నాణ్యమైన షేవింగ్‌తో నిజమైన హిరో అనిపించుకోండి...?

షేవింగ్ సమయంలో ఇవి పాటించండి:

- నిద్ర నుంచి లేవగానే షేవింగ్ ప్రక్రియకు పూనుకోకండి. కొద్ది నిమిషాలు విశ్రాంతి తీసుకుని అంటే నిద్ర మొత్తు నుంచి తేరుకున్న తరవాత షేవింగ్‌కు సన్నద్ధులు కండి.

- షేవింగ్ చేసుకునే ముందు వేడి నీటితో ముఖాన్ని శుభ్రం చేసుకోండి. పొడి టవల్‌తో ముఖాన్ని తుడుచుకున్న తరువాత షేవింగ్‌ను మొదలుపెట్టండి.

- నాణ్యమైన బ్రష్‌నే ఉపయోగించండి. క్రీమ్ రాసిన తరువాత 2 నుంచి 3 నిమిషాల వరకు గడ్డపు భాగాన్ని రిలాక్సిడ్ గా ఆరనివ్వండి.

- షేవింగ్ సమయంలో ఒత్తిడికిలోనై చర్మానికి హాని తలపెట్టకండి. షేవింగ్ సందర్భంలో ఒత్తిడికి లోనవటం వల్ల ముఖం పై గాట్లు పడే ప్రమాదం పొంచి ఉంది.

- షేవింగ్ సందర్భంలో నాణ్యమైన బ్లేడ్‌ను ఉపయోగించటం ఉత్తమం. 5 షేవ్‌లకు ఒకసారి బ్లేడును మార్చటం మంచిది.

- ఒక షేవ్ పూర్తి అయిన తరువాత నిమిషం వ్యవధిలో మరో సారి క్రీమ్‌ను గడ్డపు భాగంలో ఆప్లై చేసి షేవింగ్ చేసుకుంటే వెంట్రుకలు నిదానంగా వ్యాపిస్తాయి.

- 10 నుంచి 15 నిమిషాల షేవింగ్‌కు కేటాయించాలి. ఆదరా, బెదరాగా షేవింగ్ చేసుకుంటే పలు రకాలైన ఇబ్బందులకులోను కావల్సి వస్తుంది. తీరికగా సాయంత్రం లేదా రాత్రి సమయాల్లో షేవింగ్ చేసుకోవటం ఉత్తమం.

- షేవింగ్ అనంతరం పటిక ముక్కతో గడ్డపు భాగాన్ని మర్ధానా చేస్తే చర్మం కోమలత్వాన్ని సంతరించుకోవటంతో పాటు మృదువుగా తయారవుతుంది.

ఈ సులువైన షేవింగ్ చిట్కాలను క్రమబద్ధంగా ఆచరిస్తే నలుగురిలో మీరే 'హ్యాండ్ సమ్'.