ప్రి డయాబెటీస్ అంటే ఏమిటి? అది వస్తే ఏం చేయాలి?

Diabetes

oi-Nageswara

By B N Sharma

Published: Wednesday, June 6, 2012, 14:53 [IST]

ప్రి డయాబెటీస్ వచ్చిన వారిని డయాబెటిస్ రోగులు అనటం తప్పవుతుంది. ఎందుకంటే పరీక్షల ద్వారా నిర్ధారించి వీరు డయాబెటీస్ తో బాధపడుతున్నారని నిర్ధారించటానికి వీలు లేదు కనుక. అమెరికాలో 40 నుండి 74 సంవత్సరాల మధ్య వయసులో ఇలా ప్రి డయాబెటీస్ తో బాధ పడేవారు చాలామంది వున్నట్లు అంచనా వేశారు. వీరిలో బ్లడ్ గ్లూకోజ్ లెవెల్ నార్మల్ కన్నా అధికంగా ఉంటుంది. అయితే వీరు డయాబెటీస్ తో బాధపడుతున్నారని నిర్ధారించేందుకు వీలు లేని స్ధాయిలో అది ఉంటుంది. ప్రి -డయాబెటీస్ తో బాధపడుతున్న విషయాన్ని ముందుగానే గుర్తించి వెంటనే జాగ్రత్తపడితే, ఆహారం, వ్యాయామం విషయాలలో బాగా అప్రమత్తంగా ఉంటే, లాంగ్ టర్మ్ డామేజ్ జరగకుండా గుండె, సర్కులేటరీ సిస్టం, కిడ్నీస్ డామేజ్ కాకుండా తమను తాము కాపాడుకుని ఆయుష్షును పెంచుకోవచ్చు. అంతే కాకుండా ప్రి - డయాబెటీస్ నుండి టైప్ 2 డయాబెటీస్ స్టేజ్ కి రాకుండా తమని తాము రక్షించుకోవచ్చు. ఇంతటి ప్రాముఖ్యతను సంచరించుకున్న ఈ ప్రి డయాబిటీస్ గురించి కొన్ని ముఖ్య విషయాలు మీరు తప్పక తెలుసుకోవాలి.

ప్రి డయాబెటీస్ ను గుర్తించటానికి రెండు టెస్టులు వున్నాయి.
1. ఫాస్టింగ్ ప్లాస్మ గ్లూకోజ్ టెస్ట్
2. ఓరల్ గ్లూకోజ్ టాలరెన్స్ టెస్ట్.

ఈ టెస్టుల ద్వారా బ్లడ్ గ్లూకోజ్ లెవెల్ ను నిర్ధారించి ఒక వ్యక్తి ప్రి డయాబిటీస్ లేక డయాబెటీస్ తో బాధ పడుతున్నాడా అని స్పష్టంగా నిర్ధారించవచ్చు. ఆహారంలో నియంత్రణ, రెగ్యులర్ వ్యాయామం, బాడీ వెయిట్ పెరగకుండా జాగ్రత్త పడటం, అదనపు వెయిట్ ను తగ్గించకోవటం విధిగా చేసి తీరాలి.

షుగర్ ఉందని తొలిసారిగా తెలిసినపుడు చాలామంది విచార పడిపోతారు. చాలా బాధ పడతారు. నాకెందుకు వచ్చింది. నేను చాలా ఆరోగ్యంగా వుంటాను. అధిక దప్పిక లేదు, అధిక ఆకలి లేదు, బ్లడ్ విజన్ లేదు, వెయిట్ లాస్ లేదు, ఓ విధంగా చెప్పాలంటే, డాక్టర్ గారూ మీరు చెప్పే డయాబిటీస్ లక్షణాలలో నాకు ఒక్కటీ లేదు. నాకు షుగర్ వుండటం ఏమిటి మా అమ్మ నాన్నలకు షుగర్ లేదు. మా బంధువులలో ఎవరూ షుగర్ తో బాధపడేవారు లేరు నాకు రావటం ఏమిటీ అంటూ వాపోతారు.

నేను మందులెలా వాడాలి? బ్లడ్ షుగర్ ఎలా చెక్ చేసుకోవాలి? ఏం తినాలి? ఏం తినకూడదు? ఏం తింటే నా షుగర్ పెరుగుతుంది? ఏ పండ్లు తినవచ్చు? ఇక నేను పరమాన్నం వంటి స్వీట్లు తినకూడదా? ఇలా ప్రశ్నల వర్షంతో డాక్టర్లను ముంచెత్తుతారు. తక్షణం తన దుష్ప్రభావాన్ని చూపకపోయినా, లాంగ్ రన్ లో గుండె జబ్బులు, కిడ్నీ జబ్బులు, పక్షవాతం వంటి ప్రాణాంతక వ్యాధులు, కంటి చూపుపోవటం వంటి విపరీత పరిస్ధితులకు దారి తీస్తుందన్న భయంతో షుగర్ వ్యాధి అంటేనే వణికిపోతారు కొందరు. ఇకపై తను స్వేచ్ఛగా తినే అవకాశం లేదని కొందరు మానసికంగా కుంగిపోతారు. ఇంతేకాదు వీరిలో షుగర్ వ్యాధిపట్ల ఎన్నో రకాల అపోహలుంటాయి. ఆ అపోహలన్నింటిని కూడా వీరు తొలగించుకోవాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.