గుండెకు మేలు చేసే ఆహారం!

శాట్యురేటెడ్ కొవ్వులు వీలైనంత తగ్గించాలి. రెడ్ మీట్, వెన్న, నెయ్యి, కొవ్వు అధికంగా వుండే పాల ఉత్పత్తులునూనెలు వదిలివేయాలి. గుడ్డు సొన కూడా తినకండి. మీరు తినే ఆహారంలో కొల్లెస్టరాల్ రోజుకు 300 మి.గ్రా.మించి వుండరాదు. కుక్కీలు, క్రేకర్లు, స్నాక్స్, బేకరీ ఉత్పత్తులు, సలాడ్ డ్రసింగ్ లు, వేపుడు ఆహారాలు, మైక్రోవేవ్ పాప్ కార్న్ వదలండి. సాధారణంగా కార్బో హైడ్రేట్లు తినవద్దని చెపుతారు. కాని మీరు తినే ఆహారంలో 60 శాతం కార్బోహైడ్రేట్లు కూడా వుండాలి.

ప్రతిరోజూ శారీరక శ్రమ లేదా వ్యాయామం వంటివి చేయాలి. స్విమ్మింగ్, సైకిలింగ్ లేదా ట్రెడ్ మిల్ వంటివి సత్వర ఫలితాలనిస్తాయి. అంతేకాక, ఎలివేటర్లబదులుగా మెట్లు ఎక్కడం వంటి శారీరక శ్రమకలిగించేవి ఆచరించాలి. ఇప్పటికే మీరు చాలాకాలంగా వ్యాయామం చేయనివారైతే, వ్యాయామాలు మొదలు పెట్టేముందు డాక్టర్ ను సంప్రదించండి. ఇప్పటికే అధికబరువు కలవారు ఎప్పటికపుడు తమ బాడీ మాస్ ఇండెక్స్ సరి చూసుకుంటూ తగిన వ్యాయామాలు, పోషకాహారం నిపుణుల పర్యవేక్షణలో అమలు చేయాలి. తగ్గవలసిన బరువు ఒకేసారి కాకుండా, ప్రణాళిక మేరకు క్రమంగా తగ్గాలి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.