డయాబెటీస్ రోగులకు చర్మ సంరక్షణ!

Diabetes

oi-Nageswara

By B N Sharma

Published: Monday, April 30, 2012, 8:51 [IST]

నేటి రోజుల్లో డయాబెటీస్ వ్యాధి ఎంతో తేలికగా ఏదో ఒక రూపంలో చాలా మందికి చిన్న వయసుల్లోనే వచ్చేస్తోంది. మీరు సురక్షితంగా వుండాలనుకుంటే ఆహారం, షుగర్ వినియోగం వంటి వాటిలో కొంచెం జాగ్రత్తగా వుండాలి. అనారోగ్య ఆహారాలు తినరాదు. జంక్ ఫుడ్, వంటివి అసలే తినరాదు. ఇవి డయాబెటీస్ కు కారణమవుతాయి. డయాబెటీస్ రోగులకు చర్మ సంరక్షణ ప్రధానం. చర్మానికి గాయాలు వంటివి డయాబెటిక్ రోగులకు కలుగుతూంటాయి. వారి చర్మం సున్నితత్వాన్ని కోల్పోతుంది. రక్త ప్రసరణ సరిగా జరుగక చర్మ సమస్యలు త్వరగా తెలుసుకోలేరు. వారి చర్మానికి ఏ వ్యాధి వచ్చినా అది ముదిరితే కాని వారు గ్రహించలేరు.

డయాబెటిక్ రోగులకు శరీరంనుండి రక్తంలో అధిక షుగర్ కారణంగా ద్రవాలు నష్టపోతూంటాయి. దానితో వారికి కాళ్ళు, మోచేతులు, పాదాలు వంటి శరీర భాగాలలో చర్మం పొడిబారుతుంది. పొడి చర్మం అపుడు పగులుతుంది. ఆ పగుళ్ళలోకి క్రిములు చేరతాయి. ఇన్ ఫెక్షన్ కలిగిస్తాయి. కనుక చర్మ సంరక్షణ వీరికి ప్రధానం. చర్మానికి వచ్చే చిన్న సమస్యలే తీవ్రమై క్లిష్ట సమస్యలుగా వుంటాయి.
డయాబెటిక్ ఫుట్ , కాలిగాయాలు, వంటివి చివరకు కాలు తొలగించే స్ధితికి తీసుకువస్తాయి.

కనుక డయాబెటీస్ రోగులు చర్మాన్ని ఎప్పటికపుడు మంచి కండిషన్ లో వుంచాలి. ఏ రకమైన సమస్యలు చర్మానికి వుంటాయి? చర్మానికి పొడిబారటం, పగలటం మరి కొన్ని సంబంధిత సమస్యలు వస్తాయి. చర్మం రంగు కూడా మారుతుంది. చర్మం పలుచబడుతుంది. దద్దుర్లు, పుండ్లు ఏర్పడి త్వరగా నివారణ కావు. సత్వరమే వీరికి వైద్య చికిత్సలు అవసరమవుతూంటాయి. ప్రతిరోజూ వీరు నిద్రించే సమయంలో తమ పాదాలను పరీక్షించుకోవాలి. పాదాలు రక్తప్రసరణ సరిగా లేక తిమ్మిర్లు ఎక్కుతూంటాయి. స్పర్శ తగ్గిపోతుంది.

కనుక డయాబెటీస్ రోగులు ఎప్పటికపుడు తమ చర్మ సంరక్షణకై తగిన జాగ్రత్తలు తీసుకుంటూ వైద్య సలహాలను పాటిస్తూ వుండాలి. తినే ఆహారాలపట్ల జాగ్రత్త వహించాలి. రక్తంలోని షుగర్ స్ధాయిలు ఎప్పటికపుడు పరీక్షించుకుంటూ షుగర్ వ్యాధి మందుల వాడకం లేదా ఇన్సులిన్ వాడకం వంటివి ఆచరించాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.