ముఖంలో బ్లాక్ హెడ్స్, డెడ్ స్కిన్ సెల్స్ తొలగించే హోం మేడ్ ఫేషియల్స్

బ్లూ బెర్రీ :

కొన్ని బ్లూబెర్రీ పండ్లు తీసుకొని మెత్తగా మ్యాష్ చేయాలి. అందులో కొద్దిగా బ్రౌన్ షుగర్ మిక్స్ చేసి ముఖానికి పట్టించి సర్కులర్ మోషన్ లో బాగా మర్ధన చేసి తర్వాత గోరువెచ్చని నీటితో శుభ్రం చేసుకోవాలి.

కాఫీ:

ఫేషియల్ స్ర్కబ్ ను ఇంటి వద్ద ఎలా తయారుచేసుకోవాలి? కొన్ని కాఫీ బీన్ తీసుకొని రఫ్ గా పొడి చేసుకోవాలి అందులో కొద్దిగా ఆలివ్ ఆయిల్ మిక్స్ చేసి ముఖానికి పట్టించి బాగా మర్ధన చేసి 15నిముషాల తర్వాత చల్లటి నీటితో శుభ్రం చేసుకవోాలి. మొటిమలకు ఇది ఒక ఉత్తమ ఫేషియల్ స్ర్కబ్ .

ఓట్ మీల్ స్ర్కబ్:

కొద్దిగా పాలపొడి తీసుకొని అందులో కార్న్మీల్, ల్యావెండర్ ఆయిల్ మరియు ఓట్ మీల్ వేసి, మొత్తాన్ని బాగా మిక్స్ చేసి ముఖానికి పట్టించి, నిధానంగా మర్ధన చేయాలి. ముఖం, ముక్కు మీద బాగా మర్ధన చేయడం వల్ల డెడ్ స్కిన్ సెల్స్, బ్లాక్ హెడ్స్ తొలగిపోయి, ముఖం కాంతివంతంగా మారుతుంది.

బొప్పాయి:

బాగా పండిన బొప్పాయి ముక్కలను మరియు కొద్దిగా తేనె మరియు పంచదార వేసి మిక్స్ చేసి ముఖానికి పట్టించి స్ర్కబ్ చేయాలి . కొన్ని నిముషాల తర్వాత ముఖాన్ని చల్లటి నీటితో శుభ్రం చేసుకోవాలి.

చాక్లెట్ స్ర్కబ్:

చాక్లెట్ ను కరిగించి అందులో అందులో బాదం ఆయిల్ మరియు పంచదార వేసి మిక్స్ చేసి చర్మానికి పట్టించి స్ర్కబ్ చేయాలి. డ్రై అయిన తర్వాత గోరువెచ్చని నీటితో శుభ్రం చేసుకోవాలి. ఇలా చేయడం వల్ల చర్మంలో మంచి నిగారింపు వస్తుంది.

టమోటో:

టమోటో చర్మానికి చాలా మేలు చేస్తుంది. ముఖ్యంగా ఇందులో విటిమిన్ సి ఉండటం వల్ల కొల్లాజెన్ ఉత్పత్తికి సహాయపడుతుంది. టమోటో గుజ్జులో కొద్దిగా పంచదార వేసి ముఖానికి పట్టించి శుభ్రం చేయడం వల్ల వ్రుద్దాప్య లక్షణాలను నివారిస్తుంది మరియు చర్మం రిఫ్రెష్ చేస్తుంది.

గ్రీన్ టీ స్ర్కబ్:

గ్రీన్ టీ కి పంచదార చేర్చకుండా తయారుచేయాలి . తర్వాత ఈ టీని చల్లారనివ్వాలి . తర్వాత ఇందులో కొద్దిగా పంచదార వేసి చిక్కగా చేయాలి. మరియు ఇందులో కొద్దిగా తేనె మిక్స్ చేయవచ్చు.ఈ ఫేషియల్ స్ర్కబ్ ను ముఖానికి పట్టించి కొన్ని నిముషాల తర్వాత కడిగేసుకోవాలి.

బాదం స్ర్కబ్:

కొన్ని బాదంను పొడి చేసుకోవాలి. మరి మెత్తని పౌడర్ గా కాకుండా రఫ్ గా చేసుకోవాలి . తర్వాత ఇందులో కొద్దిగా ఆలివ్ ఆయిల్ వేసి ముఖానికి పట్టించి స్ర్కబ్ చేయాలి.

టూత్ పేస్ట్:

కొద్దిగా టూత్ పేస్ట్ తీసుకొని అందులో కొద్దిగా ఉప్పు వేసి మిక్స్ చేసి ముఖానికి పట్టించాలి. ఇలా చేయడం వల్ల ముఖంలో మొటిమలు, మచ్చలు తొలగిపోతాయి . ఇది ఒక ఉత్తమ ఫేషియల్ స్ర్కబ్ .

పెరుగు:

పెరుగులో కొద్దిగా పంచదార వేసి బాగా మిక్స్ చేసి ముఖానికి పట్టించి స్ర్కబ్ చేయాలి. ఈ ఫేస్ స్ర్కబ్ వల్ల చర్మానికి పోషణ అందుతుంది . ఇందులో విటమిన్స్ అధికంగా ఉంటాయి మరియు ఇది చర్మానికి రక్తప్రసరణను అందిస్తుంది.