అందమైన పాదాలకు అయిదు మార్గాలు!

By B N Sharma

Published: Monday, September 12, 2011, 11:28 [IST]

ఖచ్చితంగా మీ ముఖ వర్చస్సు అద్భుతమే! అయితే, అంతే జాగ్రత్తను మీ మెడ, చేతులు కాళ్ళపై కూడా మీరు తీసుకోవాలి. అవి కూడా అందరికి బాగా కనపడేవే. చక్కనైన పాదాలకుగాను తీసుకోవలసిన జాగ్రత్తలేమిటో చూద్దాం. వైద్యుల మేరకు, అందంగా కనపడే పాదాలు ఆ వ్యక్తి ఆరోగ్యాన్ని సూచిస్తాయి. కనుక మీ పాదాలపై శ్రద్ధ పెట్టండి. సాక్స్, షూస్ ఎల్లపుడూ మెయింటెయిన్ చేయలేకుంటే, వాటిని చల్లటి వాతావరణాన్నించి రక్షించండి. సాధారణంగా ఉపయోగించే క్రీములు కాళ్ళకు అంటుకుపోయి మరింత మురికిని చేరుస్తాయి. కనుక వీలైనంత మేరకు సహజ పద్ధతులద్వారానే మీ పాదాలను సంరక్షించుకోండి.

1. ఇంట్లోనే చక్కగా కాలి గోళ్ళను ఒక పాత టూత్ బ్రష్ తో శుభ్రం చేసి మురికి అంతా తుడిచి మంచి నెయిల్ కట్టర్ తో వాటిని అందంగా కత్తిరించండి.
2. పగిలిన మడమ భాగాలను మడమల రాయి లేదా ఇతర గట్టి సాధనంచే రుద్ది మురికి వదిలించండి. పాదాలను ఉప్పు వేసిన వేడి నీటిలో కొద్ది సేపు నాన పెట్టండి. ఈ చర్య మీకు ఎంతో హాయినిస్తుంది.
3. కాళ్ళు అందంగా వుండాలంటే ఏదేని ఆయిల్ ను క్రమం తప్పకుండా రాయండి. పాదాలను ఒక ప్లాస్టిక్ కవర్లో పెట్టండి పాదాల చర్మ రంధ్రాలు తెరుచుకొని రాసిన ఆయిల్ ను పిల్చేస్తాయి.
4. పాదాలకు విటమిన్ ఇ ఆయిల్ రాస్తే మృదువుగా వుంటాయి. లేదా వెన్న కూడా మర్దన చేయవచ్చు.
5. ఏదేని రిఫైన్డ్ ఆయిల్ తో వేపాకు పొడిని కలిపి కాలి వేళ్ళ మధ్య రాస్తే అది వాటి మద్య వుండే క్రిములను సంహరిస్తుంది. ఈ వేప ప్రభావంచే దోమలు కూడా దూరమవుతాయి.