాగే ఒక టేబుల్ స్పూన్ రోజ్ వాటర్ ని కలుపుకోవాలి.

ఈ మిశ్రమాన్ని స్కాల్ప్ పై అలాగే శిరోజాలపై అప్లై చేయాలి.

ఒక గంట తరువాత, గోరువెచ్చటి నీటితో శిరోజాలను శుభ్రపరచుకోవాలి.

రెండువారాలకి ఒకసారి ఈ మాస్క్ ను అప్లై చేయడం ద్వారా శిరోజాల సౌందర్యాన్ని సంరక్షించుకోవచ్చు.

5. యోగర్ట్ + అవొకాడో

ఒక అవొకాడో ని మ్యాష్ చేసుకుని అందులోకి మూడు టేబుల్ స్పూన్ల తాజా యోగర్ట్ ని జోడించండి.

ఈ మాస్క్ ని స్కాల్ప్ పై అలాగే శిరోజాలపై అప్లై చేయాలి.

నలభై నిమిషాల తరువాత హెర్బల్ షాంపూతో పాటు గోరువెచ్చటి నీటితో శిరోజాలను శుభ్రం చేసుకోవాలి.

శిరోజాల ఆకృతిని మెరుగుపరుచుకునేందుకు ఈ మాస్క్ అమితంగా ఉపయోగపడుతుంది.

6. యోగర్ట్ అలోవెరా జెల్ + లెమన్ జ్యూస్

2 టేబుల్ స్పూన్ల యోగర్ట్ ని ఒక టేబుల్ స్పూన్ అలో వెరా జెల్ తో అలాగే రెండు టీస్పూన్ల లెమన్ జ్యూస్ తో కలపాలి.

ఈ డీప్ కండిషనింగ్ మాస్క్ ని మీ తలపై అప్లై చేసుకోవాలి.

ముప్పై నుంచి ముప్పై అయిదు నిమిషాల వరకు ఈ మాస్క్ ఆరేందుకు సమయమిచ్చి ఆ తరువాత గోరువెచ్చటి నీటితో మాస్క్ ని తొలగించాలి.

జుట్టు మూలాల నుంచి సంరక్షణనివ్వడానికి ఈ మాస్క్ అద్భుతంగా ఉపయోగపడుతుంది.

7. యోగర్ట్ ఆలివ్ ఆయిల్ + ఆపిల్ సిడర్ వెనిగర్

రెండు టేబుల్ స్పూన్ల యోగర్ట్ ని ఒక టేబుల్ స్పూన్ ఆలివ్ ఆయిల్ తో పాటు అర టీస్పూన్ ఆపిల్ సిడర్ వెనిగర్ తో కలపాలి.

ఈ మిశ్రమంతో స్కాల్ప్ పై మసాజ్ చేసుకోవాలి.

ముప్పై నిమిషాల తరువాత గోరువెచ్చటి నీటితో తలని శుభ్రపరచుకోవాలి.

నెలకి ఒకసారి ఈ మాస్క్ ను అప్లై చేయడం వలన శిరోజాలకు అద్భుతమైన పోషణ లభిస్తుంది.

8. యోగర్ట్ + కొబ్బరి పాలు

మూడు టేబుల్ స్పూన్ల యోగర్ట్ ని ఒక టేబుల్ స్పూన్ కొబ్బరి పాలతో కలపండి.

ఈ మిశ్రమాన్ని స్కాల్ప్ పై అప్లై చేసి మీ మునివేళ్లతో మృదువుగా అయిదు నిమిషాలపాటు మసాజ్ చేయండి.

40 నిమిషాల తరువాత గోరువెచ్చటి నీటితో మీ తలను శుభ్రపరచుకోండి.

వారానికి ఒకసారి ఈ పద్ధతిలో శిరోజాలకు సంరక్షణనిస్తే దృఢమైన ప్రకాశవంతమైన శిరోజాలు మీ సొంతం.