మామిడితో చర్మంలో కొత్త మెరుపులు..కొత్త కళ

Published: Saturday, May 12, 2012, 12:48 [IST]

వేసవి..మామిడి ఈ రెండింటిని విడదీయలేని అనుబంధం అమోఘమైన రుచులతో వేడక చేసే మామిడి పోషకాలకూ పెట్టింది పేరు. వ్యాధి నిరోధక శక్తిని అందించే ఎ, సి విటమిన్లతో పాటు బి కాంప్లెక్స్ విటమిన్లు దీన్నుంచి సమద్దిగా లభిస్తాయి. పీచు పదార్థం కావాల్సినంత..జీర్ణకోశంలో పేరుకొన్న మలిన పదార్థాలు, విష పదార్థాలు బయటకు పంపించడంలో ఇది ఎంతో తోడ్పడుతుంది. ఇందులో ఉండే ప్రత్యేకమైన ఎంజైమ్ చర్మాన్ని తేటగా మార్చి బంగారు వర్ణాన్ని అందిస్తుంది. అందుకే మామిడి పండ్లను బాగా తినేవాళ్లు బంగారు కాంతితో మెరిసిపోతారు. రోజుకో మామిడి పండు తింటే కొలాజిన్ ఉత్పత్తి పెరిగి చర్మం ఆరోగ్యంగా తాయరవుతుంది. శరీరానికి ఎంతో మేలుచేసే మామిడిని షాంపూలు, చర్మ క్లెన్సర్స్, స్రబ్స్ లు, పైపూతలు బాడీ ర్యాప్ లు ఇలా ఎన్నో సౌందర్య ఉత్పత్తుల్లో వాడతారు.

వేసవిలో చర్మం రంగు మారిపోతుంటుంది. ఎండవేడిమికి తేలిగ్గా మామిడితో కమిలిపోతుంటుంది. అటువంటంప్పుడు ఇంట్లోనే తేలిగ్గా మామిడితో ఆ సమస్యల్ని తగ్గించుకోవచ్చు. కొద్దిగా గుజ్జు తీసుకొని దానిలో తగినంత పాళ్లలో సెనగపిండి, తేనె కలిపితే గట్టి మిశ్రమంలా తయారవుతుంది. ఈ పూతని ముఖానికి పట్టించి అరగంట తర్వాత దీనిని చల్లటి నీటితో శుభ్రచేసుకోవాలి. ఈ పూత వల్ల ముఖంపై పేరుకొన్న నలుపు పోయి చర్మం మునుపటి కాంతితో కళకళలాడుతుంది.

పొడి చర్మానికి మామిడి సొగసులు: బియ్యాన్ని కొద్దిగా బరకగా పిండి పట్టించుకోవాలి. ఒక చెంచా పిండిలో చెంచా మామిడి గుజ్జు, అర చెంచా తేనె కలిపి చర్మానికి రాయాలి. ఐదు నిమిషాల పాటు మర్ధన చేసి ఆరనివ్వాలి. తర్వాత చల్లటి నీటితో శుభ్రం చేసుకుంటే చర్మం నునుపుగా కొత్త కాంతులతో వెలిగిపోతుంది.

కాచిన పాల మీగడ రెండు చెంచాలా మామిడి గుజ్జు రెంచు చెంచాల, నిమ్మరసం నాలుగైదు చుక్కలు తీసుకోవాలి. అన్నింటినీ కలపి ముకానికి రాసుకుని నెమ్మదిగా మర్ధన చేయాలి. పదినిమిషాల తర్వాత శుభ్రం చేసుకోవాలి.

క్లెన్సర్ తో కొత్త కళ...వాతావరణ కాలుష్యం, దుమ్ము ధూళి కారణంగా చర్మంపై మతకణాలను తొటగించడంలో మామిడి ఎంతగానో సహకరిస్తుంది. రెండు చెంచాల పాలు, చెంచా తేనె, రెండు చెంచాల మామిడి పండు గుజ్జు అన్నింటినీ కలిపి ముఖానికి రాసి పదినిమిసాల మర్ధన చేసి ఐదు నిమిషాల్యాక తొగించాలి. ఇది లోతుగా చర్మాన్ని శుభ్ర చేసి మలినాలను తొలగించి చర్కని తేమ అందిస్తుంది.