కైపెక్కించే కళ్ళుకు అదనపు ఆకర్షన మస్కరా..!

Make Up

oi-Saraswathi

By Sindhu

Published: Tuesday, May 15, 2012, 16:38 [IST]

ఏ ఫంక్షన్ లో అయినా, పార్టీలో అయినా అందరికన్నా, చక్కగా, అందంగా ఎక్సటార్డినరీగా కనపడాలని ఎవరికైన వుంటుంది. దానికొరకు అద్దం ముందు గంటలు గంటలు కూర్చొని మేకప్‌ చేసుకుంటాము, కాని మేకప్‌ అక్కడకి వెళ్ళిన కొంతసేపటికే చేరికిపోతుంది. అలా జరకుండా ఉండేందుకు మేకప్ విషయంలో రకరకాల జాగ్రత్తలు తీసుకొంటుంటారు. ముఖానికి వేసుకొనే పైడర్స్, ఫౌండేషన్స్, ఐషేడ్స్, మస్కారా ఇలా...అయితే పౌండేషన్ క్రీములు, పౌడర్లు, వాడకంలో ఎలా ఉన్నా కళ్ళ దగ్గర మాత్రం కొద్దిగా జాగ్రత్తలు తీసుకోవాలి. కళ్లకు వేసుకొనే మస్కరా, ఐలైనర్, ఐషేడ్ వంటివి తీసుకొనే ముందు మన్నికైనవి తీసుకోవాలి. లేదంటే కళ్ళు ప్రమాదం జరుగుతుంది.

మస్కారా ఇంట్లో వుంది కదాని పాత వాటిని అంటే సమయం అయిపోయినవి వేసుకోవద్దు. అలాగే మస్కారా హాండిల్‌ అంటే చిన్నపుల్లను పైకి క్రిందకు లాగొద్దు. అలా చేయటం వల్ల మస్కారా ట్యూబ్‌లోకి గాలి ప్రవేశించి మస్కారా త్వరగా పొడిబారిపోతుంది. మస్కారా మొద్దుబారి పోయినా లేదా మూడు నెలలు దాటినా వాడడం అంతా మంచిది కాదు. మేకప్‌ వేసుకోవటానికి, లేదా రెడీ అవ్వటానికి ఎప్పుడూ చేతులను ఉపయోగించరాదు. బ్రష్‌ లు వాడటం అలవాటు చేసుకోవాలి. అన్నింటకీ ఇప్పుడు ప్రత్యేకంగా బ్రష్‌లు దొరుకుతున్నాయి. వాటిద్వారానే వేసుకోవాలి. ముఖ్యంగా మస్కరాను ఎలా ఉపయోగించిలో తెలుసుకుందాం

1. మస్కరా ఎంపిక: మస్కరాలో చాలా రకాలు ఉన్నాయి. అయితే వాటిని ఎంచుకొనే విధానంలో జాగ్రత్త వహించి మన్నికైనది ఎంచుకోవాలి. పగలు వేసుకొనే మస్కరాలు, రాత్రుల్లో వేసుకొనే మస్కరాలు సపరేట్ గా దొరుకుతాయి. సందర్భాన్ని బట్టి మస్కరా కొనుక్కోవాలి.

2. కలర్ ఎంపిక: మీశరీర తత్వం ఎరుపు లేదా అందమైన ఐ లాషెష్ కలిగి ఉండే వారు, లైట్ బ్రౌన్ కలర్ బాగా నప్పుతుంది. చూడటానికి సాధారణంగా కనబడుతారు. డార్క్ బ్రౌన్ కలర్ రాత్రిల్లో బాగుంటుంది. ఒకవేళ మీ కనురెప్పలు డార్క్ అయితే రాత్రిల్లో గోదుమ రంగు, డార్క్ కలర్స్ ఎంచుకోవాలి.

3. ముందుగా కనురెప్పలను దువ్వడం: మస్కరా వాడముందు కన్నుకు సంబంధించిన మేకప్ అంతా అయిన తర్వాత కనురెప్పలను చిన్నసన్నని, చిన్న దువ్వెన బ్రష్ తో దువ్వుకోవాలి. తర్వాత కనురెప్పలకు స్ట్రెయిట్ గా మస్కరాను వేయాలి. కనురెప్పలు మందంగా ఉన్నట్లైతే కళ్ళు సగ భాగం మూసుకొని మస్కరాను వేసుకోవాలి.

4. మస్కరా ఓపెన్ చేసేటప్పుడు జాగ్రత్తగా తీయాలి. లేదంటు బ్రష్ వదులు అవ్వడం, లేదా విరిగిపోవడం జరుగుతుంది. తర్వాత మస్కరా ఓపెన్ చేసి చాలా సేపు అలాగే ఉంచకూడదు. అలా చాలాసేపు బయటఓపెన్ చేసి పెట్టేస్తే బ్యాక్టీరీ వ్యాపించి కళ్ళకు ఇన్ఫెక్షన్ అవ్వొచ్చు.

5. మస్కరా ముందుగా పై కనురెప్పకు వేసుకోవాలి. మస్కరాను కనురెప్ప లోపలిబాగం నుండి సున్నితంగా బ్రష్ చేయాలి. మస్కరా వేసేటప్పుడు జిగ్ జాగ్ పద్దతిలో చేతిని పైకి కిందకు కదపాలి. అప్పుడే మస్కరా కనురెప్పకు బాగా అంటుంది. మస్కరా వేసిన తర్వాత రెండు సెండ్ల పాటు కన్ను ఆర్పకుండా అలాగే ఉండాలి. కొద్దిగా డ్రై అయిన తర్వాత యథావిధిగా ఉండొచ్చు. మరింత ఆకర్షనీయంగా కనబడేందుకు డబుల్ కోట్ కూడా వేయవచ్చు.

6. ఇప్పుడు మస్కరాను క్రింది రెప్పుకు వేయాలి. పై రెప్పకు ఏ పద్దతిలో వేసామో అదే పద్దతిలో క్రింది రెప్పకు కూడా వేసుకోవాలి.

7. కళ్ళ చుట్టూ మస్కరా చుక్కలు పడిఉంటాయి. కాటన్ తీసుకొని మస్కరా చుక్కలను చెరిపేయాలి. తర్వాత స్కిన్ కలర్ పౌడర్ ను రాసి వదిలేస్తే కళ్లు అందంగా కనిపించి, ఆకర్షిస్తాయి.