సమ్మర్ మాంగో ఫ్రూట్ ఫేషియల్స్....!

Skin Care

oi-Saraswathi

By Sindhu

Published: Friday, March 30, 2012, 11:38 [IST]

వయస్సు పెరిగే కొద్దీ చర్మం మందంగా తయారై, ముడుతతలుపడటం, చర్మం కమిలిపోవడం, చర్మం జిడ్డుగా మారడం వంటి జరుగుతాయి. దాని వల్ల చిన్న వయస్సులోనే పెద్దవారిగా కనిపిస్తారు. చర్మ సౌందర్యాన్ని కాపాడి నిత్య యవ్వ నాన్ని ప్రసాదించేవి యాంటి ఆక్సిడెంట్లు. మరి అలాంటి యాంటి ఆక్సిడెంట్లు అన్ని రకాల ఆకుకూ రలు, కూరగాయలు, పండ్లలో ఉంటాయి. అలాగే విటమిన్ లోపవం వల్ల కూడా చర్మం కమలడం, చిట్లడం వంటివి జరుగుతాయి. కాబట్టి విటమిన్‌-ఎ ఆకుకూరలు, ఆరంజ్‌ రంగు ఉండే పండ్లు, కూరగాయలు, ముఖ్యంగా టమాటొ, బొప్పాయి, మామిడి, క్యారెట్‌ మొదలైన వాటిలో ఎక్కువగా ఉంటుంది. ముఖ్యంగా వేసవిలో అరుదుగా దొరికే మామిడి పండ్లతో చర్మసౌందర్యాన్ని కాపాడుకోవచ్చు. ఊరించే రంగుతో, కమ్మనైన రుచితో.. నోరంతా తీపి చేసే మామిడి పండు ఆరోగ్య ప్రదాయినే కాదు, సౌందర్య సంరక్షిణి కూడా. మొటిమలు, మచ్చలతో బాధపడేవారు మామిడిపండ్లతో ఫేషియల్స్ చేసుకోవచ్చు.

1. మామిడిపండు ముక్కలు: మెదటగా మామిడి పండ్లను కట్ చేసి ముఖం, చర్మం మీద స్ర్కబ్ చేయాలి. అరగంట తర్వాత మొదట పచ్చిపాలతోడి శుభ్రం చేసి..చల్లటి నీటితో శుభ్రం చేసుకొన్నట్లైతే పొడిబారిన చర్మం సున్నితంగా తయారవుతుంది.
2. మామిడిపండు-పెరుగు ఫేస్ మాస్క్: బాగాపండిన మామిడిపండును గుజ్జులా చేసి అందులో ఒక టేబుల్ స్పూన్ పెరుగు, ఒక టేబుల్ స్పూన్ లెమన్ జ్యూస్ వేసి బాగా మిక్స్ చేసి, ఈ పేస్ట్ ను ముఖం, మెడకు అప్లై చేసి ఇరవై నిమిషాలు పాటు వదిలేసి తర్వాత చల్లటి నీటితో శుభ్రం చేసుకొన్నట్లైతే సమ్మర్ లో వేడి నుండి కమిలిన చర్మాన్ని కాపాడుకోవచ్చు, ఇలా తరచూగా లేద ఒక వారానికి 3సార్లు వేసుకోవాలి.
3. మామిడి పండు-ఎగ్ షేషియల్: మామిపండును గుజ్జులా చేసి అందులో ఎగ్ వైట్ వేసి బాగా గిలకొట్టాలి. తర్వాత అందులో ముఖం, మొడమీద అప్లై చేసి ఇరవై నిమిషాల తర్వాత చల్లటి నీటితో శుభ్రపరుకొన్నట్లైతే చర్మానికి మెరుపునిస్తుంది.
4. ఐదు టీస్పూన్ల మామిడి పండు రసాన్ని తీసుకుని దాంట్లో ముప్పావు టీస్పూన్ పసుపు కలిపి మిశ్రమం తయారు చేసుకోవాలి. ఈ మిశ్రమాన్ని ముఖానికి పట్టించి బాగా ఆరిన తరువాత మంచినీటితో శుభ్రం చేసుకుంటే మొటిమలు, మచ్చలను తొలగిస్తుంది. చర్మానికి మృదుత్వాన్నిస్తుంది. అయితే ఈ మామిడిపండు ప్యాక్‌ ను కొన్ని వారాలపాటు క్రమం తప్పకుండా వాడటం మాత్రం మర్చిపోవద్దు.