నోరు ఎండిపోతూంటే....ఎంతో అసౌకర్యం?

Diabetes

oi-Nageswara

By B N Sharma

Published: Thursday, May 31, 2012, 12:40 [IST]

నోరు ఎండిపోవటం అంటే, నోటిలో తడి లేకపోవటం. సాధారణంగా మన నోరు ఎల్లపుడూ తడిగా వుండాలి. అందుకుగాను ప్రతివారూ తగినంత నీటిని తాగాలి. మీ శరీరంలో తగినంత నీరు వున్నదా? లేదా అని తెలుసుకోవడానికి నోటిలో తగినంత ఉమ్మి ఎల్లపుడూ వుందా ? లేదా అనేది చిట్కాగా పాటించాలి. శరీరం నిరంతరం కొనసాగే జీవక్రియ లేదా మెటబాలిజం కొరకు నీటిని కోరుతుంది. తగినంత నీరు శరీరంలో లేనపుడు మీ నోటిలోఊట ఊరదు. జీర్ణక్రియ సాఫీగా సాగదు. మలబద్ధకంఏర్పడుతుంది. నోరంతా ఎండిపోయి అలసట కలుగుతుంది. సాధారణంగా డయాబెటీస్ రోగులలో నోరు ఎండిపోతూంటుంది. ఇది డయాబెటీస్ వ్యాధి లక్షణంగా గుర్తించాలి.

నోరు ఎండిపోయినపుడు ఎంతో అసౌకర్యంగా చికాకుకలిగిస్తూ వుంటుంది. ఈ రకంగా ఎండిపోయిన నోరు బాక్టీరియాకి కూడా నివాస స్ధానం అవుతుంది. రకరకాల సూక్ష్మ క్రిములు చేరుతూంటాయి. నోటిలో ఊరే లాలాజలం సాధారణంగా మననోటిలోని హాని కలిగించే అనేక రకాల క్రిములను సంహరిస్తుంది. మీరు తినే ఆహారంలో సైతం వుండే హాని కలిగించే క్రిములు లాలాజలంలోని ఎంజైములు, మేలు చేసే బాక్టీరియా వంటి వాటితో తిన్న ఆహారాన్ని మొదటి దశలో జీర్ణం చేస్తాయి. మానవుడు తినే ఆహార జీర్ణక్రియలో మొదటి దశ నోటిలోని లాలాజలంతోనే జరుగుతుంది.

నోటిలో ఏ రకమైన వ్యాధులు రాకుండా చూసుకోవాలి. నోటి ఇన్ఫెక్షన్ కలిగితే అది మీ రక్తంలోని గ్లూకోజ్ స్ధాయిలపై ప్రభావం చూపుతుంది. లాలాజలం అధికంగా వుంటే బాక్టీరియా నోటిలో తక్కువగా వుంటుంది. దంతాలు, చిగుళ్ళపై వుండే యాసిడ్లను లాలాజలం కడిగేసి సమస్ధాయిలో వుంచుతుంది.
నోరు ఎండిన లక్షణాలు ఎలా వుంటాయి?
నోటిలో తడి లేకుండుట
నోటి మూలలలో మంట పెట్టుట
చిగుళ్ళు మంట పెట్టుట దీనినే జింజివైటిస్ అంటారు
నాలుక, బుగ్గలు, అంగిడి భాగాలలో క్రిమి వ్యాధులు కలుగుట

నోరు ఎండే కారణాలేమిటి?
తరచుగా రక్తంలో గ్లూకోజ్ స్ధాయి అధికంగా వుండుట. ఇది డయాబెటీస్ రోగులలో వుంటుంది. ఇతర కారణాలుగా, మీరు తగినంత నీటిని తాగకపోవటం, పొగ త్రాగటం లేదా ఏదేని మందు వేసినపుడు సైడ్ ఎఫెక్ట్ కారణంగా నోరు ఎండిపోవటం.

దీనిని ఎలాపరిష్కరించాలి?
మీ దంతాలను ప్రతి భోజనం తర్వాత శుభ్రం చేయండి. బెడ్ కి వెళ్ళే ముందు తప్పక బ్రష్ చేయండి ఎల్లపుడు శరీరంలో తగినంత నీటిని వుంచండి. ఒక బాటిల్ నీరు ఎల్లపుడూ వెంట వుంచుకోండి. ఆల్కహాల్ లేని మౌత్ వాష్ తో శుభ్రం చేయండి. పెదవులు పొడిబారినా లేక, మంట పెడుతున్నా, వాటిపై ఏదేని క్రీమ్ రాయండి. ప్రత్యేకించి మూలలలో అంటే నోటి వద్ద. సాధ్యమైనంత వరకు మీ బ్లడ్ షుగర్ స్ధాయిలను సిఫార్సు చేసిన రేంజిలో వుంచుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.