గ్రీన్ టీలో ఉన్న 7 అద్భుతమైన బ్యూటీ బెనిఫిట్స్ ..!!

హైడ్రేట్ ప్యాక్

ఒక కప్పు వేడి నీటిలో ఒక గ్రీన్ టీ బ్యాగ్ వేయాలి. ఈ నీరు గది ఉష్ణోగ్రత వద్దకు వచ్చేవరకు వేచి ఉండాలి. ఈ నీటితో ముఖాన్ని కడగాలి. ఆ తర్వాత చల్లని నీటితో ముఖాన్ని కడగాలి. ఆ తర్వాత మీ ముఖం హైడ్రేడ్ గా ఉండటానికి ఒక ప్యాక్ వేయాలి.

రిలాక్స్ మాస్క్

ఒక బౌల్ లో రెండు గ్రీన్ టీ బ్యాగ్ లో ఉన్న పొడి ని తీసుకోవాలి. దానిలో ఒక స్పూన్ తేనే,కొన్ని చుక్కల నిమ్మరసం కలిపి పేస్ట్ గా చేయాలి. ఈ పేస్ట్ ని ముఖానికి,మెడకు రాసి అరగంట తర్వాత చల్లని నీటితో శుభ్రం చేసుకోవాలి. ఈ గ్రీన్ టీ మాస్క్ చర్మ అలసటను తగ్గిస్తుంది.

ఐ జెల్ మాస్క్

ఒక స్పూన్ గ్రీన్ టీ పొడిలో ఒక స్పూన్ అగర్ అగర్, ఒక స్పూన్ నిమ్మరసం, 5 చుక్కల బాదాం నూనె, అరకప్పు వేడి నీరు కలపాలి. ఈ బాగా కలిసేలా కలపాలి. ఈ మిశ్రమాన్ని ఐస్ ట్రే లో పోసి రిఫ్రిజిరేటర్ లో ఉంచాలి. చల్లగా అయిన ఈ మిశ్రమాన్ని స్పూన్ సాయంతో కళ్ళ మీద పెట్టుకోవాలి. ఈ జెల్ నల్లటి వలయాలు,కళ్ళ ఉబ్బును తగ్గించటంలో సహాయపడుతుంది.

మొటిమలు

అరకప్పు గ్రీన్ టీలో కాటన్ బాల్ ని ముంచి మొటిమలు ఉన్న ప్రదేశంలో రాయాలి. గ్రీన్ టీలో ఉండే యాంటీ బాక్టీరియల్ లక్షణాలు మొటిమలను తగ్గించటంలో సహాయపడతాయి.

యాంటీ ఏజింగ్ మాస్క్

గ్రీన్ టీ ఆకులను మెత్తని పేస్ట్ గా చేయాలి. ఈ పేస్ట్ లో కొన్ని చుక్కల నిమ్మరసం, ఒక స్పూన్ పాలమీగడ, చిటికెడు పసుపు వేసి బాగా కలపాలి. ఈ పేస్ట్ ని ముఖానికి,మెడకు రాసి ఆరిన తర్వాత చల్లని నీటితో శుభ్రం చేసుకోవాలి.

పేస్ స్ప్రే

ఒక కప్పు నీటిని బాగా మరిగించి దానిలో గ్రీన్ టీ బ్యాగ్ వేసి 15 నిముషాలు ఉంచాలి. ఈ నీరు గోరువెచ్చగా అయ్యాక, ఆ నీటిలో 5 చుక్కల నిమ్మ ఎస్సేన్షియాల్ ఆయిల్, 5 చుక్కల లావెన్డేర్ నూనె, 1 విటమిన్ E గుళిక జెల్ వేసి బాగా కలిపి ఒక స్ప్రే సీసాలో పోయాలి. ఈ స్ప్రే సీసాను రిఫ్రిజిరేటర్ కొంచెం సేపు ఉంచాలి. ఆ తర్వాత ఈ ద్రావణాన్ని ముఖంపై స్ప్రే చేస్తే ముఖ అలసట తగ్గుతుంది.

గ్రీన్ టీ బాడీ స్క్రబ్

తక్షణ రిఫ్రెష్ మరియు మృదుత్వం కావాలని అనుకుంటున్నారా? అయితే ఈ స్క్రబ్ ఉపయోగించండి. ఒక కప్పు బ్రౌన్ షుగర్ లో ఒక స్పూన్ ఎండిన గ్రీన్ టీ ఆకులు, 2 స్పూన్ల తేనే,అరకప్పు ఆలివ్ ఆయిల్, 10 చుక్కల లవెందర్ నూనె వేసి అన్ని పదార్దాలు బాగా కలిసేలా కలపాలి. ఈ మిశ్రమాన్ని గాలి చొరబడని కంటైనర్ లో నిల్వ చేయాలి. ప్రతి రోజు శరీరాన్ని శుభ్రం చేసుకోవటానికి ఈ స్క్రబ్ ని ఉపయోగించవచ్చు.