ఆయిల్ థెరఫీ తో అందమైన చర్మ సౌందర్యం....

Published: Thursday, February 9, 2012, 11:57 [IST]

ప్రకృతిలో స్త్రీ అందానికి ప్రతిరూపం. ఆ అందం నాజూకైన చర్మంతో మరింత ఇనుమడిస్తుంది. చర్మం ఆరోగ్యంగా, అందంగా ఉండటమే కాకుండా శుభ్రంగాను ఉంచుకునేందుకు ప్రయత్నించాల్సి ఉంటుంది. కాని నేటి ఆధునిక కాలంలో చాలా మంది మహిళలు, తమ చర్మసౌందర్యంపై ప్రత్యేక శ్రద్ద కనబరచలేక పోతున్నామని తెగ ఆందోళన చెందుతున్నారు. అలాంటి వారు కొంచెం సమయాన్ని కేటాయించి కొన్ని చిట్కాలు పాటిస్తే సరి...

ప్రతిరోజూ రాత్రి పడుకునేముందు బాదం నూనె లేదా ఆలివ్‌/బాదాం(ఆల్మాడ్) నూనె ముఖానికి, చర్మం పొడిబారిన ప్రదేశాలలో రాయాలి. ఆయిల్‌ అప్లయ్‌ చేసేముందు మురికి, దుమ్ము లేకుండా చర్మం శుభ్రంగా ఉండాలి. విపరీతమేన ఎండలో తిరిగితే చర్మానికి చాలా ప్రమాదం. కాబట్టి మీ శరీర చర్మాన్ని ఎండ నుంచి కాపాడుకునేందుకు సన్ స్క్రీన్ లోషన్‌ను పూయండి. చర్మంలో నాజూకుదనంతోపాటు నిగారింపు ఉంటుంది..

చర్మాన్ని రోజుకు 2-3సార్లు దీంతో ముఖంపైనున్న స్వేదగ్రంధులు శుభ్రమై మరింత నిగారింపును సంతరించుకుంటుంది. రాత్రి పడుకునే ముందు ముఖాన్ని4 క్లీనర్స్ తో శుభ్రపరచుకోండి. ముఖంపై మొటిమలుంటే వాటిని గోళ్ళతో గిల్లకండి. రాత్రి పడుకునే ముందు క్రమం తప్పకుండా యాంటీ బ్లెమిష్ సొల్యూషన్ లేదా యాంటిసెప్టిక్ క్రీమ్ వాడండి.

ఆయిల్ థెరపీః నెలకు ఒకసారి ఆయిల్ థెరపీ చేసుకోవాలి. ఆయిల్ థెరపీ కొరకు 2 చెంచాల బాదం నూనె, 2 చెంచాల కొబ్బరి నూనెను కలుపుకుని వేడి చేసుకోవాలి. పత్తితో మీ మూఖాకృతిని తయారు చేసుకోండి. గోరువెచ్చగావున్న ఈ మిశ్రమాన్ని ముఖాకృతిని తయారు చేసుకున్న పత్తిని తడపండి. నూనెలో తడిపిన పత్తిని ముఖంపై మెల్లగా పెట్టుకోండి. పత్తి చల్లగా తయారయ్యేంత వరకు మీ ముఖంపై అలాగే ఉంచండి. ఆ తర్వాత చల్లటి నీటిలో ముంచిన పత్తిని ముఖంపై ఉంచండి. దీంతో మీ ముఖారవిందం మరింత నిగారింపును తెస్తుందనడంలో సందేహం లేదు.