Millets In Summer: ఎండాకాలంలో చిరుధాన్యాలు తింటున్నారా? ఈ జాగ్రత్తలు మర్చిపోవద్దు

చిరుధాన్యాలతో అనేక ఆరోగ్య ప్రయోజనాలు ఉన్నాయి. వాటి ప్రాధాన్యత గురించి చాలా మందికి తెలియక వాటిని తక్కువ చేసి చూస్తుంటారు. మిల్లెట్స్ లో పోషకాలు పుష్కలంగా ఉంటాయి. వీటి ప్రయోజనాలపై ప్రజలు అవగాహన కల్పించేందుకు 2023 సంవత్సరాన్ని కేంద్ర ప్రభుత్వం మిల్లెట్ ఇయర్ గా ప్రకటించింది.

రాగులు, జొన్నలు, సజ్జలు, అరికెలు, కొర్రలు వంటివి చిరుధాన్యాల కిందకి వస్తాయి. వరి అన్నం కంటే ముందు ప్రజలు ఈ చిరుధాన్యాలనే ఎక్కువగా తినేవారు. జొన్న అంబలి, జొన్న రొట్టేలు, రాగులతో చేసిన వంటకాలు, సజ్జలు, కొర్రలతో చేసిన పదార్థాలు ఎక్కువగా తీసుకునేవారు. మళ్లీ ఇప్పుడిప్పుడే చిరుధాన్యాల ఆరోగ్య ప్రయోజనాలు గురించి ఈమధ్యకాలంలో ఎక్కువగా వినిపిస్తుంది. జనాలు కూడా క్రమంగా చిరుధాన్యాల వాడకాన్ని పెంచుతున్నారు.

చిరుధాన్యాలతో ఆరోగ్య ప్రయోజనాలు:
ప్రతి రోజూ చిరుధాన్యాలు తినడం ద్వారా అనేక ఆరోగ్య ప్రయోజనాలు ఉంటాయి. మిల్లెట్స్ లోని పోషకాలు రుతువిరతి తర్వాత గుండె జబ్బులతో పోరాడటానికి మహిళలకు సహాయపడతాయి. అధిక రక్తపోటు, కొలెస్ట్రాల్ స్థాయిని కూడా నియంత్రిస్తుంది. పిత్తాశయ రాళ్లతో బాధపడే వారు కూడా దాని నుండి ప్రయోజనం పొందాలి.

* జీర్ణక్రియకు మంచిది:
మిల్లెట్లలో ఫైబర్ ఫుష్కలంగా ఉంటుంది. ఇది ఆరోగ్యకరమైన జీర్ణక్రియను ప్రోత్సహిస్తుంది. మలబద్ధకాన్ని నివారిస్తుంది.

* బ్లడ్ షుగర్ స్థాయిలను నియంత్రిస్తుంది:
చిరుధాన్యాల్లో గ్లైసెమిక్ ఇండెక్స్ తక్కువగా ఉంటుంది. ఇది రక్తంలో చక్కెర స్థాయిలను నియంత్రించడంలో, మధుమేహాన్ని నియంత్రించడంలో సహాయపడుతుంది.

* గుండె ఆరోగ్యం:
మిల్లెట్లలో యాంటీఆక్సిడెంట్లు, పైబర్ పుష్కలంగా ఉంటాయి. ఇది కొలెస్ట్రాల్ స్థాయిలను తగ్గించడంలో, గుండె ఆరోగ్యాన్ని మెరుగుపరచడంలో సహాయపడుతుంది.

* గ్లూటెన్ ఉండదు:
చిరుధాన్యాల్లో గ్లూటెన్ ఉండదు. ఉదరకుహర వ్యాధి ఉన్నవారికి అద్భుతమైన ఎంపికగా ఉంటాయి.

* బరువు నిర్వహణ:
మిల్లెట్లలో కేలరీలు తక్కువగా ఉంటాయి. ఫైబర్ ఎక్కువగా ఉంటుంది. ఆరోగ్యకరమైన బరువును మెయింటైన్ చేయడంలో సహాయపడతాయి.

* ఇన్‌ఫ్లమేషన్‌ను తగ్గిస్తుంది:
చిరుధాన్యాల్లో యాంటీ ఆక్సిడెంట్లు పుష్కలంగా ఉంటాయి. యాంటీ ఇన్‌ఫ్లమేటరీ గుణాలు ఉంటాయి. ఇవి శరీరంలో మంటను తగ్గించడంలో సహాయపడతాయి.

వేసవిలో మిల్లెట్స్ తీసుకోవాల్సిన జాగ్రత్తలు:
* సరిగ్గా నిల్వ చేయాలి:
చిరుధాన్యాలు చెడిపోకుండా, కలుషితం కాకుండా సూర్యరశ్మి తగలని చోట నిల్వ చేయాలి. చల్లని, పొడి ప్రదేశంలో చిరుధాన్యాలను నిల్వ చేయాలి.

* హైడ్రేషన్:
చిరుధాన్యాల్లో ఫైబర్ ఎక్కువగా ఉంటుంది. వాటిని తీసుకోవడం వల్ల శరీరంలో నీటి శోషణ పెరుగుతుంది. డీహైడ్రేషన్ కు గురికాకుండా ఉండాలంటే పుష్కలంగా నీరు తాగాలి.

* పరిమాణం:
వేసవిలో చిరుధాన్యాలను ఎక్కువ పరిమాణంలో తీసుకోవడం వల్ల బరువు లేదా అసౌకర్యంగా అనిపిస్తుంది. చిరుధాన్యాలను మితంగా తీసుకోవాలి. అలాగే ఇతర ఆహారాలతో కలిపి తీసుకోవాలని వైద్యులు సూచిస్తున్నారు.

* అలెర్జీ:
కొందరికి చిరుధాన్యాలు పడవు. చిరుధాన్యాలు తింటే దురద, వాపు, శ్వాస తీసుకోవడంలో ఇబ్బంది వంటి సమస్యలు ఎదురవుతాయి. అలాంటి వారు వైద్యుల సిఫార్సు మేరకే చిరుధాన్యాలు తీసుకోవాలి. అలా తీసుకోవడం వల్ల మిల్లెట్స్ తో తలెత్తే అలెర్జీ నుండి దూరంగా ఉండవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.