డార్క్ గా ఉన్న చర్మంను తెల్లగా మార్చే నేచురల్ ఫేస్ ప్యాక్

లెమన్ ఫేస్ ప్యాక్:

ఒక బౌల్లో కొద్దిగా నిమ్మరసం తీసుకొని అందులో కొద్దిగా పెరుగు మిక్స్ చేసి ముఖానికి అప్లై చేసి పూర్తిగా ఆరిత తర్వాత, డ్రై అయిన తర్వాత గోరువెచ్చని నీటితో ముఖం శుబ్రం చేసుకోవాలి. ఈ లెమన్ ఫేస్ ప్యాక్ ను వారానికొకసారి అప్లై చేయడం వల్ల మీ చర్మం ఫెయిర్ గా మారుతుంది.

గోధుమపిండి ఫేస్ ప్యాక్ :

ఒక చెంచా గోధుమపిండి, రెండు చెంచాలా రోజ్ వాటర్ వేసి పేస్ట్ లా చేసి ముఖానికి పట్టించి 20నిముషాల తర్వాత శుభ్రం చేసుకోవాలి. ఇలా చేయడం వల్ల స్కిన్ కంప్లెక్షన్ (చర్మం యొక్క రంగు మెరుగు అవుతుంది. గోరువెచ్చని పాలతో శుభ్రం చేస్తే మరింత ఉత్తమ ఫలితం పొందవచ్చు.

తేనె ఫేస్ ప్యాక్:

చర్మంను మరింత ఫెయిర్ గా మార్చే మరో ఎఫెక్టివ్ హోం రెమెడీస్ ఇది. తేనెను నేరుగా ముఖానికి అప్లై చేసి ముఖం మొత్తం మసాజ్ చేసి 20నిముషాల తర్వాత తడికాటన్ టవల్ తో తుడిచేసి, తర్వాత గోరువెచ్చని నీటితో శుభ్రం చేసుకోవాలి.

ఓట్స్ ఫేస్ ప్యాక్:

ఒక టేబుల్ స్పూన్ ఓట్స్ లో రెండు చెంచాల రోజ్ వాటర్ మిక్స్ చేసి ముఖానికి అప్లై చేసి సర్కులర్ మోషన్ లో మసాజ్ చేయాలి. 20 నిముషాల తర్వాత తడి కాటన్ వస్త్రంతో తుడిచేసి తర్వాత చల్లటి నీటితో శుభ్రం చేసుకోవాలి.

పసుపు ఫేస్ ప్యాక్:

స్కిన్ కంప్లెక్షన్ మెరుగుపరచడంలో మరో ఫేస్ ప్యాక్ పసుపు ఫేస్ ప్యాక్. ఒక చెంచా పసుపు, రెండు చెంచాల పాలతో మిక్స్ చేసి, ముఖానికి అప్లై చేయాలి. 15నిముషాల తర్వాత చల్లటి నీటితో శుభ్రం చేసుకోవాలి. ఈ డార్క్ స్కిన్ కంప్లెక్షన్ ఫేస్ ప్యాక్ ను నెలకు రెండు సార్లు వేస్తే మంచి ఫలితం ఉంటుంది.

టమోటో ఫేస్ ప్యాక్:

టమోటోను మెత్తగా గ్రైండ్ చేసి, ముఖం శుభ్రంగా కడిగి తర్వాత ముఖానికి దీన్ని అప్లై చేయాలి. మొదట సారి ఒక సారి అప్లై చేసి తర్వాత డ్రై అయ్యే వరకూ ఉండి తర్వాత రెండో సారి అప్లై చేయాలి . తర్వాత శుభ్రం చేసుకోవడం వల్ల ఇది ఫేషియల్ హెయిర్ ను నివారించడంలో గ్రేట్ గా సహాయపడుతుంది.

ఆరెంజ్ పీల్ ఫేస్ ప్యాక్:

ఆరెంజ్ తొక్కను తీసి, నీడలో ఎండట బెట్టి, పౌడర్ చేసి అందులో కొద్దిగా నీళ్ళు మిక్స్ చేసి పేస్ట్ లా చేసి ముఖానికి అప్లై చేయాలి. డ్రై అయిన తర్వాత తడిగా ఉండే కాటన్ క్లాత్ తో శుభ్రం చేసుకోవాలి . డ్రై అయిన తర్వాత గోరువెచ్చని పాలతో శుభ్రం చేసుకోవడం వల్ల నేచురల్ గ్లో వస్తుంది..

పెరుగు ఫేస్ ప్యాక్:

పెరుగుతో ఫేస్ ప్యాక్ వేసుకోవడం వల్ల ఇది ఒక బ్లీచింగ్ ఏజెంట్ గా పనిచేస్తుంది. ఇది స్కిన్ కంప్లెక్షన్ ను మెరుగుపరుస్తుంది. మూడు చెంచాల పెరుగులో ఒక చెంచా ఓట్స్ చేర్చి బాగా మిక్స్ చేసి ముఖానికి ప్యాల్ లా వేసుకోవాలి. డ్రై అయిన తర్వాత ప్యాక్ ను ముఖం నుండి తొలగించడం వల్ల ఇది డెడ్ స్కిన్ సెల్స్ ను తొలగిస్తుంది..