చర్మం సాగకుండా సొగసుగా..అందంగా మార్చే టాప్ 13 హోం రెమెడీస్

1. పెరుగు మరియు కలబంద ఫేస్ మాస్క్:

ఈ ఫేస్ మాస్క్ సాగిన చర్మాన్ని టైట్ చేస్తుంది. అందుకు 4చెంచాల పెరుగులో 2 చెంచాలా అలోవెరా జెల్ ను వేసి మిక్స్ చేయాలి. ఈ పేస్ట్ ను ముఖానికి పట్టించి సున్నితంగా మసాజ్ చేసి 20 నిముషాల తర్వాత శుభ్రం చేసుకోవాలి . ఇది సాగిన చర్మాన్ని బిగువుగా చేయడంతో పాటు, సాఫ్ట్ గా మార్చుతుంది . బుగ్గల్లో మెరుపు, బుగ్గలు సాగకుండా ఉండేందుకు ఈ రెమెడీస్ ని రెగ్యులర్ గా ఫాలో అవ్వండి.

2. అవొకాడో మరియు హనీ ఫేస్ ప్యాక్:

బాగా పండిన అవొకాడో గుజ్జులో రెండు చెంచాలా తేనె వేసి మిక్స్ చేయాలి. ఈ మిశ్రమాన్ని ముఖానికి పట్టించి ముఖం మొత్తం అప్లై చేయాలి. 20నిముషాలు అలాగే ఆరనిచ్చి, తర్వాత గోరువెచ్చని నీటితో శుభ్రం చేసుకోవాలి. సాగిన చర్మానికి ఇది ఒక బెస్ట్ హోం రెమెడీ.

3. ఫేషియల్ ఎక్సర్ సైజ్:

సాగిన చర్మానికి మరో బెస్ట్ హోం రెమెడీ ఫేషియల్ ఎక్సర్ సైజ్ . సింపుల్ గా చేసే కొన్ని ఫేస్ వ్యాయామా వల్ల ముఖంలో మరియు బుగ్గల్లో కొత్త మెరుపులు సంతరించుకుంటాయి. సాగిన ముఖంలో ఫ్లాసిడ్ మజిల్స్ కు కొన్ని సింపుల్ వ్యాయామాల వల్ల చర్మాన్ని బలోపేతం చేస్తూ, సాగిన చర్మాన్ని నివారిస్తాయి. జస్ట్ సింపుల్ గా స్మైల్ చేసి పది నిముషాలు అలాగే స్మైల్ ఫేస్ తో ఉండాలి. ఇలా రోజుకు 5నిముషాలు చేస్తుంటే మంచి ఫలితం ఉంటుంది.

4. రెండవ ఫేషియల్ ఎక్సర్ సైజ్:

రెండవ ఫేషియల్ వ్యాయామం వల్ల బుగ్గల్లో మెరుపుతో పాటు సాగిన చర్మం నివారించబడుతుంది . నోటినిండా గాలి పీల్చి, నోట్లో బుగ్గల నిండా కాసేపు అలాగే ఉంచాలి. 10నిముషాల తర్వాత నిదానంగా వదలాలి . ఇది ముఖంలో సర్కులర్ మోషన్ లో తొప్పడం వల్ల మంచి వ్యాయామం అందివ్వబడి, బుగ్గల వద్ద సాగిన చర్మాన్ని నివారిస్తుంది. ఇలా రోజులో రెండు మూడు సార్లు చేస్తుంటే మంచి ఫలితం ఉంటుంది.

5. ఎగ్ మాస్క్ :

ఎగ్ వైట్ లో హనీ మిక్స్ చేసి ముఖానికి అప్లై చేసి సున్నితంగా మసాజ్ చేయాలి. 15నిముషాలు అలాగే వదిలేసి తర్వాత గోరువెచ్చని నీటితో శుభ్రం చేసుకోవాలి. ఇలా క్రమం తప్పకుండా చేస్తుంటే మంచి ఫలితం ఉంటుంది. ముఖంలో కండరాలను బలోపేతం చేస్తుంది.వదులైన చర్మం బిగువుగా తయారవుతుంది.

6. డిటాక్సిఫైచేసే నేచురల్ జ్యూస్ త్రాగాలి:

బహిర్గతంగా మాత్రమే కాదు, అంతర్గతంగా కూడా మార్పులు చేసుకోవడం చాలా అవసరం. సాగిన చర్మానికి నివారించడంలో ఇది గ్రేట్ గా సహాయపడుతుంది . నీరు బాగా తాగడం వల్ల అంతర్గత మలినాలను బయటకు పంపించవచ్చు . దాంతో ముఖంలో వాపు మరియు సాగిన చర్మాన్ని నివారించుకోవచ్చు . అలాగే ప్రతి రోజూ గ్రేఫ్ ఫ్రూట్, ఆరెంజ్ మరియు స్ట్రాబెర్రీ జ్యూస్ లను తీసుకోవడం వల్ల చాలా ఎఫెక్టివ్ గా బాడీ డిటాక్సిఫై చేసుకోవడంతో పాటు , సాగిన చర్మాన్ని నివారించుకోవచ్చు.

7. కీరదోసకాయతో ఫేస్ మాస్క్:

కీరదోసకాయలను సన్నగా స్లైస్ గా కట్ చేసి ముఖం మీద అక్కడక్కడా పెట్టుకోవాలి. లేదా పేస్ట్ లా చేసి ముఖానికి ప్యాక్ వేసుకోవాలి. అరగంట తర్వాత తొలగించి చల్లటి నీటితో శుభ్రం చేసుకోవాలి. అలాగే రెగ్యులర్ డైట్ లో కీరదోసకాయను చేర్చుకోవడం ద్వారా అంతర్గతంగా మరియు బహిర్గతంగా మలినాలను తొలగించుకొని సాగిన చర్మాన్ని నివారించుకోవచ్చు.

8. టమోటోలు:

తాజాగా ఉన్న టమోటోల నుండి రసాన్ని తీసి ముఖానికి అప్లై చేయాలి. అప్లై చేసి సర్కులర్ మోషన్ లో మర్ధన చేయాలి. ఇది చర్మానికి అద్భుతాలను చేస్తుంది. టమోటోల్లో అసిడిక్ ఆమ్లాం ఉండటం వల్ల ఇది కొద్దిగా దురదగా అనిపిస్తుంది. అయితే ఎలాంటి దుష్ప్రభావం ఉండదు. కాబట్టి, ఒక గంట తర్వాత ముఖాన్ని శుభ్రం చేసుకోవడం వల్ల ముఖం బ్యూటిఫుల్ గా అందంగా కనబడుతుంది.

9. తేనె:

తేనెలో నేచురల్ మాయిశ్చరైజింగ్, యాంటీఆక్సిడెంట్స్ మరియు యాంటీఏజింగ్ ప్రొపర్టీస్ ఉండటం వల్ల ఇది చర్మంను టైట్ చేస్తుంది. తేనెలో కొద్దిగా నిమ్మరసం మరియు ఆలివ్ ఆయిల్ మిక్స్ చేసి ముఖం మరియు మెడకు అప్లై చేసి 20నిముషాల తర్వాత శుభ్రం చేసుకోవాలి.

10. అరటి మాస్క్:

బాగా పండిన అరటిపండులో కొద్దిగా తేనె మరియు ఆలివ్ ఆయిల్ మిక్స్ చేసి ముఖానికి పట్టించాలి. ఈ మాస్క్ స్పాలాగే పనిచేస్తుంది. ఇది వదులైన చర్మాన్ని టైట్ గా మార్చుతుంది. స్కిన్ ఎలాసిటిని పెంచి, చర్మంలో మంచి గ్లోను తీసుకొస్తుంది.

11. విటమిన్‌ తీసుకోవాలి:

అమెరికన్‌ జర్నల్‌ ఆఫ్‌ న్యూట్రిషన్‌ ప్రకారం విటమిన్‌ సి ఎక్కువగా ఉన్న పదార్థాలు తీసుకోవడం వల్ల చర్మంలో ముడతల ప్రభావం చాలా ఆలస్యంగా మొదలవుతుంది. కొలాజిన్‌ ఉత్పత్తిలో ఈ పోషకం కీలకంగా పనిచేస్తుంది. ఇందుకోసం క్యాప్సికం, ఆకుకూరలూ, మొలకలూ, టొమాటోలూ, కమలాఫలాలూ తీసుకోవాలి. పోషకాల ఆధారితంగా తయారుచేసిన సౌందర్య ఉత్పత్తుల్ని వాడాలి.

12. ఎండకు దూరంగా:

ఎండకు దూరంగా: కొలాజిన్‌ తగ్గిపోవడానికి ఎండలోని అతినీలలోహిత కిరణాలు కూడా కారణమే. కాబట్టి బయటకు వెళ్లేముందు తప్పనిసరిగా చర్మతత్వాన్ని బట్టి సన్‌స్క్రీన్‌లోషన్‌ని రాసుకోవాలి. ఎండ తక్కువగా ఉన్నా సరే ఈ జాగ్రత్త పాటించాలి.

13. స్వీట్స్ తగ్గించాలి:

తీపిశాతం ఎక్కువగా ఉన్న పదార్థాలు తీసుకోవడం వల్ల వృద్ధాప్యపు చాయలు త్వరగా మొదలవుతాయి. దాంతో చర్మంలో సాగేగుణం తగ్గి ముడతల్లాంటివి మొదలవుతాయి. చర్మంపై పేరుకొన్న మృతకణాల్ని తొలగించడం వల్ల కొలాజిన్‌ ఉత్పత్తి పెరుగుతుంది. దాంతో వృద్ధాప్యపు చాయలు రావడం ఆలస్యమవుతుంది.