Latest Updates
-
రెస్టారెంట్ స్టైల్ చికెన్ వెల్లుల్లి రైస్.. తక్కువ సమయంలోనే అద్భుతమైన రుచి -
టిక్కెట్ లేకుండా ప్రయాణం..చెకింగ్ కి భయపడి డోర్ లాక్..కదులుతున్న రైలు బయట వేలాడిన టీటీఈ! -
20 నిమిషాల్లో చక్కెర, ప్రిజర్వేటివ్స్ లేని పీనట్ బటర్..ప్రోటీన్, పోషకాలతో నిండిన ఆరోగ్యకరమైన అల్పాహారం -
ఐరన్ లోపం, జుట్టు, చర్మ సమస్యలకు మేలు చేసే మునగ సూప్.. ఇంట్లోనే ఈజీగా చేసేయండిలా! -
చలికాలంలో నువ్వులు తింటే 5 అద్భుత ఆరోగ్య ప్రయోజనాలు ఇవే! -
చుక్క నూనె లేకుండా వెజిటబుల్ పులావ్.. ఇంట్లోనే ఈజీగా, రుచిగా తయారు చేసుకోండిలా -
బంపర్ ఆఫర్ అంటే ఇదే.. రీఛార్జ్ తో పాటు ఫ్రీగా రూ.1 లక్ష ఇన్స్యూరెన్స్ ఇస్తున్న BSNL -
చలికాలంలో వెచ్చని వాతావరణం కోరుకుంటున్నారా? భారత్ లో తప్పక చూడాల్సిన 5 బెస్ట్ ప్రదేశాలివే! -
మధ్యాహ్న భోజనానికి బెస్ట్.. వంకాయ మునగకాయ మసాలా 10 నిమిషాల్లోనే చేయండిలా.. -
ఎసిడిటీ, గ్యాస్ వేధిస్తున్నాయా? ఈ 5 ఇంటి చిట్కాలతో చిటికెలో ఉపశమనం!
గుండెల్ని పిండేస్తున్న విశాఖ చిన్నారి ఉదంతం..డాక్టర్ చెప్పిన షాకింగ్ విషయాలు!
ఏపీలోని వైజాగ్ లోని లిటిల్ గార్డెన్ స్కూల్ లో రెండు రోజుల క్రితం తమ్మన ప్రణయ్ తేజ అనే యూకేజీ చదివే బాలుడు టీచర్ మందలించిన కారణంగా చనిపోయిన హృదయ విదారక ఘటన ప్రస్తుతం అందరినీ తీవ్ర దిగ్భ్రాంతికి గురిచేస్తోంది. బడిలో అక్షరాలు దిద్దుకోవాల్సిన ఒక యూకేజీ చిన్నారి.. మహిళా టీచర్ కోపానికి బలైపోయిన సీసీటీవీ దృశ్యాలు చూసిన ప్రతి ఒక్కరి కంట కన్నీరు తెప్పిస్తున్నాయి.
హోమ్ వర్క్ చేయలేదన్న కారణానికే ఆ టీచర్ బాలుడిని పట్టుకుని ఊపడం, దుస్తులు లాగడం, చెంపపై బలంగా కొట్టడం ఆ వీడియోలో స్పష్టంగా కనిపించింది. ఆ దెబ్బకు, బెదిరింపుకు భయపడిన ఆ చిన్నారి అక్కడికక్కడే స్పృహతప్పి టీచర్ పై పడిపోయి ప్రాణాలు విడిచాడు. ఈ ఘటన నెటిజన్లలో తీవ్ర ఆగ్రహాన్ని, ఆవేదనను రగిలిస్తోంది.

అయితే ఈ దృశ్యాలు చూసిన తర్వాత చాలా మంది మదిలో తలెత్తే మొదటి ప్రశ్న.. ఒక చెంపదెబ్బకు ఆ చిన్నారి ఎలా చనిపోయాడు? అని. ఈ సందేహాలకు తమిళనాడుకి చెందిన ప్రముఖ డాక్టర్ ప్రకాష్ మూర్తి తన ఇన్ స్టాగ్రామ్ ద్వారా కీలకమైన విషయాలను షేర్ చేశారు.
డాక్టర్ ప్రకాష్ మూర్తి ప్రకారం.. పిల్లల్లో పుట్టుకతో వచ్చే గుండె సమస్యలే ఇలాంటి ఆకస్మిక మరణాలకు ప్రధాన కారణం కావచ్చు. కొందరు పిల్లల్లో గుండె కవాటాలు సరిగ్గా మూసుకోకపోవడం వల్ల ASD (ఏట్రియల్ సెప్టల్ డిఫెక్ట్), VSD (వెంట్రిక్యులర్ సెప్టల్ డిఫెక్ట్) వంటి లోపాలు ఉంటాయి. అలాగే AAOCA, లేదా CPVT, బ్రుగాడా సిండ్రోమ్ వంటి గుండెకు సంబంధించిన విద్యుత్ అసాధారణతలు కూడా ఉండొచ్చు.
వైజాగ్ చిన్నారి కేసులో, టీచర్ ఒక్కసారిగా బెదిరించి కొట్టడంతో బాలుడు తీవ్ర భయానికి, ఒత్తిడికి గురై ఉంటాడు. ఈ ఆకస్మిక షాక్ వల్ల గుండె స్పందన రేటు విపరీతంగా పెరిగిపోయి వెంట్రిక్యులర్ అరిథ్మియాకు దారితీసి, తద్వారా కార్డియాక్ అరెస్ట్ సంభవించి ఉండొచ్చని డాక్టర్ వివరించారు.
తల్లిదండ్రులు గమనించాల్సిన లక్షణాలు
పిల్లల్లో పుట్టుకతో వచ్చే ఇటువంటి గుండె జబ్బులను తల్లిదండ్రులు కొన్ని లక్షణాల ద్వారా పసిగట్టవచ్చు. వయసుకు తగ్గ ఎత్తు, బరువు లేకపోవడం, ఛాతీ ఎముకలు స్పష్టంగా కనిపించడం, ఆడుకునేటప్పుడు త్వరగా అలసిపోవడం, ఆయాసపడటం వంటివి ముఖ్యమైన సూచికలు. పిల్లల గుండె కొట్టుకునేటప్పుడు పుష్ పుష్ లాంటి వింత శబ్దాలు వచ్చినా వెంటనే అలర్ట్ కావాలి. కుటుంబంలో ఎవరికైనా ఇలాంటి చరిత్ర ఉంటే, కార్డియాలజిస్ట్ ను సంప్రదించడం ద్వారా ముప్పును నివారించవచ్చు.
నేర్చుకోవాల్సిన పాఠం
అయితే అధికారిక పోస్ట్ మార్టం ఇంకా రాలేదు కాబట్టి అది వస్తే మరణానికి కచ్చితమైన కారణం తెలుస్తుంది. ఏది ఏమైనా పసిపిల్లలు అల్లరి చేయడం, తప్పులు రాయడం సహజం. ఉపాధ్యాయులు వారి పట్ల అంతులేని ఓర్పు, సహనం ప్రదర్శించాలి. శారీరకంగా దండించడం, ముఖ్యంగా తల, ముఖంపై కొట్టడం ఎట్టి పరిస్థితుల్లోనూ సురక్షితం కాదు.
Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.



Click it and Unblock the Notifications
