దానిమ్మలో దాగి ఉన్న చర్మ యొక్క సౌదర్య రహస్యాలు

దానిమ్మ ఆరోగ్యానికే కాదు.. అందానికి దివ్యౌషధంగా పనిచేస్తుంది. దానిమ్మ గింజల్లో యాంటీ ఏజింగ్ గుణాలు ఉంటాయి. అవి అందాన్ని కాపాడటంలో కీలకంగా పనిచేస్తాయి. దానిమ్మ ఆరోగ్యానికే కాదు.. అందానికి దివ్యౌషధంగా పనిచేస్తుంది. దానిమ్మ గింజల్లో యాంటీ ఏజింగ్ గుణాలు ఉంటాయి. అవి అందాన్ని కాపాడటంలో కీలకంగా పనిచేస్తాయి.

దానిమ్మ పండులో విటమిను-ఎ, సి, ఇ, బి-5లు పుష్కలంగా ఉంటాయి. ధర కొంచెం ఎక్కువైనా దానికి సరిపడా లాభం చేస్తుంది దానిమ్మ. ఎర్రగా నిగనిగ లాడుతూ కంటికి ఇంపుగా కనిపించే దానిమ్మ గింజలు ఆరోగ్యానికి అనేక విధాలుగా ప్రయోజనం కలిగిస్తాయి. దానిమ్మ జ్యూస్‌ తాగితే గింజ ఎంత ఆకర్షణీయంగా ఉంటుందో అంత కాంతిని పొందుతారని పెద్దలు అంటుంటారు. అత్యంత శక్తిమంతమైన యాంటాక్సిడెంట్లు దానిమ్మలో ఎక్కువ. ఇవి కణాల విధ్వంసానికి కారణమయ్యే ఫ్రీరాడికల్స్‌ పని పట్టి వృద్ధాప్యాన్ని దూరం చేస్తాయి. దానిమ్మ సహజ యాస్పిరిన్‌. రక్తసరఫరాను తగినంతగా వేగవంతం చేస్తుంది. పావు కప్పు రసం రోజూ తాగితే మీ గుండె ఎంచక్కా భద్రంగా ఉన్నట్టే. మరి అందానికి ఏవిధంగా ఉపయోగపడుతుందో చూద్దాం...

దానిమ్మతో అందం మెరుగుపడుతుంది
దానిమ్మ రుచికరమైన పండు మాత్రమె కాకుండా, చర్మ ఆరోగ్యాన్ని వృద్ధి చేసి, చర్మ సమస్యలను తగ్గించి అందాన్ని మెరుగుపరుస్తుంది. దానిమ్మలో ఉండే నూనెలు, ఎపిడేర్మల్ కణాలకు శక్తిని అందించి, వయసు మీరిన కొలది చర్మంపై కలిగే ముడతలను ఆలస్యంగా కలుగ చేస్తాయి.

కణాల పునరుత్పత్తి
దానిమ్మ, పుష్కలమైన యాంటీ ఆక్సిడెంట్ గుణాలను కలిగి ఉంటుంది. పండు యొక్క బాహ్య పొర, చర్మంలోని ఎపిడేర్మల్'లో (శరీరంపై ఉన్న బాహ్య చర్మం) రక్త ప్రసరణను అధికం చేసి, ప్రమాదానికి గురైన కణాలను తొలగించి, నూతన కణాల పునరుత్పత్తిని ప్రోత్సహిస్తుంది.

యాంటీ-ఏజింగ్
అకాల వృద్ధాప్యాన్ని ఆపే ఆహార పదార్థాలలో ఇది ముఖ్యమైనదిగా చెప్పవచ్చు. సూర్యకిరణాలకు బహిర్గతం అవటం వలన కేలిగే ప్రమాదాలను, ముడతలను మరియు గీతాలను దానిమ్మ పండు తగ్గించి వేస్తుంది. 'హైపెర్పిగ్మెంటేషన్' మరియు వయసు మీరిన కొలది కలిగే మచ్చలను ఈ పండు తినటం ద్వారా తగ్గించుకోవచ్చు .

పొడి చర్మం
చిన్న పరమాణు నిర్మాణం కలిగిన దానిమ్మ పండు, సులభంగా చర్మంలోకి ప్రవేశించబడుతుంది. అంతేకాకుండా, దానిమ్మ పండులో ఉన్న ''ప్యూనిక్ ఆసిడ్'' మరియు ''ఒమేగా-3 ఫాటీ ఆసిడ్''లు హైడ్రేట్ మరియు తేమను కోల్పోవటాన్ని నివారిస్తుంది.

జిడ్డు చర్మం
దానిమ్మ పండు పొడి చర్మానికి ఉపయోగపడిన విధంగానే, జిడ్డు చర్మానికి లేదా ఎక్కువ ఆయిల్ కలిగిన చర్మానికి కూడా ఉపయోగపడుతుంది. జిడ్డు చర్మంపై కలిగే మొటిమలను, చర్మ పగుళ్ళను, మచ్చలు మరియు దురదలను శక్తివంతంగా తగ్గించి వేస్తుంది.

మృదువైన చర్మం
దానిమ్మ పండు, చర్మంలోని కొల్లాజన్ మరియు స్థితిస్తాపకతను కలుగుచేసి చర్మాన్ని మృదువుగా మారుస్తుంది. ఈ పండు నుండి తయారు చేసిన రసం చర్మ కణాలలో ఫైబ్రోబ్లాస్ట్'లను వృద్ధి పరచి, చర్మ మృదుత్వాన్ని అధికం చేస్తుంది. అంతేకాకుండా, దానిమ్మ పండులో ఉండే 'ప్యూనిక్ ఆసిడ్', చర్మ కణాలలో ఉండే బ్యాక్టీరియా మరియు మలిన పదార్థాలను తొలగించి చర్మాన్ని ఆరోగ్యంగా ఉంచుతుంది.

సూర్యకాంతి నుండి రక్షణ
సూర్యకాంతి వలన కలిగే ప్రమాదాలను దానిమ్మ పండు ద్వారా తగ్గించుకోవచ్చు. సూర్యకాంతి వలన కలిగే ప్రమాదాలను, ఫ్రీ రాడికల్'ల వలన చర్మంపై కలిగే నష్టాలను మరియు చర్మ క్యాన్సర్ వంటి ప్రమాదకర వ్యాధులను కూడా తగ్గించి వేస్తుంది. 'ఎల్లాజిక్ ఆసిడ్' మరియు 'పాలీఫినాల్ యాంటీ ఆక్సిడెంట్'లు దానిమ్మ పండులో ఉంటాయి, ఇవి చర్మంలో ఏర్పడే, క్యాన్సర్ ట్యూమర్ ఏర్పాటును అడ్డుకుంటాయి.

స్కిన్ ఇన్ఫ్లమేషన్
దానిమ్మ పండులో పుష్కంలంగా 'పాలీఫినాల్' మరియు యాంటీ- ఇన్ఫ్లమేటరీ గుణాలను కలిగినందు వలన, ఇవి చర్మం పై ఏర్పడిన మంటలను మరియు వాపులను శక్తివంతంగా తగ్గిస్తాయి. చర్మంపై ఏర్పడిన చిన్న చిన్న తెగుళ్ళను, మచ్చలను తగ్గించుటకు, దానిమ్మ గింజల నుండి తయారు చేసిన నూనెలను వాడమని సౌందర్య నిపుణులు సలహా ఇస్తున్నారు.