స్త్రీకైనా.. పురుషుడికైనా సహజ పద్దతుల్లోనే సౌందర్యం సాధ్యం...

Skin Care

oi-Saraswathi

By Sindhu

Updated: Saturday, September 1, 2012, 16:08 [IST]

అందం అనేది ఒకరి సొత్తు కాదు. ఎవరి అందం వారిది అది స్త్రీ అయినా, పురుషుడైన వారి అందం గురించి వారు తగిన శ్రద్ద తీసుకొంటే ఎప్పుడూ యవ్వనంగా కనబడుతుంటారు. అయితే అందం గురించి మహిళలే ఎక్కువగా శ్రద్ద తీసుకొంటారనుకొంటే పొరపాటే... ఎందుకంటే పురుషులు కూడా వారి అందంగా గురించి గ్లామరస్ గా కనబడేందుకు రకరకాలుగా ప్రయత్నిస్తుంటారు. అందుకు ఈనాడు మార్కెట్లో మెన్ బ్యూటీ ప్రొడక్ట్స్ కూడా కోకొల్లలుగా దర్శనమిస్తున్నాయి. అయితే వాటితో కొంత వరకూ ప్రయోగజనం కలిగినా. తర్వాత తర్వాత వాటి ఉపయోగించకుండా సాధారణ పద్దతులపై ఎక్కువ ఇంట్రెస్ట్ చూపిస్తున్నారు. మరి అలాంటి స్త్రీ, పురుషులు ఇద్దరికీ సహజపద్దతుల్లో సహజ సౌందర్యాన్ని పెంచుకోవడానికి, ముఖంలో జీవత్వాన్ని పెంపొందించుకోవడానికి కొన్ని అద్భుతమైన చిట్కాలను చూడండి...

1. ముఖానికి మసాజ్ ఎంతో మేలు : దీనికోసం మీరు మసాజ్ సెంటర్లకు వెళ్లనక్కర్లేదు, ప్రతీ రాత్రి మీకు నచ్చిన మాయిశ్చరైజర్‌తో ఐదు నిమిషాల పాటు ముఖంపై నెమ్మదిగా మర్దనా చేయండి. మసాజ్ చేయించుకున్నంత ఫలితం పొందుతారు.

2. పైన చెప్పిన విధంగా మర్దనా చేస్తూ మాయిశ్చరైజర్‌ను ముఖానికి పట్టించి మెడ కింది భాగం నుండి గడ్డం వరకు వ్రేళ్లతో మర్దనా చేయాలి, ఇలా చేయడంతో మీ ముఖం కందినట్లు కనిపించినా, ముఖానికి కావలసినంత ఆక్సిజన్ లభిస్తుంది.

3. మీకు ముడతలు లేని చర్మం కావాలంటే..మీరు నిద్రించేప్పుడు ముఖం వైపు పైకి ఉండేలా నిద్రించండి. పక్కకు మరియు బోర్లా పడుకునే వారికి ఎక్కువగా చర్మంపై ముడతలు త్వరగా ఏర్పడుతాయి.

4. మీ ముఖం డల్‌ గా కాంతి హీనంగా ఉందా? చిన్నచిన్న చిట్కాలతో మళ్లీ చర్మానికి కాంతి చేకూర్చండి. మీ చేతి వ్రేళ్లతో మీ చర్మానికి జీవకళ తీసుకురావచ్చు, కంటిపై ఎముకభాగం నుండి ముక్కు వరకు అక్కడి నుండి బుగ్గల ఎముక భాగాల వరకు మీ చేతి వ్రేళ్లతో పైకి కిందకు నెమ్మదిగా మర్దనా చేయండి.

5. ఆహార అలవాట్లపై దృష్టి ఉంచండి: పరిశుభ్రమైన ఆహారంతో మీ చర్మానికి కావలసిన పోషకాలు లభిస్తాయి. మీరు తీసుకునే ఆహారంతో మీ ముఖంపై మొటిమలు, మచ్చలు ఏర్పడకుండా కాపాడుకోవచ్చు. తరచుగా చేపలతో కూడిన ఆహరం తీసుకోవడం వల్ల చర్మానికి మంచి పోషణ అందించవచ్చు.

6. సన్ స్క్రీన్‌ లు వాడటం మంచిది: కుడి చేయివాటం ఉన్న వారు ఎక్కువగా సన్‌స్క్రీన్‌ లను ఎడమ వైపు పెడుతారని, ఎడమ చేయివాటం వారు కుడి వైపు ఎక్కువ క్రీం పూస్తారని దీంతో ముఖంపై రెండు వైపులా అసమతౌల్యంగా రాయడం జరుగుతుంది. క్రీం వాడేప్పుడు రెండు వైపులా రెండు చేతులతో మార్చి మార్చి రాయడంతో ముఖమంతా సమపాళ్లలో క్రీం పడుతుంది.