హీట్ బాయిల్స్ ను తగ్గించే బెస్ట్ నేచురల్ రెమెడీస్

జీలకర్ర:

జీలకర్ర లేదా జీరా అనే స్పైస్ ప్రతి కిచెన్ లో సాధారణంగా లభించే నేచురల్ ఇంగ్రిడియెంట్. ఇది బాయిల్స్ వద్ద పేరుకుపోయిన పస్ మరియు బాక్టీరియాను తొలగించేందుకు సమర్థవంతంగా తోడ్పడుతుంది.

ఎలా వాడాలి?

ఈ రెమెడీ కోసం నాలుగు టీస్పూన్ల జీలకర్ర పొడి అవసరపడుతుంది. జీలకర్రను వేయించి పొడిని చేసుకోవాలి. ఆ తరువాత కొన్ని చుక్కల నీటిని కలిపి చిక్కటి పేస్ట్ ను తయారుచేసుకోవాలి. దీన్ని ప్రభావిత ప్రాంతంపై అప్లై చేయాలి. దీన్ని ప్రతి నాలుగైదు గంటలకు ఒకసారి అప్లై చేసుకుంటూ ఉండాలి. మార్పు తెలిసే వరకు ఈ పద్దతిని కొనసాగించాలి.

వెల్లుల్లి:

వెల్లుల్లి కూడా ప్రతి కిచెన్ లో సాధారణంగా లభించే నేచురల్ ఇంగ్రిడియెంట్. ఇది హీట్ బాయిల్స్ ను తగ్గించేందుకు సమర్థవంతంగా తోడ్పడుతుంది. వెల్లుల్లిలో యాంటీ బాక్టీరియల్ ప్రాపర్టీస్ పుష్కలంగా కలవు. ఇవి అన్ని రకాల స్కిన్ ఇన్ఫెక్షన్స్ ను తొలగించేందుకు తోడ్పడతాయి.

ఎలా వాడాలి:

రెండు లేదా మూడు వెల్లుల్లి రెబ్బలను తీసుకోండి. వీటిని స్మూత్ పేస్ట్ గా మార్చుకోండి. ఈ పేస్ట్ ను హీట్ బాయిల్స్ పై అప్లై చేయండి. పది నిమిషాల పాటు వీటిని అలాగే ఉండనివ్వండి. ఆ తరువాత నార్మల్ వాటర్ తో రిన్స్ చేయండి. ఈ రెమెడీను రోజుకొకసారి పాటిస్తే మెరుగైన ఫలితాలను పొందగలుగుతారు.

ఆముదము నూనె:

ఆముదము నూనెలో యాంటీ ఇంఫ్లేమేటరీ పదార్థం లభిస్తుంది. దీన్ని రైసైనొలిక్ యాసిడ్ అంటారు. ఇది బాయిల్ ను తగ్గించేందుకు తోడ్పడుతుంది. ఇది చర్మాన్ని మాయిశ్చరైజ్ చేయడంతో పాటు చర్మంపై అదనపు నూనె ఉత్పత్తిని కంట్రోల్ చేస్తుంది.

ఎలా వాడాలి:

ఒక కాటన్ ప్యాడ్ ను తీసుకుని దాన్ని ఆముదము నూనెలో ముంచండి. ఆముదము నూనెలో ముంచబడిన కాటన్ ప్యాడ్ తో ప్రభావిత ప్రాంతంపై సున్నితంగా అద్దండి. ఇరవై నిమిషాల తరువాత నార్మల్ వాటర్ తో రిన్స్ చేయండి. ఈ పద్దతిని రెండు నుంచి మూడు వారాల పాటు పాటించండి. మెరుగైన మార్పును గమనించి తీరతారు.

తమలపాకులు :

తమలపాకులు కూడా యాక్నే మరియు హీట్ బాయిల్స్ నుంచి రక్షణను అందిస్తాయి. ఇవి బాయిల్స్ నుంచి పస్ రిలీజ్ కు తోడ్పడతాయి.

ఎలా వాడాలి:

రెండు లేదా మూడు తాజా తమలపాకులను తీసుకోండి. వీటిని అరకప్పు నీటిలో లో ఫ్లేమ్ లో బాయిల్ చేయండి. తమలపాకులు సాఫ్ట్ గా మారే వరకు మరిగించండి. ఈ మిశ్రమాన్ని చల్లారనివ్వండి. తరువాత మిశ్రమాన్ని పేస్ట్ లా మార్చుకోండి. ఈ పేస్ట్ ను ప్రభావిత ప్రాంతం పై అప్లై చేయండి. ఈ పేస్ట్ ఆరిపోయాక ప్లెయిన్ వాటర్ తో రిన్స్ చేయండి. ఈ రెమెడీను వారానికి రెండు సార్లు పాటిస్తే వేగవంతమైన ఫలితాలను పొందగలుగుతారు.

వేపాకులు:

వేపాకులలో యాంటీ బాక్టీరియల్ ప్రాపర్టీస్ పుష్కలంగా లభిస్తాయి. ఇవి హీట్ బాయిల్స్ ను తగ్గించేందుకు బాగా తోడ్పడతాయి.

ఎలా వాడాలి:

గుప్పెడు వేపాకులను తీసుకుని కప్పుడు నీటిలో పది నిమిషాల పాటు మరిగించండి. ఈ సొల్యూషన్ ను చల్లారనివ్వండి. ఆ తరువాత దీన్ని వడగట్టి స్ప్రే బాటిల్ లో స్టోర్ చేసుకోండి. ఈ సొల్యూషన్ ను ఫేస్ వాష్ లా వాడుకుంటూనే ప్రభావిత ప్రాంతంపై కూడా స్ప్రే చేసుకోవచ్చు. హీట్ బాయిల్స్ తగ్గిపోయేవరకూ ఈ పద్దతిని పాటించండి.